In 2021-05-07 09:45, cellus38 via groups.io scrit: > li Interlinuga-English Dictionary esset comprabil in li grand librería > in Uppsala, Svedia. To fat impression al gente qui se interesset in > axiliar lingues. Yo esset un de ili e mi adherentie a occidental esset > casuat de mi impression que ti lingue es plus autonom e al mesme > témpor dona plus de libertá al usatores - e it plus paneuropan quam > interlingua - secun mi personal opinion.
Mi experientie es un poc simil. Yo trovat ambi lingues in sam témpor. Yo savet pri ili solmen quelc basic detallies. Yo decidet studiar Interlingua in prim, nam it havet e ancor have plu materiales de aprension, plu bell e modern, e mem audios! Adplu, it semblat plu activ in internet. Ma yo solmen progresset in li passiv usation e bentost remarcat li grav problemas e dificultás. Tande poc a poc yo decidet provar li altri. Malgré li pigritá e manca de atrativ del poc materiales trovabil pri Occidental, yo strax remarcat que su grammatica esset mult plu bon, potent, facil e coherent quam ti de Interlingua. > Lu quo noi ne have es ancor bon material por aprender li lingue > distinat al ordinari homines. Yes, ma noi ha progresset multissim. Ancor li majoritá del nov materiales es resurectiones del oldis, ma to es comprensibil, logic e mem bonissim. Scrir nov textus de aprension e letura es laborosi, postula un fort motivation, e besona un fundament anteyan, un minimum de materiales existent. Dunc li prim pasu es posir ti fundament, i.e. far reviver li old textus. Plu bon material es creat, plu homes es interessat pri li lingue, e plu cresce li probabilitá que quelc ex ili posse colaborar in quelcunc ex li taches besonat por preparar bon nov materiales: fotografar, tippar, scrir, corecter, dessinar, librificar, publicar, difuser... Si ante tri annus noi vell haver tam util materiales, e tant activitá e projectes quam nu, yo vell har comparar ambi lingues strax e ne vell har perdet mi témpor studiante Interlingua. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#396): https://groups.io/g/interlingue/message/396 Mute This Topic: https://groups.io/mt/82635826/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
