Caturkeun bae Susarma/dulur2 sarta sakabeh pasukanana ngaganti pakeanana ku nu bodas kabehanana; model pakean ihram; terus nyieun "api unggun" ( naon nya Sundana?); terus rame ngadaroa "sumpah", yen rek tarung bibilasan ngalawan ARJUNA; ditungguan isukan.Moal mundur samemeh maksud laksana, naha Arjuna nu binasa, atawa maranehna jeung sagemblengna pasukan binasa kabeh. Hung ! Huug ! Bhatara Agni ! Ieu sumpah samsaptaka teh tos kakuping ku Pihak Pandawa' terasna ngayakeun sidang darurat, di na maslah ieu, Yudhistira ngemutan ka Arjuna, yen eta teh taktik musuh pikeun nyulik anjeunna; da ari aya Arjuna mah pasti gagalna. Arjuna ngalahir:"Kakang Prabu, kakang tos maphum yen Rayi can pernah mundur ti na hiji tantangan, komo deui ieu mah make sumpah samsaptaka. Mun Rayi teu ngalawanan, tada teuing kasurakna ku jalma rea. Didieu aya Kakang Bhima, nu pasti moal ngantep mun kakang Prabu disisikudi; kitu deui Rayi percaya yen Satyaki bakal bisa ngajaga kakang. Jadi na masalah ieu Kakang teu kedah ringrang, kakang pasti salamet. Yakin!" Bhimasena nimbrung:"Hemmm, jenet, teu salah omongan andika teh; Kula pasti bakal ngajaga Darmaji ! Saha wae nu wani deukeut ka Darmaji, pasti bakal dibinasa ku Kaula; ngan...............aya iwalna, terus terang we ari nyanghareupan Resi Drona mah, kuring rada was was; lantaran manehna sagala nyaho kalemahan Kula." Satyaki lajeng kapayun:"Dananjaya, sok we ancurkeun eta musuh bangkawarah urang Trigarta teh; keun didieu mah Kula bakal ngajaga Kakang Prabu Yudhistira, ulah ringrang sol we isuk maju lawanan si Susarma. Hancurkeun sakabehna, ulah disesakeun !" Kresna di na hal ieu, nyata teu ngiring nyarios, netrl we; hartosna nyatujuan ka na rencana Arjuna ngalawan SDusarma sareng pasukanana. Atuh Yudhistira ge teu seueur saur deui, nya ngidinan we ka Arjuna.
HANCA
