Kang Eddy hatur nuhun kana seratanana. Seratan kang Eddy ngageuingkeun deui dasar karuhun nu dina carita Pohaci ngagambarkeun karuhun nyekel kayakinan ayana Nu Maha Kawasa lian ti usaha nu dilakukeun manusa. Ngan biasa lah ari carita sok jadi kawas nu ngeunah maca jeung ngadengena tapi hese dipikaharti ku balarea, ku jalma biasa. Komo ayeuna mah jaman but bet kieu, heureut malah teu boga waktu keur neuleumanana. Jadi pohaci teh bener2 jadi dongengek, dianggap dongeng asal dongeng. Tina paparan Pohaci, nya atuh kumaha urang sunda supaya jadi programmer handal nu gaduh ideu, pamikiran nu cemerlang? Ceuk sim kuring mah mulung tina carita Pohaci koncina kedah connect ka Nu Maha Kawasa. Aya profil na kompas 5 taun kapengker ngeunaan Prof. Andrianto Handojo, gurubesar ITB ahli optic, fisika, laser reputasi internasional. Anjeuna nalatahan yen kondisi beresih jadi dasar kaluarna ideu cemerlang! Naha bisa? Sabab kondisi beresih ngababarikeun akses ka Nu Maha Kawasa. Tah pami dina seratan kang Eddy mah eta nu matak matihna Pwah.. Jadi urang sunda moal aya peurahan, moal bisa jadi programmer nu handal sabab Pwah na teu matil lamun geus teu nyekel ayana Nu Maha Kawasa. Ngan diemutan geuning tina seratan teh gedena peran programmer dina nyieun program nu hade. Nya kumaha programmer wae nangtukeun Quality Assurance program nu dijieun, rek unggal poe, rek 3 bulanan, 7 bulanan atawa pola sejena. Kitu oge dina masalah install, unsinstall program eta oge geuning kumaha programmerna. Terasna masalah program nya jentre geuning media-na, bisa make barang teu nyawaan (teluh?) atanapi ka nu hirup oge (janin, piorokeun). Khusus ngeunaan uninstall program ka nu sakarat ceuk kuring mah eta kaasup program cawad atawa programmerna teu mere solusi mun listrik pareum. Bisa oge urang nu salah tampa sabab listrik mun pareum mah pareum we teu kudu gumantung kana progam nu keur dijalankeun. Tina seratan kang Eddy via Carita Pohaci intina jalma (Urang Sunda) gede pisan peranna salaku programmer. Program nu dijieun Pwah, matih henteuna gumantung ka Nu Maha Kawasa. Nu jadi teguran: Asana urang loba ngulibek diskusi, debat teu guna ngeunaan nu mana Nu Maha Kawasa batan kumaha ngeunaan AKSESna. Tuluy loba teuing ngaributkeun program bari teu ngarti sabuleudna maksud jeung tujuan oge naon2na hiji Program. Masalah beberesih, sigana puasa mangrupakeun cara nu ampuh, efektif, tapi masalah jenis puasa naha rek beubeutian, bubuahan atawa puasa senen kemis teu kudu diperdebatkeun. Eta mah nu kudu diprakgawekeun. Sakitu pamendak sim kuring, pamendak selingan da seratan Kang Eddy masih lajeng sanes? Diantos lanjutan serialna. Hatur nuhun sateuacana. Nyuhunkeun dihapunten bengkok, teu nyambungna pamendak sim kuring. Salam, Jalak Pakwan
----- Original Message ---- From: Eddy Nugraha <[EMAIL PROTECTED]> To: [email protected]; [EMAIL PROTECTED] Sent: Tuesday, September 16, 2008 1:19:49 Subject: [kisunda] POHACI: (III) NYUGUH POHACI MEUNGPEUNG PUASA, POHACINA POHACI SANG HYANG DEWEK Kang Ilen, assalamualaika .....sigana nu tos ngawitan kana pohaci sang hyang sri mah bagian salajengna….....raosan heula bagian –kaorokan- he..he… manawi pareng pas lilikuran dodongeng ulikan tangtung pohaci sanghyang sri kakintunkeun. Baktosna, Eddy nugraha ========== POHACI: (III) NYUGUH POHACI MEUNGPEUNG PUASA, POHACINA POHACI SANG HYANG DEWEK VI Tina carita diluhur, beuki atra yen aci-acining kadaharan teh ku bantuan daya hirup (sukma) ti nu maha suci (pwahna/gunana) jadi pohaci - jeung tambahan doa indung bapa sab Allah mah ngabulkeun doa. Nya eta tea nu ngajadikeun janin jadi hirup bari hurip. Matak kudu hurmat pisan ka pohaci teh sabab enya manfaat tutulungna ka jelema. Pan kongas dulur-dulur urang kanekes mah dina ngawincik asal-usul luluhur teh ti mimiti indung-bapa tuluy ka aki-nini, buyut, bao,udeg-udeg, janggawareng, kakait siwur tuluyna/ahirna mah ka bapa Adam indung Hawa. Ieu nunjukkeun kawinekasan aranjeuna sabab ari Adam teh pan tina taneuh ari hawa teh pan di sundamah udara atmosphere (hawa teh mani seger, mani nyongkab, mani tiis jrrd). Nya tangtu heueuh pisan enyana da jadina jelema timimiti anak sudang teh asalna mah tina aci-acining taneuh nu bisa dihakan ku jelema kusabab aya Hawa nu ngabayuan nu ngajadikeun pohaci tiasa nyata/turun di buana pancatengah. Moal aya jelema di dunya lamun euweuh hawa nu ngajadikeun taneuh tempat hirup hurip bijil cai curcor tutuwuhan sasatoan manggapulia. Di situs purba gunung padang Cianjur oge di undakan pangluhurna- luhureun/ pengkeureun ‘makam/kedudukan’ Sang Siliwangi teh aya ‘batu’ makam/kedudukan Bapa Adam Indung Hawa-dihandapna aya taneuh nu sok dibekelkeun kanu jarah. Cenah aya maunatna lamun boga pamaksudan. Sacara wijaksana luluhur mere siloka nyaeta nu utama lamun boga kahayang hayang laksana nya omean taneuh maneh (awak teh asalna tina aci-aci taneuh) – kawas taneuh nu boga karamat- ameh nyari meureun payu. VI Lamun geus lahir…… Balina lumrahna dikubur deui hartina dibalikeun ka taneuh (nu jadi asal mula Adam) bari di program keun supaya ngahiji deui make aci-acining uyah panglay jrrd supaya jadi Pohaci Dangdayang Sari nganteur lebur jeung taneuh sa dunya sarina asup deui ka awak-awak jelema mantuan jelema. Matak sabenerna kudu daek make parancah indung beurang supaya budak walagri ku ngado’a mere program nitip (ctrl-C, ctrl-V) dina ‘memory dunya’ ngaliwatan balina nu dileburkeun deui jeung taneuh. Ayeuna mah urang sunda loba nu teu wanoh ka pohaci Dangdayang Sari, ngaapilainkeun atawa dina nguburna sok teu pati ngajenan jeung nganggap ngan saukur sarat komo loba nu nganggap ngan saukur adat - buktina dina migawena teh Bapana nu boga tanggung jawabna nu TUANGna tara ngilu-ngilu acan. Padahal nu penting mah bapana mere do’a/program meungpeung balina ‘alus’ keneh bisa nyimpen memory program du’a memeh di lebur balik ka asal ngahiji jeung puseur asalna. Bali budak teh, aya oge nu digantung jadi kanjut kunang pakeun dipake ubar/tumbal/ jimat jrrd sanggeus ngaliwatan ‘program’ parancah khusus nu engke make setting ‘time-counted program’ nu bareng larut/leungit lamun budakna waktuna maot. Ayeuna aya beja ti rumah sakit di Singapore aya program nyimpen bali orok di hospital. Waragadna ratusan juta perak, cenah dokter-dokterna yakin yen ti eta balina bisa dipake sumber diagnosa jeung ubar pakeun sagala panyakit budakna kahareupnakeun mun katerap. Pan dina basa sunda mah aya paribasa nu geus nahun BALI GEUSAN NGAJADI. Baheula dipake ku urang sunda ayeuna di mangfaatkeun ku singapura (sanajan can tangtu beunang nanya ti indung beurang) …. sugema pisan…. nu sorangan dipiceun ari perlu mayar ka deungeun. VII Kumaha timimiti orok nepi ka jadi jelema? Kumaha carita pantun nu di caritakeun timimiti teh nerapna..euy? Jeung kumaha maksud tulisan nyuguh pohaci meungpeung puasa? Bari pohacina ngaku-ngaku wani nyebut pohaci sang hyang dewek sagala?? Teu sieun katulah??... .puah…puah… (Urang kintunkeun bagian salajengna upami pareng) Get your new Email address! Grab the Email name you've always wanted before someone else does! http://mail.promotions.yahoo.com/newdomains/aa/
