Sateuacana gempungan di UPI, wakil paguron luhur manten BHMN teh ngarempel di UI sasih April anu kalangkung. Harita teh wakil mendiknas Prof. Fasli Jalal netelakeun, bade ngangge sistem BLU sapertos anu ayeuna diterapkeun kanggo rumah sakit. Tapi dipasihan "lolongkrang" otonomi terbatas. Sapertos kumaha otonomi terbatas eta, nya kedah dibadantenkeun ku paguron anu kapungkur lebet ka PT BHMN. Ari paguron sanes mah masih tetep nganut sistem anu ayeuna dilarapkeun. Hasil rumusan ti tim paguron eks BHMN eta engke diajukeun ka Mendiknas, teras digodok sareng DPR janten hiji UU enggal atanapi PP. Tah, dina proses digodog sareng DPR eta, paguron eks BHMN disuhunkeun bantosanana supados ngawal secara ketat. Margi pangalaman waktos ngagodog UU BHP (Badan Hukum Pendidikan) anu dibolaykeun ku MK teh, konsepna di "tengah jalan" ditambihan diberlakukeun kanggo sadaya tingkatan sakola ti SD dugi ka paguron luhur kalebet paguron swasta anu kaiket ka UU Yayasan. Puguh wae atuh, diprotes masyarakat margi ditafsirkeun pengelola paguron tiasa janten materialistik heunteu berpihak ka kaum papa.
Waktos kamari kempel di UI teh, aya conto paguron luhur anu ngalarapkeun sistem "ala" BLU, nyaeta Fakultas Kedokteran Universitas Islam Negeri Jakarta (kapugkur IAIN Jakarta). Kaleresan Dekan na teh manten Rektor UI Prof.dr.M.K. Tadjudin, sareng conto sistem BLU murni anu tos dilaksanakeun ku RSCM anu kaleresan direktur rumah sakitna teh staf pengajar UI oge nyaeta Prof.Dr. Akmal Taher. Rupina tina dua conto ieu, pamarentah tos gilig bade ngalarapkeun sistem BLU kanggo paguron luhur eks BHMN. Upami tos lancar, bade diterapkeun kanggo sadaya paguron luhur sanesna. baktos, mrachmatrawyani ________________________________ From: oman abdurahman <[email protected]> To: [email protected] Sent: Mon, June 27, 2011 3:07:38 AM Subject: Re: Bls: [kisunda] Atikan - BHMN vs BLU? Kang Rachmat, cikan aya info ari aspirasi paguron luhur leuwih condong ka sistem mana? Tina pangalaman, kalan-kalan sistem pengelolaan keuangan anu aya di Pamarentah (Dirjen Anggaran) sok rada beda jeung manajemen kreatif anu sifatna efesiensi atawa efektivitas atawa win-win solution. Aya pamandangan sejenna? manar .
