Haturan Kang Reza oge baraya sadaya,
Hampura jeung minangka panyilih tina kaayaan numpi si kuring, nyanggakeun
sapulukaneun:
Muhun, sigana pirameeun PilGub Jabar 2008 teh. Kira-kira, naon nya anu bisa
disumbangkeun ku warga milist kanggo lancar jeung merenahna PilGub Jabar
2008? Tantuna oge warga milist mah, khususna ieu milist, moal pakepuk dina
urusan politik ngarojong salah sahiji calon atawa anu sarupa jeung eta,
tapi, leuwih condong kana urunan soal program keu calon Guburnur ka payun.
Pakait jeung program, ti beh ditu keneh rada boga angen-angen ngeunaan
pamimpin Sunda. Paminpin Sunda dina hal ieu anggap wae Gubernur Jabar.
Sakumaha dina panganteur buku seratan Ceu Diah Padmini, anu dijudulan
"Jaladri Tingtrim" ti Gubernur Jabar harita katulis (BI: tersurat) teges
pisan ebrehan yen Gubernur Jabar teh sarua jeung Ketua/Pamimpin Adat Sunda.
Kahayang mah ka hareup Gubernur Jabar teh kapilih kusabab programna anu
pinunjul nyoko kana pangabutuh masyarakat Sunda kiwari boh sosial budayana,
ekonomina, oge lingkunganana. Naha bisa milih Gubernur/PilGub Jabar ka
hareup make sistem "ngadu program"? Terus, anu nganilaina aya hiji
rengrengan sarupi "Dewan Adat"? Walah, PR badag pisan nya? Enya teu rek
badag kumaha, apan anu disebut "Dewan Adat" oge kudu diringkelkeun kumaha
wae rumusanana jeung kriteriana anu linggih di dinya.
Abah Olot (saha anjeunna? Insya Alloh, lamun pareng, engke oge kabuka dina
waktuna), geus mitembeyan nyieun sarupa Dewan Adat anu dimaksud, diaranan:
"Puruhita". Eta teh minangka lajuninglaku kelompok "spiritual" tina riungan
anu diluluguan ku Kang Acil taun 2003 di pendopo Kota Bandung. Riungan anu
nyawalakeun Jabar ka hareup. Numutkeun Abah Olot mah geus aya cenah
saha-saha anu asup ka Dewan Adat Puruhita ieu. Kumaha-kumahana tetengger eta
Puruhita, ka sing saha wae anu hoyong terang, sigana perlu patepung lawung
sareng Abah Olot.
Tah, program anu kumaha anu disebut nyoko kana pangabutuh sosial budaya
jeung lingkungan masyarakat Sunda teh? Ieu sigana bisa jadi bahan
padungdengan anu mokaha. Mangga, saha anu bade mitembeyan eta padungdengan?
diantos.
baktosna,
manAR
On 5/8/07, reza alwan <[EMAIL PROTECTED]> wrote:
>
> sampurasun,
>
> Tos ngawitan di jawa barat harengheng bade mayunan hajat demokrasi PilGub
> 2008, tapi dalah dikumaha da sistem politikna sapertos kieu di urangmah,
> kantun kumaha urang tiasa sasarengan ngiring ngarojong supados Pilgub 2008
> sukses pinuh ku katingtriman ulah dugika sili sigeung jeung dulur salembur,
>
> ka para calon nu bade majeng di Pilgub, poma ulah ningali kandidat nu
> sanes sapertos ningali musuh, tapi cekap we ningali salaku kompetitor
> supados teu dugika ngahalalkeun sagala cara.
>
> Pokoknamah FASTABIQUL KHAIRAAT.......... (paboro-paboro kana kahadean),
> anggap ieu PilGub jalan kanggo ngalancarkeun janten pamingpin anu amanah
> sahingga jaga di Akhirat eta amal kahadean jadi syafaat kana Surga Allah.
>
> wassalaam,
>
> Reza Alwan Sofnidar
> Ketua Umum Barisan Putra Sunda (BARA SUNDA) & Ketua Bidang Hukum PW Pemuda
> Muhammadiyah Jabar, sadidinten di jakarta janten Manajer Program Voter
> Education SEKNAS JPPR.
>
> ---------------------------------
> Ahhh...imagining that irresistible "new car" smell?
> Check outnew cars at Yahoo! Autos.
>
> [Non-text portions of this message have been removed]
>
>
>
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
