Hehehe Kang Oman, Naha tina "patlot" jeung "komputer" mani jadi sarius? Ari numutkeun kuring mah kieu kang tiap jenis media mibanda kaunggulan anu tangtu, disagigireun kakuranganana. Sabenerna mah kurang payus mapandekeun "patlot" jeung "komputer", da jiga mapandekeun meri jeung embe. Geus puguh beda, ti ajalina. Ngan aya sasabaraha catetan kuring perkara konsep ngeunaan "buku" piikeun alam kiwari. Naha naon ari "buku" teh? Upama "buku" ditoong salaku barang nu mangrupa keretas terus dijilid, eusina mangrupa informasi nu tinangtu, ti baheula nepi ka kiwari oge jaga, angger we teu robah jiga kitu, jiga nu salila ieu ku urang disebut "buku" tea. Tapi upama "buku" dihartikeun tina jihad teknologi, buku dihartikeun bahan bacaan pikeun manusa, dileupaskeun tina media nu dipake ruang simpanna, harti buku bisa robah saluyu jeung barobahna alam pikiran manusa. Konsep "buku" kiwari kudu geus robah saluyu jeung robahna jaman, lain ukur hartina buku make media citak jiga keretas, kulit kai, daun lontar, jeung sajabana. Tapi "buku" geus bisa make media elektronik, jadi "buku elektronik" (e-book). Buku elektronik boga kaunggulan dibandingkeun jeung buku dina harti konvensional. Diantarana, buku elektronik salian bisa dibaca ku manusa, oge buku elektonik bisa maca dirina sorangan pikeun didengekeun ku manusa. Oge buku elektronik bisa ngandung hal-hal sejen nu teu bisa ditarekahan ku buku biasa, jiga media visual misalna. Salam, MH
oman abdurahman <[EMAIL PROTECTED]> wrote: Baraya, Sok sanajan ieu jejer "unggulna patlot ibaningkeun komputer" katempona sederhana atawa ngaharib kana heureuy atawa unak-anik (serba-serbi), tapi keur kuring mah kacida pentingna. Anu jadi sabab, ari patlot teh apan tara pisah jeung papasanganna (anu dina kaitan di dieu mah) nyatana nya buku tea. Khususna deui, buku salaku media informasi. Kukituna, jejer ieu teh sarua bae jeung jejer "kautamaan buku dibandingkeun jeung komputer" salaku media informasi. Lebah dieu mah heunteu jadi masalah, naha buku eta dijieunna make komputer atawa heunteu (sigana alam ayeuna mah sakabeh buku, pon kitu deui media citak anu sejenna, salaku sumber informasi, tangtu ngagunakeun komputer waktu nyieunna teh). Pasoalanna upama diringkeskeun bisa diringkelkeun sarupa kieu:" Naha ari dina alam kiwari jeung sababaraha taun ka hareup ajen buku masih keneh penting?". "Naha ari buku (boh buku anu klasik atawa anu dijieunna make komputer) salaku media informasi ka hareup baris kaelehkeun ku komputer (kaasup jeung papasanganna nyaeta internet)?". Nilik kana kautamaan "patlot" (anu geus itransformasikeun jadi "kautamaan buku..." salaku media informasi) si kuring wani ngajawab yen buku (atawa media informasi naon bae anu kaasup media citak) tetep mibanda kautamaan, sakurang-kurangna pikeun sababaraha taun ka hareup. Oge tetep aya kautamaan buku anu anu moal bisa kaelehkeun ku komputer. Nya diantarana sakumaha anu geus icirian ku eusi jejer "unggulna patlot...jst". Sanajan kitu, hal ieu lain hartina si kuring nyapelekeun komputer (jeung internet). Ngan saukur nyirian yen nepi ka iraha bae oge buku salaku media informasi tetep penting, "comportable", jeung praktis. Hehehe...jadi inget jejer Kang Hasan ti heula, "Buku" tea. Kumaha tah terasna Kang Hasan? Baktosna, manAR ===== Situs: http://free.angeltowns.com/studio579/ [Pupuh17, Wawacan, Roesdi Misnem, Al-Quran, Koropak] __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
