hatur nuhun kango juragan omanarah sareng kang tirta tos tiasa masihan bongbolongan. yeuh aya hiji hal deui (sanes masalah garung ieu mah), aya sababaraha postingan di ieu milis(kisunda), nu disimpen(di catut) ku uing pikeun ngeusian blog uing di http://six4sep.urangsunda.info/ http://six4sep.multiply.com/ sareng di http://www.six4sep.co.cc/ punten kasadayana anu tos ditiron seratana ku uing, dumasar uing teh reu'eus ka kisunda , mung teu gaduh pangaweruh kadinya , tungtung na mulungan kalakay (saur ki nong mah) we tiasana, estuning ageung kahoyong uing pikeun nganyahokeun sunda atawa kasundaan teh nya jalana sugan kudu bari kieu, sajabana uing tebih ti priangan (nuju ngumbara nyiar napkah di nagri vietnam)sareng pamohalah nganggo nu formal mah(sakola luhur) moal kaduga sim uing teh. dina eta blog uing tea aya sababaraha postingan ti kang oman ar,ambu wirumanangay,kangtirta,nonggerak sareng nu sanesna (punten teu kasebat sadayana) nu tos di copy_paste di blog uing, sakali deui nyuhunkeun dihapunten sareng rido'na da sanes kango komersil istuning niat uing saukur ngiringan ngamumule kisunda(banguna eta ge).
uing tea fredynovianto --- On Sun, 27/7/08, oman abdurahman <[EMAIL PROTECTED]> wrote: From: oman abdurahman <[EMAIL PROTECTED]> Subject: Re: [kisunda] naon hartina GARUNG To: [email protected] Date: Sunday, 27 July, 2008, 9:21 PM Kang, Kumaha upama urang candak hikmahna, atawa, ceuk anu karuliah mah, hermeuneutis atawa tafsiranna, anu sae wae. Saeutikna, aya 3 tafsiran tina harti atawa asal-usul kecap "garung" boh sakumaha pedaran kang Fredy samemehna atawa oleh-oleh ti Kang Tirta hasil lalayaran nganggo google. Anu tilu teh kieu: 1) Garung sarua jeung "Macaranga". Dina salah sahiji pedaran ngeunaan Macaranga sakumaha dina Wikipedia, disebutkeun yen eta tutuwuhan teh kaasup jenis tutuwuhan "perintis" (anu ngabaladah). Maksudna, lamun aya lahan atawa tempat gundul karana hiji hal (bisa karana tatangkalana dituaran, atawa akibat bencana alam), tah Macaranga teh kaasup tutuwuhan anu ngamimitian hirup di jeung ngahirupkeun eta tempat. Tutuwuhan anu sejen karek hirup sanggeus aya tutuwuhan perintis. Macaranga nagen hirup. Ieu hiji hal anu postifi pisan maknana. Garung teh, nyaeta Macaranga tea, pelopor kahirupan, bisa disebut anu ngasuh atawa anu jadi panaratas tumuwuh suburna kahirupan. 2) Eta "dongeng" Ki Garung, tiasa oge dicandak sisi positifna, anggota pasukan Siliwangi tea. Ngan, saena dijelaskeun atawa ditalungtik deui, torowongan anu dijieun ku ki Garung teh torowongan keur naon? Naha keur jalan cai atawa torowongan keur ngorolos ("melarikan diri")? Torowongan dina bilik leuwi eta hiji hal anu lumrah, komo lamun bilik leuwi teh diwangun ku batuan vulkanik lava (sabab, bagean tengah "aliran" lava biasana gorowong atawa babari muruhpuy, katambah katembagan ku cai leuwi, nya anu nyieun torowongan teh kari neruskeun ngagedean liangna). Lamun torowongan keur jalan cai, siga karya Ma Eroh alm di Tasikmalaya, eta pas pisan jeung kabiasaan para prajurit atawa nu neruskeun Siliwangi: nyieun karya anu manfaat keur balarea. Nya da budaya oge bisa difill in atawa dieusian ku urang, tujukeun (B. Ind: arahkan) ka dinya wae atuh legenda Ki Garung teh. Jadi, jieun budaya (dina hal ieu carita) anu hade (anu nyieun jalan cai keur balarea), piraku teu jadi caritakeuneun nu hade oge ka hareup. 3) Aya harti sejen tina "Garung" numutkeun dadaran Kang Fredy: tempat anu tarahal ku batu. Nya teu nanaon, da batu teh kacida pentingna keur kahirupan. Dina geologi mah sagala rupa oge asalna tina batu, ti mimiti taneuh (taneuh engkena tempat kahirupan makhluk anu kumelendang di ieu alam) nepi ka barang-barang perhiasan anu luhur atawa mahal ajenna eta tina batu atawa kaasup babatuan. Jadi, teu kudu nyungkelit lamun aya anu nyebut Ki Batu ...eh Ki Garung atawa urang Ci Garung, malah kudu reueus. Cai oge bijil tina batu (cai jeung taneuh tina batu, asa kaharti lamun aya kekecapan kolot: "kuring mah gelar tina beubeulahan batu"). Malah, ukur batu anu bisa nagen teu kabawa palid ku cai sok sanajan cai eta keur caah. Nepi ka, jelema anu pangrongkahna, pangrosana, taya lian ti tukang batu. Salah sahiji tempat anu tarahal ku batu teh taya lian ti walungan. Kusabab kitu, munasabah lamun di Tatar Sunda aya aran walungan anu make kecap "garung": Cisanggarung. "Ci" pondokna tina "cai"; "Sang" mah sigana atawa tafsiran uing, sakumaha dina kecap "Sang Jaya" (anu engkena jadi "Sanjaya"). "Garung" jelas tarahal atawa rea batuan tea. Cisanggarung pernahna di Ciamis ngetan-ngaler, pas wawatesna jeung kabupaten Kuningan. Di atawa deukeut DAS (daerah aliran sungai) Cisanggarung aya bendungan anu kawentar, ngaranna bendungan Darma. Sok sanajan ieu bendungan baheulana kungsi diganggu ku belut putih (istilah lemes tina "koruptor" anu ngagalaksak kana duit semen, keusik, jsb), nepi ka pangwangunana kalunta-kalunta aya taunna, tapi ari geus jadi mah kacida gede manfaatna. Sabaraha hektar sawah bisa kacaian ku eta bendungan, tina sawah tangtu dihasilkeun pare, tina pare - da urang mah masih napak na taneuh - tangtu loba jiwa anu katalang ragana. Jadi, harti sejen tina "garung" teh - ceuk uing ieu mah (bisi teu sapuk mangga teh teuing) - taya lian ti walungan, salah sahiji rante sumber kahirupan, syare'atna tangtuna oge. Jadi kudu dijaga garung teh. Salah sahiji cara ngajagana nyaeta ngaabadikeun jadi aran tempat atawa kampung. Wilujeng kana kawikajakan kolot baheula. baktosna, manAR _ Recent Activity 5 New Members Visit Your Group New business? Get new customers. List your web site in Yahoo! Search. Y! Messenger Send pics quick Share photos while you IM friends. Featured Y! Groups and category pages. There is something for everyone. . Send instant messages to your online friends http://uk.messenger.yahoo.com
