Hasil panalungtikan DR Sukiat, psikolog & konselor pernikahan nu
nyiptakeun istilah PIL sinareng WIL, nguningakeun rehna 70% ibu-ibu
di Jakarta kiwari ngagaduhan PIL (Pria Idaman Lain) nu hartosna
lalaki idaman sanes. Hartosna dua diantawis tilu para istri aya
dina kaayaan salingkuh. Hal ieu benten sawaktos pajamanan Orde Baru
dimana kecap atanapi istilah PIL teh mung dianggo dina per-KB-an
wungkul. Teu ngandung hartos sanes. Naha ieu teh kalepatan
pamarentahan SBY?, dugi ka kiwari seueur istri-istri nu salingkuh?
Pikeun caroge nu mangpaurkeun bojona salingkuh, aya saena oge
upamina bae dina waktos tepang warsih bojona, masihan kadona teh ku
sarupaning korset tina beusi, nyaeta korset anti salingkuh.
Maksadna mah paparabotan istri nu aya dina handapeun udel teh tiasa
digembok pageuh sapertos jaman Romawi kuno kapungkur. Nyaeta ku
lancingan nu didamelna tina beusi. Zaman harita mah disebatna "Pita
Venus".
Upami urang neuleuman hasil panalungtikan DR Sukiat tadi, kabuktosan
geuningan henteu mung saukur pameget wungkul nu tos ngaraosan
nikmatna salingkuh teh. Nanging istri oge nyakitu sami. Henteu lepat-
lepat teuing saupami aya istri nu ngado'a kieu: "Nun Gusti mugia
kawidian abdi janten palacur". Pangemut mantenna mah padamelan
salingkuh teh geuning taya bentenna sareng ngalacurkeun diri.
Maksad lacur teh taya sanes dalah pikeun milarian kipayah pakasaban
nyeta artos. Dupi salingkuh mah taya sanes sakadar hoyong mendakan
kanikmatan sahwat. Ari ageungna dosa mah nya sami-sami keneh wae.
Saupamina bae Gusti ngabulkeun kana eta do'a istri nu hoyong janten
palacur tea, tiasa janten mantenna mah kenging grasi pangampura.
Margi hal eta tos ngarupikeun kabutuhan hirup, sami sareng
kaperyogian tuang leueut.
Alfred Kinsey,D.Sc., panaliti seks nu tos moyan, ngebrehkeun
pependakanana rehna 50% istri-istri di sakuliah dunya teu kantos
ngalaman orgasme. Malahan aya istri nu nembe pisan ngaraoskeun
nikmatna orgasme teh saparantos yuswana 60 tahun.
Istilah orgasme urang Perancis mah nyebatna teh le petit mort,
hartosna pupus aalitan (the little death). Kecap orgasme teh kawitna
mah tina basa Yunani nu pihartoseunana teh mateng, bareuh, atanapi
pinuh gairah. Upami ceuk basa Sangsekerta mah urg, nu hartosna kuat.
Ngeunaan kahontalna kasugemaan seks, sering digambarkeun pikeun
istri mah sapertos naik taraje, ari pameget mah sapertos tunggang
lift (elevator) nu tangtos langkung enggal batan istri. Upami dina
istilah dapur mah, pameget teh sapertos microwafe, ari istri
sapertos hawu biasa, nu tangtos langkung lami panasna. Kukituna
istri mah meryogikeun waktos nu rada lami batan pameget dina
ngahontal tingkat kanikmatan orgasme. Kukituna lumrah upami mung 50%
isri nu tiasa dugi ka orgasme.
Sesahna istri ngahontal orgasme teh, teu tiasa ku dilajengkeun kana
ngalakukeun masturbasi (onani). Benten sareng pameget, anjeunna mah
tiasa ngalakukeun masturbasi iraha jeung dimana wae. Lazimna di
hotel sawaktos nuju nyorangan tebih ka bojo.
Timbulna katimburuan bojo kanu janten caroge, taya sanes alatan
ayana nu nonjol handapeun udel sang caroge. Eta parabot teh
pamohalan dipigaduh ku sang istri. Freud parantos netelakeun teorina
rehna katimburuan istri kana eta barang nu nonjol teh salaku "penis
entry". Kukituna, sanaos sanes polisi ge, ari pameget mah ngagaduhan
pestol, naha nu disebat revolver atanapi saukur baretta, nu salamina
siap tembak. Benten sareng istri, sanaos teu kagungan pestol ge, ari
mantena mah tiasa "ON" teras, nanging henteu tiasa siap nembak.
Pameget anu salingkuh kagungan kadudukan nu "langkung mulia" batan
istri nu nyolowedor. Kitu pamadegan masyarakat umum. Kukituna wajar
upami aya kajantenan tindakan kakerasan ka kaum istri, masyarakat
mah tetep nyalahkeun istri bae. Lepat istri bongan sok ngagoda
pameget.
Kapungkur mah sok aya kasebatna cenah mung pameget wungkul nu tiasa
nyeleweng ka istri teh. Nanging jaman kiwari mah dalah seueur pisan
istri-istri nu kagungan ceum-ceuman alias miara daun ngora. Naon
atuh nu dipilari ku mantenna teh?
Tiasa janten nyolong bade sapertos kitu teh, alatan seueurna kaum
istri nu tos malandiri, boh finansial, pandidikan, atanapi karir
padamelanana. Marantena ngaraos reueus kagungan angkeuhan kagungan
kawani pikeun salingkuh nyaruaan pameget. Maklum, kiwari seueur
pameget nu kagungan karesep atanapi hobi nyolong bade ka istri.
Sanaos mung saukur dipeuseulan ku bojo tatanggana.
Alesan sanes, seueur istri-istri nu kagungan pamadegan: "Mendingan
ngalanjang batan kedah kawin mah. Henteu rarepot, sinareng asa
langkung bebas lugina. Teu kedah nyadiakeun leueuteun caroge,
tuangeun, sinareng padamelan sanesna di lebet rumah tangga. Oge moal
nimbulkeun karudet hate. Kunaon make kudu kawin sagala?".
Ngaleuyahna kaum istri nu jaromblo teh miturut sababaraha pamadegan
mah taya sanes jalaran ayana jumlah istri nu langkung seueur batan
pameget ("low sex ratio"). Naha hal kitu teh oge kalebet kalepatan
pamarentahan SBY?
Tos lami sumembar di kalangan kaum pameget, cenah aya
paripaos: "Upami hoyong tuang sate, kunaon make kudu miara embe?".
Aya alesan sanesna saurna, nyolong bade intimna pameget ka istri
saha wae oge, taya sanes jalaran ku ayana kasapagodosan dina "key
hole". Jalaran kitu, atuh posisi istri teh mung sakadar nyumponan
kaperyogian kapuasan seks pihak pameget wungkul. Nya same we sareng
icalan sate embe.
Manghanjakalkeun, seueur caroge nu tacan ngartos saupami dina
waktosna caroge hoyong sapatemon, pihak bojo tacan siap mayunan. Aya
kalana sang caroge mah sok salamina aya dina kaayaan "ON"
arang "OFF". Benten sareng istri nu teu salamina aya dina
kaayaan "ON", sanaos mantena ge siap pakai. Kagamangan dina bahasa
seks kitu, tiasa ngalantarankeun sang bojo ngaraos ribet asa
dibeungbeuratan balok saupami nuju sapatemon sareng caroge.
Bawiraos kitu, salingkuh teh tiasa diibaratkeun katuangan basi.
Sanaos dibungkus rapih ge, nanging ari bau haseumna mah pasti
kaambeu, sapertos ambeuna bau tarasi. Ari bentena teh, saupami sang
bojo nu kaperego salingkuh, sok enggal-enggal liren tina talajak
kitu. Nanging ari ninggang di pameget mah benten deui, upami
kaperego salingkuh teh sok teras we hoyong saterasna ngadua. Tetep
nikah, atuh simpanan tetep kagungan.
Tinimbang sesah-sesah hoyong janten AFI atanapi Idola Indonesia mah
mendingan we ngado'a "Hoyong janten Palacur". Saupami do'ana hoyong
dikabul, usahakeun we enggal-enggal mundut tulung ka mang Ucup.
Kintunkeun foto, jenengan lengkep sareng nomor HP na. Pasti do'na di
kabul.
Aya sababaraha tanda nu nyirikeun ayana pasalingkuhan, diantawisna
bae:
1. Remen nampi SMS atanapi telepon ti jalmi nu sami lawan jenis;
2. Sering mulih wengi kalayan taya alasan nu jelas;
3. Ngadadak centil sareng resep ngarawat salira;
4. Henteu bruk brak balaka perkawis artos kekengingan;
5. Rasa deudeuh laki rabi ngawitan ngirangan;
6. Sering murang-maring ambek-abekan kalayan teu jelas
alesanana;
7. Sok sering kaceplosan nyebat-nyebat jenengan jalmi sanes
lawan jenis.
Mang Ucup
Email: [EMAIL PROTECTED]
Homepage: www.mangucup.net
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
