Kacaturkeun Lamsijan ngilu jumaahan jadi salah sahiji jamaah masjid. Tos biasa di ungal masjid lamun imam keur naek mimbar khotbah sok aya kencleng muter. Harita oge di Masjid tempatna Lamsijan jumaahan kitu. Gancangna wae, kencleng muterna geus deukeut ka manehna, terus lamsijan ngodokan saku niat rek ngasupan kencleng milihan duit pangleutikna anu pecahan sarebu salambar.
Palebah kencleng geus hareupeun, salah saurang jamaah anu persis ditukangeun manehna noelan bari ngasong ngasong duit saratus rebu salambar. Ditampanan we ku manehna bari terus diasupkeun kanu kencleng, "Ieu jelema meni gojeh arek ngasupan kencleng saratus rebu wae oge teu sabaran meni noelan, tungguan we da engke oge kenclengna muter", si Lamsijan gegerentes jero hatena. Duit sarebuna oge sup weh deuih. Tapi teu kungsi lila eta jelema nu tadi noel geus noel deui, ayeunamah bari ngaharewos kieu "artos akang saratus rebu tadi nuju ngodok saku murag". Si Lamsijan ngabelengep bari terus mencrong kencleng nu muter. hehe Ii Sumirat
