Haturan Abah Joe. Leres pisan divisi Siliwangi anu kapungkur kaanggo pisan ku pimpinan Nasional kanggo mareuman pemberontakan dimana-mana di Indonesia. Kuring oge percanten para tantara di divisi Siliwangi nasionalis tulen, Divisi Siliwangi tiasa disebatkeun divisi nu pangheulana di Indonesia nu sifatna nasional henteu kadaerahan. Para gegeden Divisi Siliwangi seueur anu gaduh kasang tukang pendidikan militer di Jaman Walanda, sapertos Kartakusumah (aom Aah), AH Nasution sareng Kawilarang. Aranjeunna lulusan akademi militer walanda di Bandung. Ieu benten sareng tantara ti divisi sanes, anu umumna ti unsur PETA di jaman Jepang jeung rada kadaerahan. Ieu oge panginten nu mangaruhan para gegeden Siliwangi nu urang sunda gaduh prinsip nasionalisme anu ageung (Amir Machmud sareng Umar Wirahdikusumah, nu nolak dijantenkeun pelindung ikatan Mahasiswa Sunda di Jakarta, tadina ti Divisi Siliwangi). Tapi sim kuring masih gaduh prasangka, naha aranjeunna dugi ka alim pisan, nulungan organisasi2 kasundaan, kumargi ku sikep nasionalismena atawa ditambihan ku faktor sanes, sapertos anu dicarioskeun ku sim kuring dina posting "Serat Kanggo Teh Aisha". Jawabanana panginten di aranjeunna nyalira anu ayeuna parantos almarhum.
Hatur nuhun. Baktos, WALUYA --- In [email protected], Joe Ragan <[EMAIL PROTECTED]> wrote: > > Saenyana mah eta gegeden teh, leuwih mentingkeun prinsip. Yen harita urang teh keur ngabangun bangsa, nyaeta Bangsa Indinesia. Divisi Siliwangi, lain milik US wae tapi milik Rahayat Indonesia. Divisi Siliwangi ngarasa boga tanggung jawab ka Lemah Cai Indonesia ti Sabang nepi ka Marauke. Jadi pikiran gegeden US harita ngarasa mun leuwih condong ka Sunda, sarua wae ngahianat ka Republik Indonesia. > > Divisi Siliwangi kasohor ngabela Republik ti Muso nepi ka Kartosuwiryo. Urang Sunda konsekwen, ngaheulakeun Republik tibatan Kadaerahan. Jeung harita nganggap Bung Karno pamingpin Republik, kajeun teuing urang Jawa oge. > > Datang panggantina BK, urang Jawa nu gede kadaerahaanana, ditambah oge gede pisan ngaheulakan babaturanna ti Divisi Diponegoro. US utamana di Divisi Siliwangi tetep konsekwen ngabela Republik. Rea penggede US nu embung diparentah kuPresiden Jawa, konsekwen menta pangsiun masih ngora keneh. > > US boga prinsip nu pohara gedena, leuwih ti seler sejen. Jadi pamimpin, rea nu embung jadi kapstok kaluargana. Hayang maju, sok usaha sorangan. > > Kade pedah geus 32 tahun, nu halal diharamkeun, nu haram dihalalkeun. Urang kudu boga pamadegan, sakali haram tetep haram. Sakali teu satuju, tetep teu satuju. > > > > US lain jelema nu "inggih doro" > > > > Abah Joe > > > > --------------------------------- > Do you Yahoo!? > Make Yahoo! your home page > > [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
