Wa'alaikum salam wr wb.,
Kang Nana anu dipihormat,
Kalintang bingahna sim kuring nampi panggero salira ngeunaan mateakeun
urang Sunda ngalangkungan posting salira anu ku abdi diwalonan ieu. Pikeun
ngalajuninglakukeun ieu padungdengan, moga kawidian si kuring nepikeun
sababaraha hal, boh anu patali jeung tulisan salira, "pergerakan" ngaliwatan
milist oge ngeunaan milist kisunda pakait jeung ieu garapan. Bade dibabaran
dina sababara "pointer" di handap ieu:
1) Dina panungtung seratan salira anu diwalonan ieu, salira nuduhkeun
(ngasongkeun) 7 hal anu, sakumaha kasauran salira, upama dilaksanakeun ku
sakumna masyarakat jawa barat, mangka jawa barat sababaraha taun ka hareup
tiasa diharepkeun baris ngalahirkeun pamimpin jeung intelektual anu jugala
(tangguh) jeung profesional. Anu jadi patarosan teh nyaeta: Anu 7 hal teh
anu mana tea?; Naha penggelan ti anu ditataan ti ngawitan hurup a dugi ka
n?. Upami kitu, atuh kudu aya anu dipiceun sabab ti a dugi ka n mah jumlahna
sanes 7, namung 14? Saparantos dipiceun sabagean, saterusna kudu dipeureut
saripatina, sabab tina anu ditataan dina a nepi ka n mah nyaritakeun
kaunggulan bangsa sanes. Cikan kumaha saripati ajen-inajen nu luyu jeung
kasundaan tina anu ditataan dina a nepi ka n teh?
Atawa, anu 7 teh gabungan tina anu ditataan ti a nepi ka n ditambah anu
opat tea ti salira (a, b, c, d : cageur, bageur, pinter, singer). Mugi kersa
ngajelaskeun deui (nga-elaborasi) perkawis anu 7 anu salira ngasongkeun
pikeun jadi syarat kamajuan kahirupan kapamimpinan jeung intelektualisme
Sunda.
2) Ngeunaan milist salaku wahana bajoang (pergerakan). Nitenan tina
kamekaran anu geus kaalaman, si kuring heunteu pati optimis milist tiasa
jadi agen pergerakan anu efektif. Milist paling jauh bisa jadi bahan
pangdorong sangkan urang ngotektak jeung ngayakeun pagempungan - bajoang di
darat. Geus kaalaman pisan salila 4 leuwih si kuring aktif di milist,
jejer-jejer teh ukur ngaraliwat bae di milist, arang langka (lain hartina
heunteu aya), anu ngajalujur jadi hiji garapan anu mayeng, boh diskusi atawa
garapan terusanana. Nitenan sababaraha milist, anu rame tur bisa diharepkeun
teh ukur milist-milist anu jejerna ngeunaan konsultasi, upamana, milist
konsultasi kasehatan.
Sok sanajan kitu, si kuring heunteu nyapirakeun fenomena anu mucunghul, anu
sae, di milist urangsunda. Tina sababaraha padungdengan di milist, US anu
aktif di milist urangsunda geus hasil ngawangun hiji yayasan, nyaeta Yayasan
Perceka, anu anggotana nya anggota-anggota milist (adagiumna: tina patepung
di milist jadi patepung di darat dina wangun hiji garapan ngalangkungan
yayasan). Namung nyakitu, kamekaran ieu Yayasan oge teu acan nyerempeng
pisan, kusabab nyakitu tea, sigana, kulantaran mindeng patepungna teh karek
di alam maya.
Hal sejen anu alus tina kamekaran milist kasundaan nya sarupa
garapan-garapan anu diluluguan ku Kang Hasan (mh) anu pamianganana ti milist
urangsunda. Diantara garapan ieu nya "proyek" digitalisasi pustaka Sunda
jeung narjamahkeun Al Qur'an kana basa Sunda (TQBS). Sigana upama nyoko kana
7 unsur kabudayaan, garapan anu aya teh karek nepi kana widang garapan basa
(digitalisasi pustaka Sunda + TQBS), atikan (pabukon), jeung sosial
(sumbangan-sumbangan insidentil upama aya kajadian bancangpakewuh).
Anapon milist kisunda, nya katingalna rada lumayan oge. Prestasi anu geus
kahontal diantarana website sundanet.com <http://sundanet.com> geus jadi
salah sahiji rujukan ngeunaan kasundaan (utamana ku icikibungna Abah Surya
salaku narasumber) atikan jeung naon rupa bahan kaperluan ngeunaan
kasundaan). Atuh hal sejen anu geus kahontal nyaeta garapan di darat anu
pamianganana kulantaran patepung lawung di milist (komunitas
sundanet.com<http://sundanet.com>).
Diantara garapan anu ieu nyaeta: 1) ulikan jeung panalungtikan konsep
pangwangunan regional jawa barat widang budaya, 2) strategi panalungtikan
mateakeun budaya pikeun ngaronjatkeun ipm (indeks pangwangunan manusia) jawa
barat, 3) strategi lajuninglaku perda ngeunaan basa, kasenian jeung
ajen-inajen tradisi, 4) garapan sosialisasi nyalindungan DAS Citarum Hulu
migunakeun budaya, jeung 5) sosialisasi tata ruang jawa barat ngagunakeun
seni tembang cianjuran - Nurhidayahan.
Mataholangna poin ka 2 ieu nyaeta: kahirupan milist ayeuna umumna, karek
simet ngobrol can pati ngajalujur jadi hiji pergerakan anu bisa
dibalitungkeun kalayan ditambahan hiji fenomena anu hade tur mawa harepan ti
milist urangsunda (yayasan Perceka + garapan-garapan dina widang basa) jeung
sababaraha hontalan milist kisunda jeung komunitas
sundanet.com<http://sundanet.com>.
Kitu oge bisa nanjeur na teh upama para anggota eta milist mindeng
patepunglawung di darat di sagigireun di alam maya (milist).
3) Aya saena samemeh nembrakeun hal-hal anu pakait jeung ajen-inajen
kasundaan anu geus baku (standar), urang kudu kurah-koreh heula kana hanca
titinggal sepuh-sepuh urang anu geus jadi sabiwir hiji atawa geus jadi
pangaweruh umum.
Upamana bae, runtuyan anu ku salira ditataan ngeunaan anu 4 (cageur,
bageur, pinter, singer), pangaweruh kasundaan anu umum heunteu sarupa kitu
nataanana teh, utamana lebah anu 4 pangheulana (tangtuna anu pangpentingna).
Anu geus umum jadi pangaweruh US, anu 4 pangheulana teh nyaeta: Cageur,
bageur, bener, pinter. Anapon anu sesana (tambahna) aya anu neruskeun sarupa
kieu : singer, teger, pangger, wanter, cangker jeung jujur. Mangga, diantara
sumber rujukan dina lebah dieu anu tiasa dipariosan nyaeta buku: "Kasundaan
Rawayan Jati" yasana Abah Surya (Drs. H. R. Hidayat Suryalaga) ti komunitas
sundanet.com <http://sundanet.com>.
4) Satemenna, sababaraha dulur urang, kaasup si kuring, geus mindeng
ngagero sangkan US geuwat ngaringkelkeun sarupa tatapakan pikeun mateakeun
selerna. Sebut bae nyieun sarupa perencanaan stratejik anu miang tina
ajen-inajen kasundaan diadumaniskeun jeung tangtangan kakiwarian. Nya dina
perencanaan stratejik ieu baris kapanggihna visi, misi, tujuan stratejik,
sasaran stratejik, program jeung kagiatan pikeun ngahontal udagan sarerea:
kahirupan anu leuwih alus anu napak dina budayana atawa ngigel, ngigelan
jeung ngigelkeun jaman tea.
Anu jadi pamiangan cecekelan, sakumaha kungsi ku si kuring dipostingkeun,
nyaeta palsapah sajarah. Ceuk dina palsapah sajarah, sakumaha sederhanana
hiji bangsa, upama eta bangsa masih eksis, sok komo deui upama aya keneh
dikieuna, tangtu eta bangsa atawa seler teh mibanda ajen-inajen poko anu
leuleus (liat) anu upama eta ajen-inajen teh dihudangkeun deui
(direvitalisasi) bisa jadi jalan pikeun eta bangsa/seler manggihan deui
kajayaanna dina leuleumpangan sajarah (ngigel, ngigelan jeung ngigelkeun
jaman).
Ti heula kungsi diasongkeun di ieu milist, diantara ajen-inajen seler Sunda
anu kapanggih jeung meunang meureut tina sagala rupa titinggal jeung hanca
budayana nepi ka ayeuna, aya 3 ajen-inajen anu penting. Anu 3 teh nyaeta: 1)
Silih Asih, Silih Asah, Silih Asuh; 2) Ngertakeun Bumi Lamba, 3) Mulasara
Kabuyutan. Upama seug anu 3 ieu direvitalisasi, urang aya harepan boga visi,
misi, tujuan stratejik ...jst nepi ka "kagiatan" pikeun ngahudangkeun deui
US kalawan daria. Anu dimaksud revitalisasi teh taya lian ti : neuleuman
leuwih jero nepi ka bisa nuwuhkeun kasadaran, pararangkay sosial
(perencanaan sosial, kalebet: sosialisasi jeung atikan), jeung kreativitas.
Sigana nya ldina ebah perencanaan sosial ieu pancen utama (baca: realistis)
milist dina pangwangunan budaya.
Poin anu ka opat ieu mawa talatah yen aya hadena dina madungdengkeun hiji
hal di milist, utamana pakait jeung jejer-jejer anu strategis, urang nitenan
heula arsip file eta milist. Teu aya sanes, sangkan rada ngajalujur jeung
nyambung kana guaran-guaran sarupa anu geus mucunghul samemehna. Tapi, eta
mah ukur nasehat bae.
5) Ieu mah keur bahan pamikiran urang sarerea ka hareup bae. Dina raraga
ngudag udagan urang, masalah-masalah agama, pangwangunan jeung kabudayaan
(jembarna masalah kahirupan manusa, kaasup masyarakat Sunda), saeutikna aya
3 golongan masalah anu gede anu disanghareupan ku urang tur kudu jadi bahan
pamikiran mereskeunana. Anu 3 teh nyaeta: a) masalah religius-kultural, b)
masalah budaya jeung kawilayahan, c) masalah budaya jeung akselerasi
pangwangunan.
Masalah religius-kultural, sakumaha kabuktian dina milist kisunda (mitos
Islam jeung Sunda) pang mindengna jeung panglobana anu nyikepan. Ieu potensi
masalah gede teh kudu saenggal-enggalna direngsekeun atawa ditetepkeun
pondasi dasar pikeun ngarengsekeunana. Pikeun hal ieu, si kuring percaya,
boh Islam (salaku agama mayoritas di TS) atawa budaya Sunda bisa memeresna.
Sabab, dimensi pangpentingna boh dina agama Islam atawa budaya Sunda sarua
nyaeta dimensi sosial tea.
Masalah anu kadua, patali jeung unak-anik budaya anu miangna tina kaayaan
alam (kaasup respon kana tangtangan alam) anu sakitu rupa-rupana
(warna-warni) anu heunteu bisa disakompet-daunkeun. Kukituna, saha bae anu
niat nanjeurkeun bangsa kudu gemet atawa kudu wanoh pisan kana pasifatan
wilayah eta bangsa jeung budaya seler 9sub seler) bangsa anu nyicingan eta
patempatan.
Anu katilu, memang urang perlu akselerasi pangwangunan. Tapi, akselerasi
pangwangunan ieu satemenna moal jalan atawa baris mawa kaancuran upama urang
heunteu nolih kana kaayaan budaya bangsa jeung patempatan dimana urang rek
ngayakeun akselerasi pangwangunan.
Mangga, salah sahiji PR urang kanggo neruskeun revolusi (anu hartina
heunteu kudu guyang getih bae) nya ngarengsekeun 3 masalah di luhur.
-------
Kang Nana, oge ka sadayana, wilujeng, Pamugi ieu posting si kuring nambihan
sumanget salira oge sadayana pikeun urang sasarengan ngahontal kahirupan anu
leuwih hade (berkualitas tea). Bilih bae aya anu kalebet langkung saur, bahe
carek, mugia tawakufna bae.
Cag.
Baktosna,
manAR
On 5/20/05, nana sutrisna <[EMAIL PROTECTED]> wrote:
>
>
> Assalamualaikum Baraya
>
>
>
> Sigana mah urang sunda teh kudu ngayakeun revolusi, anu intina ngarubah
> sakabeh adat kabiasaan ayeuna ku jalan nyieun kabiasaan anyar ku cara
> ngadadak. Diantarana wae anu kudu diayakeun revolusi jeung reformasi teh
> nyaeta :
>
> Puseur dayeuh sunda provinsi Jawa barat teh entong di Bandung tapi di
> daerah basisir Alesanna mah kusabab daerah pagunungan ngajadikeun sifat
> urang sunda jadi pasif, susah narima parobahan zaman jeung "cenderung" rada
> cengeng (melankolik). Jadi maksud kuring ngarobah sifat jeung cara berpikir
> agraris ka sifat jeung cara berpikir maritim anu dinamis, gampang narima
> parobahan zaman jeung "cenderung leuwih pragmatis". Nepi ka danget ayeuna ge
> urang Sunda teh masih keneh "mempersepsi" dirina salaku urang gunung lain
> hiji bangsa anu di hiji nusa anu dikuriling lautan anu jadi liliwatan bangsa
> � bangsa saalam dunya.
>
> Conto nagara atawa bangsa maritim anu kungsi mangaruhan jalanna sajarah
> dunya :
>
> ......
> Nerapkeun pilosofi sunda Cageur, bageur, Pinter, Singer dina kahirupan anu
> leuwih nyata
>
> a. Cageur : ku cara ngakampanyeukeun kabiasaan olah raga dina saminggu
> tilu kali, ngalobakeun perlombaan olah raga ditingkat pamarentahan pang
> handapna nepi ka tingkat pang luhurna,ngagiatkeun perkumpulan kepemudaan
> dina widang olah raga, olah raga lokal saperti penca silat, gatrik, galah
> santang jeung sajabana bisa dironjatkeun kucara ngajarkeun jeung ngalatih
> barudak sakola urang, jadikeun Jawa barat "sebagai SPARTAna Asia"
>
> b. Bageur : ngayakeun pangajian rutin saminggu sakali disakuliah tatar
> sunda ditingkat RT, nerapkeun hukum islam sacara kaffah tur diformalkeun
> dijadikeun hukum nagara minimal "Tatar Sunda Darussalam", ngajalankeun hukum
> sacara konsisten tegas jeung adil, Nyuburkeun pendirian pasantren jeung
> kagiatan � kagiatan kaagamaan, malah lamun bisa mah Leuwih alus deui kudu
> aya dewan siga lamun dimesir mah al azhar, di iran saperti ayatollah, Milih
> partai anu basisna jeung ngabajoangkeun tegakna kalimatullah. Mere
> penghargaan Sarupaning anak teladan, suami teladan, istri teladan, keluarga
> teladan, ayah teladan, ibu Teladan, siswa teladan, guru teladan, "karyawan
> teladan", wirausaha teladanjrrd. (asal ulah Telad telod siga nu edan weh)
>
> c. Pinter : Anggaran belanja daerah bener � bener eukeur pendidikan
> barudak sakola, Ngawajibkeun sakola nepi ka tingkat S1, ngakampanyeukeun
> semangat diajar Saumur hirup, ngaronjatkeun minat baca anak kucara nyieun
> pabukon nepi ka tingkat RT. Jadikeun Jawa barat laboratiorium dunya, tempat
> para ngumpulna para cerdik pandai, ulul albab, ilmuwan, peneliti jeung
> lahirna pamuda � pamuda nu berprestasi kaliber dunya dina sagala widang.
> Jadikeun Jawa barat ATHENAna Asia.
>
> d. Singer : Di sadari yen Profesionalisme jeung Kapamingpinan teh dua hal
> anu pang kurangna dipimilik ku kisunda jadi kudu sering ngayakaeun seminar,
> pengkajian, bedah buku ngeunaan profesionalisme jeung kapamingpinan, loba
> nerbitkeun buku, jurnal, majalah, makalah, artikel anu tumali eujeung
> profesionalisme jeung kapamingpinan, ngayakeun pelatihan jeung kursus
> ngeunaan profesionalisme jeung kapamingpinan, nelaah jeung ngaguar hal ihwal
> profesionalisme jeung kapamingpinan dina Islam jeung Sunda, nyieun buku
> ngeunaan biografi para Pamingpin jeung ngeuyeubkeun pabukon � pabukon di
> tatar Sunda ngeunaan Profesionalisme, Kapamingpinan jeung biografi para
> Pamingpin. Character Building bener � bener tujuan dina ngaronjatkeun SDM di
> Pasundan.
>
>
>
> 7 Hal diluhur sigana lamun dilaksanakeun, di Jawa barat sababaraha puluh
> taun kahareup bakal ngalahirkeun pamingpin jeung kaum intelektual anu
> tangguh jeung profesional. Ngajadikeun jawa barat provinsi pangmajuna lain
> ngan ukur di Indonesia malah level dunya sahenteuna di Asia. Amin.
>
> Cik kumaha pamanggih baraya.
>
>
>
> Wassalam
>
> Nana Sutrisna
>
>
> ---------------------------------
> Do you Yahoo!?
> Yahoo! Small Business - Try our new resources site!
>
> [Non-text portions of this message have been removed]
>
>
>
> PENTING..!
>
> attachment akan dihapus & tidak diteruskan kepada seluruh member.
>
> dilarang beriklan. pelanggaran atas peraturan ini akan dikenai sanksi
> berupa pencabutan membership.
>
> terutama bagi pengguna ms outlook/outlook express, dihimbau untuk selalu
> mengupdate antivirusnya.
>
> Yahoo! Groups Links
>
>
>
>
>
>
>
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
