Baraya saalam dunya,
Ieu mah lain rek mesek hikmah ibadah haji, jalaran si kuring lain ahlina
jeung deui--nepi ka ayeuna- can kaparengkeun mampuh ngalaksanakeun ieu
ibadah. Teu aya sanes, pedah aya sababaraha hal anu kapikiran, dina
satiap nyanghareupan bulan haji, utamana poean ngahajikeun dina unggal
kaping 10 Dzulhijjah. Pamugi wae aya manfaatna.
Upama diringkeskeun, rukun haji jeung wajib haji teh, ceuk para ahli,
ngawengku ti mimiti ihrom, sya'i jeung tahalul-na, thowaf, wukuf di Arafah
jeung maledog jumroh. Tulisan ieu teh rek museurkeun perhatian
kana rukun/wajib haji tadi, khususna lebah : thowaf jeung wukuf di Arafah.
Anapon pakakas ngabedahna lain ku elmu fiqih atawa elmu hikmahna ahli
tasawuf, da bubuhan teu manjing kadinya mah, tapi estuning ieu mah make
sudut panyawang anu sejen. Mudah-mudahan wae aya patalina.
Ceuk para ahli fisika, satiap puteran, puteran naon wae, tangtu ngahasilkeun
energi atawa tanaga. Dina unggal puteran tangtu aya sumber atawa poros atawa
puseur puputeran jeung aya anu muterna. Kanyataan, kahirupan urang sapopoe
satemenna ngarupakeun hiji puteran. Upamana wae, ti imah indit ka kantor
nepi ka balik deui ka imah, eta geus ngarupakeun hiji puteran. Pon kitu deui
anu sakola, indit ti imah, diajar di sakola, nepi ka balik eui ka imah, eta
ngarupakeun hiji puteran. Anu sejenna, sosobatan, campur gaul, jeung hirup
kumbuh jero masyarakat satemenna ngarupakeun hiji hal anu teu bisa leupas
tina unsur muter atawa nguriling (hiji mangsa papanggih, ngobrol atawa
babadamian babarengan, papisah deui, terus papanggih deui, jst balikan
deui-balikan deui). Nyakitu keneh, kamari urang ngalongok milist, tuluy ka
luar ti milist (logout), terus poe ieu asup deui ka milist (signout), eta
oge ngarupakeun hiji puteran. Kahirupan salawasna ngarupakeun hiji puteran,
hiji siklus. Apan katelahna oge: siklus kehidupan atawa daur kahirupan
tea. Disawang tina lebah dieu mah urang moal bisa leupas tina laku "thowaf":
nguriling saminggu 7 poe. Ngan, aya rupa-rupa "thowaf" anu dilakukeun ku
urang enggoning hirup, boh salaku individu, anggota kulawarga atawa anggota
masyarakat, gumantung kaperluanana.
Sakumaha "benda-benda" anu muter nuwuhkeun energi, satemenna,
puteran-puteran campur gaul urang sapopoe oge nuwuhkeun energi jeung tanaga,
gumantung naon anu jadi sumber atawa poros pamuteranana. Puteran sakola, nya
ngahasilkeun energi minangka pangaweruh. Puteran neangan nafkah alias
pagawean, nya ngahasilkeun nafkah kahirupan. Puteran icikibung di milist,
nya ngahasilkeun energi "permilist"-an. Pon kitu deui, campur gaul barudak
rumaja jeung balad-baladna dina urusan seni, baris ngahasilkeun karya seni.
Upama barudak rumaja tadi leuwih mindeng ngagabung atawa "muter" atawa
"thowaf" jeung babaturanana dina urusan "perkeliruan" (upamana: mabok jeung
narkoba), nya tangtu wae hasilna oge moal jauh ti korban mabok jeung korban
narkoba. Hirup salawasna muter jeung tanaga atawa hasil puputeran gumantung
naon anu jadi sumber pamuteran tadi.
Tah, dina thowaf ibadah haji teh apan urang kedah muter ngurilingan ka'bah.
Diantara gambaran hikmah thowaf teh nya meureun ieu: Urang salilana kudu
muteran hiji sumber pikeun nuwuhkeun tanaga hirup. Kulantaran anu jadi
sumber sagala sumber teh nya Anu Maha Kawasa, mangka tinangtu, pamuteran
urang mah kudu anu Maha Kawasa sangkan tanaga hirup anu dihasilkeunana aya
dina bebeneran atawa sumber energi anu sabenerna. Kukituna, thowaf teh
sigana gambaran sangkan kahirupan urang-anu teu weleh aya dina rarangka
muter sakumaha dicaritakeun di luhur - bisa manggihan naon anu sakuduna jadi
sumber atawa "poros" thowaf urang. Dina ibadah haji dilambangkeun, sumber
atawa poros thowaf teh ka'bah atawa Baetulloh atawa "imah" Alloh tea. Nya
ieu teh nasehat sigana, sangkan dina laku muter neruskeun kahirupan ieu
salawasna urang ngajadikeun Pangeran Anu Maha Esa (sanes aliran kepercayaan
ieu mah) salaku hiji-hiji sumber kakuatan panyarandean urang. Kukituna,
urang oge tangtu kudu milih-milih thowaf urang sapopoe sangkan aya dina
puteran-puteran anu salawasna ngajadikeun Pangeran salaku sumberna, salaku
porosna. Wallohu'alam.
Dina sela-sela muter, urang kudu cicing, tangtu wae, sabab ari muter terus
mah apan bisi beakeun tanaga. Salian ti thowaf, rukun haji oge aya cicing,
nyaeta wukuf di Ar'afah. Mangga, kanggo wukuf mah diantos pedaran ti nu
sanesna. Patarosan pangulemna: "Naon ari manfaat cicing keur kahirupan
urang?" Diantos pedaran ti nu sanesna, bo dina lebah gerak nguruling atawa
dina mangsa cicing.
baktos,
manAR
baktos,
manAR
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
