Mun tea mah isu PAD ieu bagian tina pengembangan SDM lokal, SDM asli daerah,
atawa bagian tina ngembangkeun kabudayaan daerah dina hartos jembar, tangtos
sim kuring sanes teu panuju SDM lokal kedah maju, nu dina hal ieu tandang
mingpin daerahna sorangan. Tapi, sinisme jeung suudzon sim kuring: Alatan ieu
isu remen dipake panyumputan, akon-akon, atawa ngingkahan pasoalan-pasoalan nu
leuwih subtantif, kongkrit, atawa mendesak pisan: Ngaraharjakeun kahirupan
jalma loba, nu satemenna janten udagan ideal pemilu, pamarentahan, politik,
partai, ormas, sakola, internet, jeung kabudayaan umumna. Tegesna mah kawajiban
hirup urang. Bagian tina titipan atawa khalifatul lil ardhi pisan.
Hartosna, manan ngagegedekeun isu PAD nu bisa nyasabkeun eta, ku naon urang
teu ngabiasakeun nyodorkeun isu-isu nu pakait jeung pasoalan nu leuwih penting:
Kumaha merangan korupsi? Kumaha nanjeurkeun hukum? Ngahangkeutkeun kualitas
pendidikan? Ngahangkeutkeun kahirupan kasenian daerah? Ngawangun industri
wisata nu ramah lingkungan jeung mela kapentingan jalma leutik? Merangan
pangangguran? Narkoba? Ngajaga lingkungan? Nyegah banjir? Ngomean jalan ka
Cilamaya? Ngawangun Pusakanagara? Ngatur tata ruang nu lugina? Ningkatkeun
kualitas TKI sareng TKW, supados ulah ukur jadi purah babantu wungkul bari
balik ka lembur ukur mawa duit tapi teu mawa mental nu anyar? Muka jaringan
warnet di desa-desa, paling heunteu di ibukota kacamatan? Nyebarkeun virus
kasenian jeung lamunan ngeunaan otonomi individu, ambeh urang teu ringrang
jadi galudra nu hiber sosorangan bari siap jadi monyet nu ngahargaan monyet
lianna? Narik Aa Gym supados kersa muka pasantren di daerah urang, nu engke
bakal mere dampak moral jeung ekonomi ka wewengkon (masarakat) urang?
Ngahudangkeun rasa kadaerahan nu jembar jeung positif, nu teu leupas tina
ajen-ajen
kamanusaan jeung agama? Ngayakinkeun masarakat yen ayana pamarentah teh, ti
mimiti Bupati nepi ka RT, keur ngaraharjakeun kahirupan maranehna lain
sabalikna?
Ngayakinkeun Tata atawa Bajaj, atawa ukur Menteri Keuangan jeung Menteri
BUMN, yen Perkasa lain bae bisa mere kontribusi kongkrit ka urang Subang, tapi
masih reliable salaku entitas bisnis? Ngayakinkeun Daewo sangkan muka pabrik
mobil di Pantura, bari karasa mangpaatna keur urang dinya? Ngayakinkeun Pa
Ciputra sangkan muka sakola internasional di Cisalak, bari ngajaga situ-situ nu
ngajepat ti dinya parat ka kulonkeun, ka Tambakan ka Batukapur? Ngumaha Pa Erry
atawa Teten Masduki sangkan kersa maparin motivasi sareng negeskeun yen urang
bisa hirup walagri bari teu kudu korupsi -- nuhun-nuhun mantuan nyiptakeun
sistem akuntansi sareng sistem anggaran pamarentahan nu teges-teges teu mere
lolongkrang korupsi? Nyegat urang Jakarta nu bade week end ka Bandung atawa ka
Jawa, sangkan daraek meuting heula di Subang, boh di palih Pantura boh di
Cipeundeuy pisan, sapeuting bae mah bari lain alatan urusan esek-esek wungkul
karulemna teh? Ngulem jalmi-jalmi pinter tur nyongcolang nu
ngawulang di Bandung, sangkan kersa maparin kuliah di paguron-paguron luhur nu
ngajajar di Pantura? Paling heunteu mangrupi kuliah umum, sasasih sakali bae
mah?
Ngayakinkeun Raam Punjabi atanapi ukur Erwin Arnada atanapi Ria Irawan pisan
yen Subang teu eleh ku Sukabumi dina potensi industri film/sinetron, boh alamna
boh artis atawa SDMna? Mamerkeun produk-produk unggulan Subang di Singapura
atawa Shanghai? Ngayakinkeun urang Kanada, yen urang Ciasem leuwih alus gawena
manan urang Meksiko atawa Eropa Timur? Ngabiayaan barudak nu palinter sangkan
ngaralap elmu di sakola-sakola anu kawentar sae, boh di India, Cina, Eropa,
Timur Tengah, atawa Amerika? Ngayakinkeun tokoh-tokoh nasional, regional,
atanapi internasional pisan, ti awitan M.Yunus dugi ka Yudi Latief atanapi MS
Hidayat sareng Ibih Tg Hasan, pikeun pidato kabudayaan di Subang salaku city
branding atawa image building bari maparin kabanggaan sareng motivasi ka urang
Subang sorangan? Sjte, sjte.
Keur sim kuring, isu Ngaraharjakeun Kahirupan Jalma Loba langkung relevan
manan isu Kepala Daerah kudu Putera Asli Daerah. Cohagna, keur sakuringeun,
langkung sae dipingpin ku urang luar tapi ngaraharjakeun, manan ku putera
daerah tapi ngadoreksakeun. Sanaos, tangtosna, langkung afdol mun nu mingpin
teh Putera Asli Daerah nu oge ngagaduhan niat sareng kapercekaan dina
Ngaraharjakeun Kahirupan Jalma Loba. Eta nu dipilari. Ceuk barudak Jakarta tea
mah: Itu mah gue bangets!
Pondokna: PAD teh ukur jeda, teu acan parat. Aya terasna, nu langkung
penting: Paniatan jeung kapercekaan. Pamungkas atawa udagannana: Karaharjaan
balarea. Sanes ukur eureun dina PAD. Peun.
Salemba Tengah, 6 Juni 2007
Maman Gantra
Jalan Salemba Tengah 51,
Jakarta 10440.
0812-940-5441
---------------------------------
Be a better friend, newshound, and know-it-all with Yahoo! Mobile. Try it now.
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
