> From: Agus Pakusarakan
> awewe jihadna lain ku ngilu perang tp jihadna awewe dimana manehna keur
> ngalahirkeun
Waktu kuring mawa ulin kulawarga ka Pangadaran, pangangguran nempokeun
kalakuan monyet. Eta mah monyet bet siga jelema. Nu mimiti datang wani
nyampeurkeun monyet jalu nu awakna gede, lamun teu salah mah disebutna teh
Mandahong, raja monyet. Sanggeus ngarasa aman, monyet jalu nu sejenna mimiti
wani kalaluar tinu bala. Geus kitu kakara monyet-monyet bikang jeung anakna.
Lucuna lamun aya pikahariwangeun, nu pangheulana lumpat nyumput kanu bala,
monyet Bikang, Pa Mandahong mah malah pangpandeurina, bari teu weleh panonna
delak-delek, nalungtik kaayaan. Pamimpin nu gede tanggung jawab.
Kia-kira naon hubunnganana koloni monyet jeung pamandegan jihadna awewe
lain ngilu perang, tapi ngalahirkeun? Manusa kaasup bangsa Primata, jadi
pamadegan ieu saolah-olah nguatkeun pisan .....yen manusa teh "dulur
misan"na monyet : "Jalu" keur pamacek jeung perang, bikang keur anakan
......
Hanjakalna manusa mah "rada" dibedakeun kunu Maha Kawasa teh, dibere akal
pikiran tepi ka lahir budaya nu terus tumuwuh. Beuki dieu, bareng jeung
tumuwuhna budaya manusa, fungsi bikang di manusa nu tadina ukur keur anakan,
mimiti robah. Bikang mimiti ngiluan kana aras-urus nu sejen. Di masyarakat
tradisional patani/ peladang, fungsi awewe (bikang) jeung fungsi lalaki
(jalu) malah bisa disebutkeun jadi sajajar. Umumna masyarakat peladang
atawa panyawah masyrakat teu resep konflik atawa perang. Urang Sunda
sabenerna asup ka masyarakat ieu.
Rada beda jeung masyarakat tukang moro jeung tukang angon, nu ngadominasi di
Timur Tengah jeung Eropa. Masyarkat ieu asalna kahirupanana nomaden (ayeuna
sesana masih aya di Timur Tengah jeung di Afrika). Kulantaran hirupna
nomaden, punduh-pindah, resep konflik/ perang da puguh sering ngaranjah
daerah kakawasaan batur. Akibatna fungsi "jalu" teu robah drastis, tetep
jadi tukang perang salian pamacek. "Bikang" fungsina tetep keur anakan. Ceuk
Pa Yakob Sumarjo dina bukuna "pantun Sunda", awewe keur masyarakat nomaden,
akhirna dianggap ukur "barang".
Tah, lamun ningali kadinya, nu boga pamandegan "Jalu keur perang, bikang
keur anakan", sabenerna pamadegan "impor", nu pasti moal cocog keur umumna
urang Sunda nu pada dasarna mah resep katengtreman, teu resep perang. Awewe
keur lalaki Sunda (asli) mangrupakeun patner dina nyiar pangabutuh. Tingali
we di sawah jeung di kebon, aya gawe babarengan nu pinuh ku harmoni!
Baktos,
WALUYA
[Rarasaan mah Sunda Asli]
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
