sae sae sae, ngan panjang teuing.. kedahna ringkes we tapi pas.. seueur nu teu resep maca tulisan ngajejer jiga tentara. Evolusi sim kuring ngangken aya.. patarosana sanes evolusi na kulan, namung kunaon aya evolusi ? naha pangaruh lingkungan (utamina kalakuan manusa) ? atanapi aya nu ngatur eta evolusi ? gunana naon kanggo urang ? hehehehe tah uing mah pondok narosna, teu panjang. bilih teu dibaca heheheh :)
--- On Fri, 5/12/08, Waluya <[EMAIL PROTECTED]> wrote: From: Waluya <[EMAIL PROTECTED]> Subject: [kisunda] Teori Evolusi To: [email protected] Received: Friday, 5 December, 2008, 6:51 AM Pedah kamari Kang Halimun nyebat-nyebat Teori Evolusi, nya bade diwaler we kaleresan kuring geus di Bandung deui. Kuring moal ngabahas soal eusi teori evolusi, sabab eta mah buku-bukuna oge pabayatak, jeung deuih kuring sanes akhlina. Tapi kuring ningalina tina kontroversina, Kunaon Teori Evolusi jadi kontroversi? sabab loba nu nyampurkeun antara Kayakinan jeung Elmu pangaweruh, tungtungna hasilna lain nyambung, malah beuki teu nyambung ....... Analogina kieu : Caritana aya nu maot. Jalma-jalma naranyakeun kunaon eta jalma teh maot, tangtu jawabanana teh aya dua : 1. Dipundut kunu kagungan (Jawaban kayakinan/ agama) 2. Gering keuna TBC ( Jawaban elmu pangaweruh, pangpangna Dokter). Jawaban ka 1, teu salah, malah mutlak bener, tapi jawaban 2, bener oge tapi masih bisa didebatkeun, sabab bisa wae dokter nu ngubaran salah diagnostik. Jawaban ka 1, sanajan bener, teu boga pangaruh naon-naon kana hiji kamajuan kesehatan. Ceuk cohagna ari kapalay ceuk Nu Maha Kawasa kitu, terus rek naon?. Tapi jawaban 2, kulantaran relatif benerna, bisa didebatkeun, akhirna ngadorong manusa nalungtik kaditu-kadieu, supaya jalma nu sejen bisa diubaran ..... Nu kontra Teori Evolusi teh ngajawab siga jawaban 1, mangkeluk aya di bumi kulantaran diciptakeun kunu Maha Kawasa. Nya parantos dugi kadinya. Teu perlu talungtak-talungtik kaditu-kadieu. Beda jeung ceuk teori Evolusi, nu aranna mangkeluk teh mucunghul akibat hasil tina proses, nu prosesna dimimitian ti ratusan juta taun katukang. Aya mangkeluk nu langgeng tepi ka ayeuna, aya nu tumpur jeung aya nu robah (evolusi) nyaluyukeun jeung lingkungan. Bener henteu teori evolusi? Tepi ka ayeuna masih diaranan teori, sabab mangrupakeun teori rekontruksi tina kajadian-kajadian katukang, bukti-bukti masih dikumpulkeun. Teori Evolusi lir ibarat Teori Pa Pulisi nu hayang muka hiji kajadian kriminal, ngan bedana teh teori evolusi mah sigana moal anggeus-anggeus, bukti-bukti tetep diteangan, teori terus dibenerkeun, saluyu jeung kapanggih bukti-bukti anu anyar. Naon positifna teori evolusi? Manusa, mangkeluk pangpinterna, jadi sadar yen mangkeluk teh bisa tumpur lamun lingkungan teu ngadukung (atawa robah jadi monster ...hahahaha) . Jadi lingkungan kudu dijaga supaya manusa tumpurna ulah tereh-tereh ....hehehe. Beda jeung nu kontra teori evolusi ( penciptaan/ creationsit) : Mangkeluk diciptakeun, tanggtu tumpurna ge dipikahoyong ku NU KAGUNGAN, nya keur nanahaon make kudu mikir miara lingkungan sagala? Tah salah sahiji jasana Darwin teh dina Elmu Lingkungan, manehna disebut Bapak Elmu Lingkungan. Ayeuna loba jalma nu sadar yen lingkungan teh mangaruhan mangkeluk hirup, tapi baheula 150 taun katukang, waktu Darwin ngaluarkeun teori-teorina, teu aya kasadaran ieu, maklum harita mah alam acan "dirogahala" ku manusa siga ayeuna. Ah panjang teuing, nu jelas taun 2009 nu rek dipaju, disebut Tahun Darwin ku PBB, keur panginget-nginget kana jasa-jasana Darwin ..... Baktos, WALUYA Start your day with Yahoo!7 and win a Sony Bravia TV. Enter now http://au.docs.yahoo.com/homepageset/?p1=other&p2=au&p3=tagline
