Satutasna perang poe kasabelas, Duryodhana ngayakeun gempungan di kemahna; ieu sidang perang nu lengkep; nu hadirna sadaya Raja2 sakutu Kurawa/Astina. Nu bade dibahas nya eta perang poe tadi.
Biasa Sakuni salaku Katua Panitya kapayun, teras biantara yen ieu sidang perang teh ngabahas perang poe tadi. Saparantos Sakuni teras Suyudhana dipasihan waktos munggaran. Lajeng wae Syudhana kapayun biantara. "Para Raja sadaya nu dipihormat ku Kaula, Senapati Agung Drona; sareng sadaya pahlawan, urang geus nempo kajadian perang poe ieu; memang Pasukan Pandawa cukup kadesehh poe ieu teh; tapi kuring heran ningal Senapati Agung ? Kapan Yudhistira teh tinggal sagilek deui ge katangkep ? Naha siga nu ngahaja ditunda2? jadi we Yudhistira bisa kabur ? Heran bin ajaib pisan tah." Ngan sakitu biantarana Suyudhana, teras Resi Drona majeng kapayun, ngong biantara: "Pangeran Duryodhana, Raja2 Sakutu, sareng para Pahlawan sadaya, kuring menta dihampura, poe ieu gagal nangkep Samiaji; lantaran teu kaitung ti anggalna. Sugan teh Ki Arjuna, murid Kaula moal wawanianan ngalawan ka Kaula; eh nyatana mah manehna teh enyaan nyerang ka Kaula, rek nyabut umur Kaula; nya atuh kapaksa ngalawan. Jeung saenyana pisan, eta Ki Arjuna teh geus nampa sakabeh Ilmu ti Kaula; ku sabab eta Kula teu bisa gampang2 ngelehkeun manehna................" reg heuila Drona liren biantara; hadirin ting karuciwes, aya oge nu jarebi...................."Tah ku sabab kitu...........," Drona neraskeun deui biantarana. "Ayeuna mah daek teu daek kudu ngitung ulang urang teh, Samangsa Arjuna masih kumelendang, moal bisa urang nangkep Yudhistira; atuh meureun maehan Arjuna oge hararese; tapi Kaula boga stategi keur nyanghareupan masalah ieu; nya eta jauhkeun Ki Arjuna ti tempat pusat pasukanana, kumaha we carana mah. Tapi mun nangtang biasa, sigana moal hasil, ieu mah kudu aya nu wani Toh Pati Jiwa Raga; nya eta nyieun pasukan nu moal mundur sa teu acan pati; boh Arjuna boh urang; tah ieu teh kudu makeSumpah. Ari ieu sumpah teh disebut sumpah samsaptaka. Tah kira2na saha nu leber wawanen daek ngorbankeun diri perang ngalawan Arjuna; nu tempat pupuhna jauh pisan ti pusat Pasukan Pandawa!?" Sadaya sami jempe, da memang ngalawan Arjuna macan Pandawa mah sarua jeung masrahkeun umur. Karna bade maju yen anjeunna sanggup; tapi pananganana dicepeng pageuh pisan ku Suyudhana. Ari Suyudhana kacida nyaahna ka Karna teh, anjeunna yakin yen Karna sakti, sareng iasa ngalawan Arjuna; tapi ah paur cek di na manahna; mun meunang mah bungah Kaula; tapi kuma mun eleh ? Aduh tada teuing aing kaleungiteunana? Ke heula can waktuna Karna kudu maju; da masih keneh loba Raja2 nu sejen, bari jeung hayang nyaho kasatian Raja2 Sakutu. Kitu gerentes manah Duryodhana. Kanggo Duryodhana mah Karna teh Asset nu kacida pentingna; nyaah pisan Suyudhana ka Karna teh, malah leuwih nyaah keneh ka Karna ti batan ka Dursasana raina ku anjeun. Barang hadirin nuju pada barengong, teras aya nu ngadeg, nyata eta teh Raja Susarma ti Trigarta; teras nyungkun widi kapayun; nya atuh Resi Drona ge enggal masihan waktos ka Susarma. Susarma ngong we pidato:" Raja2 sadaya, kuring geus badami jeung dulur2 Kula, yen Kula nu bakal ngalaksanakeun sumpah Samsaptaka teh sadulur dulur; lantaran naon ? Kula nyaho yen Baghadatta boga pancen megatan Gatotkacha nu hese disanghareupanana, jadi tangtu moal alus mun Bhagadatta nu kudu ngalaksanakeunana, Raja Burisrawa enya ge sakti, tapi teu pantes, lantaran teu aya mumusuhan khusus ka Pandawa; jeungna deui, meureun Raja Burisrawa terus nunggu waktu keur maehan Satyaki; jadi moal kagoda ku soal Arjuna. Raja2 nu sejenkitu deui loba tugas khusus; tah nya Kaula pisan nu rada salse teh, jeungna deui Kaula sanget nya ngewa ka Pandawa, lantaran ngawiwirang baheula waktu perang di Wirata, ku sabab kitu Kaula bakal usaha satekah polah supaya ieu peperangan dimeunangkeun ku pihak Kurawa. Ayeuna Maha Senapati Drona aya strategi nu bakal ngajadikeun Kurawa meunang perang; tah Kula ngadukung pisan, Kaula ayeuna keneh rek menta idin nyieun sumpah SamSaptaka nu ditujukeun ka Arjuna. Mun Arjuna misah, resi Drona bisa nangkep Yidhistira; lamun Arjuna teu daekeun, urang bakal meunang, lantaran Arjuna pasti moal daekeun perang, lantaran era wirang." Gerrr atuh sadaya hadirin surak, mani eak2an; ku panuju2na ka na pidato Susarma. HANCA
