Secun mi saventie, Occ-Interlingue de 1949 til li annus 60 esset chocat per li aparition del nov concurrentie de Interlingua e alcunes provat far changes por rectificar li situation. On posse vider actualmen que it ne esset li lingue self quel propulset it til unesim loc inter li naturalistic auxlingues, ma li organisation e moné detra it. Ma tande on ne esset cert e questionat se esque li subit popularitá del lingue esset mersí a su qualitás linguistic.
Felicimen, plu calm caps prevalet e li lingue ne 'reformat' se pos li choc. Recentmen li Biblioteca National in Austria publicat li ultim annus de Cosmoglotta B, a saver 1949 e 1950. In tis on posse vider li unesim prova de Berger in plen fortie de changear li lingue. Il mem changeat li ortografie de altres qui inviat articules e lettres a su preferet form. https://anno.onb.ac.at/cgi-content/anno-plus?aid=e0m&size=45 Yo scrit pri to un poc in Reddit: https://old.reddit.com/r/auxlangs/comments/mt4t6v/pages_like_this_are_all_ric_bergers_fault/guz7wgz/ Ta on posse vider li scritiones de Berger pri li afere. On Fri, May 7, 2021 at 2:30 AM Marcos Cruz <[email protected]> wrote: > Yo ha leet un litt brochura de solmen 4 págines, titulat «Curt > grammatica de "Interlingue" (Occidental)», sin date (evidentmen pos > 1949-09) ni autor (solmen un adresse: Interlingue Institute, CH-1033 > Cheseaux, Svissia). > > Curiosimen, in ti grammatica li articul «le», li finale adverbial > «-mente», e li possesives «tu», «nostri» e «vostri» es monstrat quam > facultativ vice li formes ordinari! «nostri» e «vEstri» ja existet in > Occidental, e li possesiv «tu(i)» (e «su(i)») es mentionat in «Laconic > Grammatica de Occidental» (Cosmoglotta A 70, 1930-05), ma yo vide in ti > brochura li manu de Berger pos 1951, annu de publication de Interlingua > de IALA, esque? > > Esque fórsan li nómine Interlingue es in cite-signes in li titul just > por aluder que it ne es li autentic? :) > > Malgré to, ti litt grammatica sembla me util quam prim contacte por > interessates, dunc un bon candidate por digitalisation, logicmen con > quelc changes e modernisationes, e fórsan combinat con li articul > «Laconic Grammatica de Occidental» o altri textus simil. > > -- > Marcos Cruz > http://alinome.net > > > -- > ne.alinome.net > > > > > > -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#394): https://groups.io/g/interlingue/message/394 Mute This Topic: https://groups.io/mt/82635826/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
