gancanging catur ............ dua pihak pasukan lapis kahiji jeung kadua geus
paamprok....der wae ragot perang jurit silih telasan........... enyaan Pihak
Pandawa waranian sosoroh amuk.............atuh barisan Kurawa teh kadesek,
masing Durganda Durgandi usaha satekah polah nyumangetan para bawahanana;
keukeuh we para Prajurit Kurawa kadesek malundur.
Ningal gebrakan awal kitu hasilna Suyudhana tipengker mani sosoak emosi bari
ngalepatkeun pimpinan ( nya eta Bhisma ); atuh Bhisma teu seueur saur enggal
wae marentahkeun para senapatina ngambreg ka lini payun.
Sanjan Pihak Pandwa sumangetna gede tapi ayeuna mah teu mangga pulia diamuk ku
prajurit2 pilihan; atuh Bhima enggal wae masihan Komando supay pasukanana
ngamuk nuju ka lini payun. Tapi ketak Bhima kapiheulaan manten ku Ingkang Putra
Gatotkacha nu mimpin pasukan gerak cepat; atuh der para Senapati Bhisma
diperangan ku Pasukan pringgandhani.
Teu kantos lami pasukan Bhisma tos ting barurisat teu kiat ngalawan jurit
pasukan Gatotkacha.
Jaya Bang winga winga, amarah Resi Bhisma enggal wae marentah kusirna
ngajalankeun karetan ngurilingan nu nuju perang ragot; satiap dugi ka hiji
tempat peperangan, Bhisma mentang2keun gondewana; atuh mani ting belesur
jampirng. Sakedet netra ratusan prajurit Pandawa jadi korban. Kitu deui para
Tamtama lan senapatina.
Bhima Gatotkacha sami waspada enggal marentah pasukanana mundur, ulah ngangseg
teuing; sabab moal tiasa ngalawanan Bhisma nu memang ahli panah; para prajurit
diparentah nyusun pasukan TAMENG (Mun jaman Romawi mah posisi kura2 tea).
Tapi pangamukna Bhisma Dewabrata lir ibarat Dewa Yama lungsur nyabutan nyawa
satiap prajurit Pandawa.
Dibeulah katuhu Utara perang ragot sareng Guru sadaya nya eta Resi Drona; ari
Wratsangka silih panah sareng Salya; dibeulah kenca Satyaki oge nuju ngamuk
mentang2keun panahna tapi dihalangan ku Jaayadratha; atuh rame perang ragot
silih panah. Tapi Jayadratta kadeseh teras mundur ditulungan ku Resi Krepa.
Perangna Utara sareng Drona kacida gegetna; Resi Drona ngan ukur nakisan; tapi
Utara terus maju ngadesek; SRET! hiji panah nyipat ka na raksukan Resi Drona.
Resi Drona nyaur di na manahna :"Eeh ieu budak kamari, geus cucungah, diantep
kalah ngalunjak; ulah sambat kaniaya rasakeun pembalesan ti Kaula." Enggalna
wae Drona ayeuna ngaleupaskeun jamparingna tangginas pisan; atuh kacida ripuhna
Utara; barang keur gugup siuuut jeprot ! Trek ! Potong gondewa Utara. Utara
rikat nyandak Tumbak teras dilempagkeun ka Resi Dron; tapi ngan sakilat eta
Tumbak tos parotong ditengah jalan ku panah Resi Drona; keur kitu siut siut dua
panah anu tarik pisan ! teu katahan ku Utara; nu hiji nancep di na dssada
Uttara; nu hiji deui ngeunaan pisan tenggek Uttara atuh harita keneh sapat
tenggek Uttar; pinastingemasi pati. Surak bala Kurawa mani ngaguruh.
Perangna Salya ngalawan Wratsangka oge rame pisan; duanana silih panah teu aya
nu asor; enggalna Wratsangka manahan sababaraha kali ka Salya dugi ka Salya
kapanah panganana; saterasna karetana oge diancurkeun ku Wratsyngka. Salya
kalintang amarahna, enggl ngalempag tumbak nu keuna pisan ka na dada Wrtsyangka
dugi ka parat ka tukang. Harita keneh Wratsyangka lastari ngemasi pati.
Atuh pasukan pandawa kacida ripuhna diditu Mahasenapati Bhisma terus
mentang2keun panahna; Bhima, Nakula, sadewa oge malundur miris ku pangamuk Resi
Bhisma.
Enggl SDatyaki ngantunkeun lawanna Krepa teras megat Bhisma; der atuh dua
Pahlawan perang nu sami2 jago panah ngadukeun kasaktenna. Itu ieu papada wani;
teu aya nu mundur.
Tapi lami2 Satyaki oge kadesek, tos boborot getih, enggal disampeurkeun ku
Bhima teras dijewang dibawa mundur. Bhisma teu ngudag; teras we neraskeun
hancan ngamuk ka para prajurit Pandawa.
"Ela dalah ! Bhisma, Bhisma................. sampeyan ngan ukur wani ka para
prajurit, yeuh lawan Kaula Arya Seth !" Eta nu sosoak teh nyata Arya Setha
rakana Uttara sareng Wratsyangka. Anjeunna bade males pati k Drona sareng
Salya; tapi barang nyaketan tempat pangperang paamprok sareng Bhisma nu nuju
sosoroh amuk. Memang Bhisma teh musuh kahot kanggo Setha mah; atuh teu
ngengkekeun deui, Setha teras nangtang perang ka Bhisma.
Bhisma teu seueur saur teras wae mayunan Setha; der we ieu dua pahlawan teh
rame silih panah; duanana pada digjaya, sami2 Resi. Sami2 jago panah. Tapi
lami2 Bhisma kadesk ku Seth; nyata Setha pilih tanding; kareta perang Bhisma
diancurkeun ku Setha dugi k Bhisma luncat ti na karetana. Teras dipanahan ku
Resi Setha; tapi memang dasar Bhisma sakti mandraguna; teu aya hiji oge nu
tiasa ngaraheutan ka Bhisma. Bhisma amarah lajeng wae mentang jamparing
sababaraha kali; Seta rada ripuh nakisan; hiji panah ngeunaan gondewana; atuh
potong sapada harita. Barang Setha bade ngagentos gondewana jol deui panah nu
motongkeun deui gondewana; katilukalina panangan seta nu buntung disamber panah
Bhisma; barang bade luncat; tenggekna tos kasabet ku panah Bhisma; atuh tiwas
sapada harita.
Pihak Kurawa sarurak mani ting jarerit; Prabu Matsyapati badi belapati tapi
panonpoe tos teu katingal; nu hartina perang poe eta lekasan.
HANCA
