Sarabunis Mubarok GALUNGGUNG
gunung karamat pamaku jagat nu ngasuh walungan nu miara pasawahan mangtaun alum tatuna renung gunung nu bencar batuna bacacar keusikna arusik nikreuh ka dayeuh muru lalakon ka tegal beton gunung wirid taméng kasakit kiwari diborogod ku sémah nu ngaliud huluwotan kadigjayan kasirep duit récéhan gunung pangaweruh kadaton saban rusiah kiwari ringrang halimun gulinggasahan tatangkalan tingkalayang dibetot ka pilemburan gunung nu ahéng nguyung na haté kuring mun seug galunggung balaka bakal bitu ku sakecap dunga Singaparna, 2008 Salam, Sarabunis Mubarok___________ Singaparna
