Assalamu�alaikum Wr.Wb.
Salah sawios pangajaran penting tina ayana diskusi dina rohangan milist ieu,
tetela komunikasi teh sesah. Sering aya distorsi antawis naon anu didugikeun
sareng naon ku anu katampi ku ana macana. Contona, dina mangsa pribados nyerat
teu kedah nyebat profesor, amanat anu hoyong didugikeun teh : urang kudu bisa
nempatkeun diri antara status jeung peran. Kusabab pribados ayeuna keur teu
nyangking status jadi guru besar (hartosna nuju henteu ditugaskeun ngajar di
paguron luhur) janten sapribadoseun mah asa teu kedah disebat profesor. Tapi
kesan anu katampi ti anu maca eta seratan tiasa wae janten benten, diantawisna
: handap asor, malihan pujieun ssjb. atanapi anu ditinggali teh kecap ambek
jeung pundungna -- padahal dua kecap anu panungtung mah estuning heureuy anu
ceuk pribados mah gaya Sunda (pribados kalebet anu teu resep kana panyakit
urang Sunda anu sok pundungan lamun beda pamadegan).
Nya kitu deui dina waktos pribados naroskeun sababaraha patarosan ngeunaan
agama Sunda. Patarosan teh estuning clak putih clak herang, estuning ku hoyong
terang � margi seueur dibahas dina rohang publik sapertos ieu, tapi naon anu
janten intina teu terang. Tiasa janten ayana kacurigaan-kacurigaan atanapi
dianggap �aneh� teh kumargi eta. Kukituna dina waktos aya waleran :
�araringgis ari ditaros ku anu laluhung elmu kasundaanana�, pasualan janten teu
kontekstual. Anu ditaroskeun �substansina� ari anu diwaler �anu naroskeunana�
atanapi hal-hal sejen anu teu aya pakuat-pakait sareng naon anu ditaroskeun.
Palebah dieu, pribados oge mafhum. Dina maca hiji tulisan teh tiasa dimaknaan
benten-benten. Mantak naroskeun oge estuning teu ngartos, hoyong terang,
tetebiheun tina ngarasa luhung. Upami naroskeun anu tos terang eta mah
disebatna nguji. Sakali deui dina hal ieu mah, pribados tataros teh pedah teu
terang.
Sabalikna dina waktos pribados ngaos hiji tulisan, sok sanaos basa sundana
lemes, lantip tapi karaosna ngabubat babet nembongkeun geregel emosi anu
nyeratna. Palebah dieu, ngan anu nyerat ku anjeun anu uninga kana eusi hatena.,
saleresna naon anu janten tujuan tina eta seratan.
Waktos sdrk. Ade nyebatkeun yen hal anu dipadungdengkeun teh widang anu
�tertutup� anu mung tiasa ditaroskeun kalawan langsung ka tempatna, pribados
tiasa nampi � margi tianangtos moal tiasa maksa. Atuh ngeunaan soal kayakinan
mah �privacy�, pribados oge sapagodos � urang kedah silih hormat kana kayakinan
sewang-sewangan.
Balik deui kana inti pasualan, tetela komunikasi teh sesah. Pribados kudu
leuwih loba diajar deui dina nepikeun pamadegan jeung leuwih jembar dina beda
pamadegan. Milist ieu janten salah sawios mediana. Hatur nuhun.
Ganjar Kurnia
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
