Kaixo! Azkeneko hilabetetan Karrera Amaierako Proiektuan lanean ibili naiz buru belarri. Bilboko IITUEn aurkezpenerako arautegi nahiko zehatza dagoenez [1], eta buruan LaTeX erabiltzea sakon sartu izanagatik, denbora dezente (gehiena ez esatearren) diseinuan eman dot.
Iñaki Silanes eta Digna Gonzalezek egindako lana gogora, eta ITSASen wikiko bi lan taldeetan bildutakoa oinarri [2] [3], eskura zeuden txantiloiek euskaraz erabiltzean zituzten akatsak zuzendu eta zenbait "hobekuntza" gehitu ditut. Nahiz eta ideiaren jatorria aurrekoek egindako lana izan, txantiloi honen egitura ezberdina da. Aldi berean, oso zehatza dugu hau: LaTeXerako soilik dago eskuragarri, euskarazko bertsioa baino ez dago (momentuz) eta UNE 157001-2002 araua [4] imitatzen du (bete ez). Halere, ez da zaila moldatzea (hizkuntza mantenduz, behintzat). LaTeX lan taldeko "Euskera" atalean, PDF formatuan aurkitu ditzakezue adibidea eta oinarrizko argibideak: http://itsas.ehu.es/eu/workgroups/latex/euskera#karrera_amaierako_proiektuak_idazteko_txantiloia Iturriak tar.gz formatuan jaitsi daitezke (konpilazio sekuentziarekin adi ibili). Argibide zehatzagoak idatzi baino lehen, eta beste hizkuntzatan edo Tesiak idazteko moldaketak egin aurretik, kritikak jasotzea gustatuko litzaidake. Besterik gabe, eta zuen iritzien zain, Ondo izan Unai [1] http://www.industria-ingeniaritza-tekniko-bilbao.ehu.es/p229-content/eu/contenidos/normativa/euiti_bi_pfc/eu_nor_gral/normativa_gral_fin_carrera.html [2] http://itsas.ehu.es/workgroups/plantillas_proyecto_fin_de_carrera [3] http://itsas.ehu.es/workgroups/latex [4] http://www.aenor.es/aenor/normas/normas/fichanorma.asp?codigo=N0026243&tipo=N#.UQWdhn3ZhFw
_______________________________________________ ITSAS mailing list [email protected] http://list.ehu.es/mailman/listinfo/itsas
