Teu karaos ngendatna waktu, mung kantun sababaraha dinten deui bakal
dongkap Taun Enggal Imlek 2560. Pribados nu katelah mang Ucup tea,
bet rus ras emut ka jaman katukang, sok sanajan pengkolan tos lawas
kaliwatan. Wajar mung urang nyawang kana jaman katukang pangeling-
ngeling boh pikeun diri pribadi oge kanggo para sobat balarea. Dina
sawangan ieu teh pribados umajak ka palawargi sadaya mangga urang
sami-sami nafakuran kana lalampahan nu tos kasorang. Saena mah
nafakuranana teh sabari sidakep sila, kalayaan konsentrasi batin nu
pinuh ku katenangan.
Tos janten kabiasaan saupami aya pagentosan taun, urang sok sering
ngabanding banding antawis taun nu tos kaliwatan sinareng nu bade
dongkap, antawis naon nu tos karandapan kapungkur sareng garapan
ayeuna. Kitu deui pribados, nu moal lami deui kirang langkung 3
tahun deui bakal nincak kana yuswa 70 tahun, nu ceuk basa barudak
kiwari mah Ulang Tahun Sweet Seventy, nyeta dina taun 2563 miturut
kana pananggalan Tionghoa. Emh
teu karaos ngendatna waktu,
geuningan umur teh bet teras ngirangan.
Sakapeung pribados sok ngabanding-banding waktos kapungkur jaman
keur ngora jeung gagah, sareng kaayaan kiwari. Na ayeuna mah bet asa
janten aki-aki bongkokan, tuur geus mimiti laleklok, oge nafas asa
rada eungap mun leumpang rada gancang. Biasana kapungkur mah upami
satiap salametan tepang taun teh teu weleh neda endog beubeureumna
teh mani sa abreg-abreg, ditambih neda emih, cenah mah kanggo
manjangkeun umur, dugi sapanci pinuh. Na da kiwari mah neda
kadaangan nu kitu teh bet teu saparapat-parapatna acan.
Sakapeung mah pribados sok pirajeuneun tulas tulis sakadar pangeling-
ngeling, sapertos nu kaunggel dihandap ieu. Biasana nyeratna teh,
sarengsena ngalekik Ang Ciu atanapi nu kasebat Arak Merah tea,
sabotol pinuh. Kirang langkung eusi seratan teh sakumaha kaunggel
kieu:
Kapungkur dilandi Eng-Koh, kiwari mah Eng-Kong
Kapungkur neda nu Raos bae, kiwari mah Landong nu dipayunkeun
Kapungkur Kencing Asin, kiwari mah Kencing Manis
Kapungkur ngorbankeun Kasehatan pikeun Kakayaan,
kiwari mah ngorbankeun Kakayaan pikeun Kasehatan.
Kapungkur tiasa neda raos sanaos walurat,
kiwari mah neda raos teh risi ku Kolesterol
Kapungkur leumpang gagah sapertos Tarzan,
kiwari mah popoyongkodan kundang iteuk.
Kapungkur mireungeu lagu kedah tarik,
kiwari mah Warta Berita nu kedah tarik teh
Kapungkur unggal minggu ka Disco-Saturday Night Fever,
kiwari mah unggal minggu ka dokter spesialis pikeun konsultasi
panyakit.
Kapungkur nganggo Minyak Seungit,
kiwari mah Minyak Angin alias PPO.
Kapungkur rambut model Elvis,
kiwari mah ipis rada butak.
Kapungkur obrolan teh ngeunaan Sanghareupaneun,
kiwari mah nu geus kaliwatan.
Kapungkur upami mondok teh sok paadu irung sareng pun bojo,
kiwari mah paadu bujur
Kapungkur gaduh gelar S2 alias saminggu dua kali,
kiwari mah S2 teh alias sataun dua kali
Kapungkur upami nga-ON si ujang teh enggal pisan hudangna
sapertos Pentium V, kiwari mah letoy pisan,
lami bade ON na teh sapertos Pentium I.
Malah seringna mah ngulapes bae ngahunted taya tanaga.
Kapungkur arang langka Hang,
kiwari mah teu acan ge Log Off,
teras we nga-HANG tipayun,
padahal sateuacanna tos di dibantos ku Software XXX-P.
Rupina sakitu heula we bahan implengeun ti pribados, Engkong Ucup
tea. Maklum parantos rada teler ku sebatan "Gong Xi Fa Cai Wan Shi
Ru Yi Shen Ti Jian Kang", nu hartosna mugia sukses sapapaosna
sinareng aya dina hibar karahayuan.
Mang Ucup
Facebook
Email: mang.ucup<at>gmail.com
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[email protected]
mailto:[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
