dasarrr ontohod! biruang madu? aya2 weeee Kasseeeep mah kapanggih bae....
________________________________ From: Aschev Schuraschev <[email protected]> To: [email protected] Cc: [email protected]; [email protected] Sent: Tuesday, December 23, 2008 12:47:51 PM Subject: [kisunda] Ontohod Baraya, Kecap ontohod mindeng pisan kareungeu ku kuring. Biasana urang Sunda make ieu kecap pikeun nyarekan batur. Ontohod oge dipake sandiasma kang Kandar sajaba sandiasma kumincir. Tapi kuring teu nyaho naon hartina ontohod teh, can kungsi nilikan kamus pikeun manggihan naon hartina. Tapi tadi isuk-isuk, waktu muka kaca "nu anyar robah" dina wikipedia basa sunda, manggihan tumbu ka artikel nu judulna ontohod. Aeh gening ontohod teh biruang madu. Duka saha anu ngamimitian nyieun artikel ontohod ieu teh. Tah ieu artikelna: Ontohod Ti Wikipédia, énsiklopédia bébas basa Sunda ?Ontohod Status konservasi: Rawan Klasifikasi ilmiah Kingdom: Animalia Filum: Chordata Kelas: Mammalia Ordo: Carnivora Famili: Ursidae Génus: Helarctos Spésiés: H. malayanus Ngaran binomial Helarctos malayanus (Raffles, 1821) Ontohod atawa Biruang Madu (Helarctos malayanus) nyaéta biruang nu habitat utamana di leuweung hujan tropis di Asia Tenggara. Mun nangtung, ontohod jangkungna bisa nepi ka 1,2 m, anggota pangleutikna dina kulawarga biruang. Beuratna rata-rata 65 kg (nu jalu biasana leuwih badag saeutik batan nu bikang), boga buntut pondok kira ukur 3 cm. Teu kawas biruang lianna, ontohod mah buluna pondok jeung lemes. Adaptasi ieu sigana luyu jeung iklim habitatna. Awakna pinuh ku bulu nu hideung atawa semu beureum, iwal lebah dadana aya bentuk talapok kuda (u) kelir konéng-oranyeu. Ceulina buleud jeung pondok sedengkeun kuku/cakar Ontohod rada panjang, hampang, bentukna rada kawas arit. Cakar ieu kuat pisan, sok dipaké pikeun ngoréh kulit kai jeung naék tangkal. Salaku sato nu liar peuting, mun pabeubeurang sakadang Ontohod téh gawéna saré dina dahan kai nu teu pati luhur. Kusabab karesepna dina tatangkalan, di wewengkon nu deukeut ka pakebonan mah Ontohod téh sok dianggap hama, sabab ngaruksak pepelakan, utamana kalapa jeung kakao. Nyirorotna populasi ieu sato gé di antarana kusabab dianggap hama modél kieu, sahingga sok diboro ku para pangebon. Lian ti éta, Ontohod ogé sok diboro pikeun ramuan ubar Cina. Kadaharan Ontohod mah rupa-rupa, kayaning vertebrata leutik kawas kadal, manuk, jeung mamalia séjénna, sarta bungbuahan, endog, rinyuh, pucuk jambé, sayang nyiruan, serangga, aakaran, kakao, jeung kalapa. Kusabab tetempoanana teu alus, Ontohod mah ngala kadaharanana téh migunakeun pangambeuna nu seukeut. Kusabab teu ngalaman hibernasi, Ontohod mah bisa baranahan sapanjang taun. Biasana, Ontohod anakan sakali hiji, beuratna kira 280–340 g, kalawan mangsa keureuneuh salila 18 bulan. Ontohod nincak sawawa dina umur 3-4 taun. Di Kalimantan aya hiji subspésiés Ontohod (Helarctos malayanus euryspilus). Sumber rujukan * Sun Bear, Wikipédia édisi basa Inggris (3 Oktober 2006) Tumbu kaluar Wikimedia Commons mibanda média séjénna nu patali jeung artikel ieu dina kaca Ursus malayanus Baca ogé pedaran Wikikamus ngeunaan kecap ontohod * ARKive - images and movies of the Malayan sun bear (Helarctos malayanus) * Woodland Park Zoo, Seattle, Washington, USA * Bear Den * Animal Tracks * Sun bear at Wellington Zoo Disalin ti "http://su.wikipedia.org/wiki/Ontohod";
