Milih Pausahaan Anu Ngabimbing Latihan manasik Haji Beres ngalunasan ongkos naek haji, tanda lunas ti bank disetorkeun ka Kantor Agama Kota Depok anu ngurus ibadah Haji. Biasana di kantor agama ditalek naha rek ngilua manasik anu diayakeun ku kantor Agama (mandiri), atawa ka pausahaan Kelompok Bimbingan Ibadah Haji (KBIH). Kuring teu teges ngajawab, sabab kuring rek nyoba ngadatangan hiji KBIH di kota Depok anu dituduhkeun ku patugas bank. Harita teh can aya bayangan kumaha bimbingan latihan ibadah haji teh. Anu kapikiran teh, nguruskeun surat kasehatan ka puskesmas. Ti Puskesmas dibere kartu pikeun mariksakeun kasehatan, utama na mah anu kudu diheulakeun kudu di rontgen. Bebas cenah rek dimana wae. Naha di rumah sakit umum atawa di klinik swasta. Kuring milih di klinik swasta, gancang beres teu kudu antri. Waragadna memang manglipet-lipet upama mariksakeun ka rumah sakit umum (daerah).
Sakumaha anu disarankeun ku patugas Bank, kuring ngadatangan kantor KBIH eta. Pausahaan ieu geus 6 tahun boga pangalaman ngabimbing para calon jamaah haji. Dipingpin ku saurang ustadz kalahiran Palu (Sulawesi) lulusan Al Azhar Kairo. Waktu masih tolab ilmi di Mesir, ari usum haji sok remen babantu panitia haji di nagri Arab. Sakapeung mah sok ngabantuan ngalaksanakeun ibadah haji, upama aya jamaah haji anu ngabadalkeun kolot-kolotna anu geus almarhum. Tah tina pangalaman eta, pa Ustadz dibantuan ku jikanna muka usaha bimbingan ibadah haji. Kabeneran tempat latihan manasik haji teh di masjid al Muhajirin Depok 1, teu jauh ti tempat dumuk kuring. Nya ahirna mah ngaraso cop, milih KBIH Khazanah Mandiri. Latihanana biasana mah wanci bada Isya, saminggu sakali. Biasana manasik haji teh dilaksanakeun limabelas kali. Tapi kuring jeung jikan mah kurang ti eta, da kakarek dibere nyaho bisa munggah haji sanggeuh latihan manasik sababaraha kali. waktu daftar ngiluan manasik haji, panitiana kekepehan nolak dibayar tu heula. Tradisi di KBIH ieu, bayar manasik hajina teh upama urang geus ngiluan sakabeh manasik anu diayakeun ku KBIH. Salian dibere buku, brosur jeung foto copian informasi jeung doa doa manasik haji, satiap urang calon jamaah haji dibere handphone haji. Ari sajatina mah hp ieu teh mangrupa rekaman anu eusian doa bacaan basa Arab anu kudu dibaca waktu ngalaksanakeun ibadah haji. Tapi kusabab wujudna siga hp nya dingaranan hp haji. Ceuk cenah hp haji ieu khusus dijieun di Malaysia. Kreatif oge. Pangalaman haji kamari, ari ceuk kuring mah perlu ngiluan manasik haji ka hiji KBIH. Supaya urang boga gambaran jeung dibimbing salila munggah haji di tanah Suci. Memang aya ekstra biaya, tapi manfaatna, jadi leuwih husu ngalaksanakeun ibadah haji. Aya sababaraha pangalaman anu dibimbing ku instansi kantor agama. Di tanah suci sok diantep lurjeunkeun. Salian ti kitu oge, biasana petugas KBIH geus nyaho tabiat para panitia urang Arab. aya hiji pangalaman waktu anjog ka hotel di Mekah wanci janari, kondisi awak lesu pisan. Padahal harita teh geus make pakean ihram ti awit di Bandara Jedah. koper babawaan masih pating solengkrah di lobi hotel anu diturunkeun ku urang Arab. Gawena lelet pisan, jiga anu murukusunu. Ceuk cenah mah, maranehana teh menta bayaran. Mangkaning tempat mondok aya di lantei 6. Lamun diangkut ku masing-masing jamaah moal sanggup. Pa Ustadz nyamperkeun petugas urang Arab tea. Urang Arab eta dibentak-bentak ku Pa Ustadz. kakara weh koper-koper diangkut ka lift ku urang Arab. Disangkana jamaah haji Indonesia teu ngarti basa Arab jeung bisa "dipalak". Duka tah, mun kitu peta (ngambek) , naha ibadah hajina Pa Ustadz batal, atawa heunteu? (hanca) ________________________________ From: MRachmat Rawyani <[email protected]> To: "[email protected]" <[email protected]> Sent: Saturday, October 8, 2011 7:30 AM Subject: Re: [Urang Sunda] Re: [kisunda] PBKS - Mat Sorot Munggah Haji 3 ________________________________ From: Yuyun Hernawan <[email protected]> To: [email protected] Sent: Wednesday, October 5, 2011 4:30 AM Subject: RE: [Urang Sunda] Re: [kisunda] PBKS - Mat Sorot Munggah Haji 2 Insya Alloh, Ki Engke mun tos rada salse Ayeuna rada pakepuk keneh Consider the environment - avoid printing this document ________________________________ From:[email protected] [mailto:[email protected]] On Behalf Of Ki Hasan Sent: Wednesday, October 05, 2011 11:01 AM To: [email protected] Cc: urangsunda urangsunda; Baraya Sunda Subject: [Urang Sunda] Re: [kisunda] PBKS - Mat Sorot Munggah Haji 2 Tah geuning katambahan deui ku Kang Yani. Sok lah Kang Yani teraskeun, tong hariwang disangka riya sagala. Resep uing macana. Sugan we, baraya sejenna oge ting pucunghul, ngalalakon pangalaman hirup, sugan bisa jadi pieunteungeun. Hehehe, asa jadi serieus teuing nya. Hayoh Kang Yadi, Kang Yuyun, Kang Tito, Kang Didkdik, sareng Kang-Kang, Kang-Kang sejenna, geura ngalalakon. 2011/10/5 MRachmat Rawyani <[email protected]> Hapunten anu kasuhun, seratan dihandap sanes bade riya. estuning mung sakadar ngalancarkeun sareng ngalatih kamaheran basa sunda kuring, anu kapungkur kantos diajar waktos di SMP (awal 1971-1973). Janten upama aya basa anu teu merenah, pamugi dima'lum sareng nyuhunkeun dikoreksi. wassalam, mrachmatrawyani _________________________________________________________________________________________________________________ “Jika Allah menghendaki sesuatu terjadi, JADILAH maka terjadilah” Kitu tah salah sahiji ayat anu kaunggel di bagian ahir surah Yasin. Kuring haqqul yakin, ayat ieu anu karandapan ku kuring. Salah sahiji buktina, teu ngimpi-ngimpi acan, jol bisa weh munggah haji. Sok sanajan ceuk jikan, manehna mah teu petot-petot ngadu’a sangkan bisa ngalaksanakkeun ibadah haji duaan jeung kuring. Salila nungguan poe “H”, Alhamdulillah sagala urusan lancar. Atuh rezeki oge dilancarkeun, teu biasana sok aya wae “panghasilan tambahan” di luar gajih. “Bonus” bisa munggah haji ieu oge, jigana hasil tina “lulus ujian” ka kulawarga kuring. “apakah kamu menyangka ketika menyatakan beriman Allah tidak akan menguji dengan berbagai ujian?” Alah, poho deui kumaha persisna ayat al Qur’an eta. Tapi nu jelas mah, khususna kuring jeung jikan nandangan ujian anu beurat pisan. Mun teu kuat-kuat teuing mah, iman bisa soak. Taun 2007, mitoha (bapana jikan) asup rumah sakit Harapan Kita, kaserang panyakit jantung. Biasana mitoha sok sesek nafas. Hiji mangsa dipariksa ka rumah sakit harapan kita. Sabada dipariksa, dokter nyaram balik ka mitoha, poe ata keneh kudu meuting di rumah sakit. Hasil pamariksaan saterusna, cenah kudu geuwat dioperasi, aya “penyumbatan pembuluh darah” anu ngabalukarkeun sok sering sesek nafas. Operasi “by pass” lancar. Tapi lambat sababarah ajam tina anu direncanakeun. Sabab aya pembuluh darah anu kudu dikerok/dibersihan heula. Justru pasca operasi anu leuwih bahaya/kritis, sabab aya komplikasi anu teu kanyahoan samemehna. Aya kana sabulanna di ICCU. Adi-adina jikan kabagean ngemitan meuting di ICCU. Kaasup kuring kudu “jaga malem” ngagantian kawajiban jikan. Nepi ka hiji waktu kulawargi jikan ngumpul di Harapan Kita, sabab ningali kondisi mitoha aya dina titik kritis pisan. Salian “ngambek” neuteuli ka dokter anu jaga, harita teh diputuskeun, saupama karandapan kajadian anu teu dipikahayang, layon rek dibawa kamana jeung dikurebkeun dimana. Jigana adina jikan anu gawe di Depkes lapor ka Menkes. Ti saprak harita, tim dokter Harapan Kita, soson-soson tihothat heunteu tisasari ngarawat mitoha. Urusan “ngemit mengemit”/jaga malam di rumah sakit the nepi ka ngalaman lebaran di rumah sakit. Kusabab aya keterlambatan operasi nepi ka dua jamna, hartina jalanna jantung teh dibantu ku mesin, mitoha ngarandapan “hilang” memori jeung “hilang” emosi. Teu inget kajadian-kajadian heubeul jeung teu boga rasa kasedih atawa kagumbira dina ekspresi beungeutna. Nepi ka ayeuna efek samping tina operasi anu telat tea, mitoha jadi rada torek. Pangalaman anu narik ati salila jaga malem di ICCU teh nyaeta , kamer ICCU teh lir ibarat terminal, lamun teu cageur, nya hos paeh. Satiap waktu pan sok ngalongokan mitoha kajero kamer ICCU. Peuting ieu masih katingali aya pasen deukeut ranjang mitoha. Isukanana eta tempat teh geus dipake pasen anyar. Kamana pasen nu heubeul? Nya, hos paeh. Kajadian siga kitu teh remen pisan. Nepi ka apal saha-saha wae kulawarga anu sok ngemitan. Kumaha dina perkara waraga? Salila dua bulan di rumah sakit, mun diitung dijumlah jambleh teh, logor nepi ka 400 juta rupiah mah. Tapi pan mitoha teh pangsiunan PNS widang kasehatan golongan IV. Jadi meunang potongan lumayan gede. Ari pangalaman anu karandapan ku kuring pribadi mah lain deui. Sababaraha taun katukang, panggih jeung sobat dalit waktu jaman mahasiswa. Sarua ngiluan bimbingan tes waktu rek asup ka paguron luhur. Atuh waktu ditarima di FISIP-UI oge, sok indit babarengan waktu acara “diplonco”. Kuring kenal pisan ka kulawargana anu dumukna di Cideng Barat Jakarta Pusat. Sabada lulus, manehna gawe di Bank swasta. Ceuk cenah mah kungsi boga jikan, anak salah sahiji dosen Unpad. Tapi teu lila, terus pipirakan. Waktu panggih deui jeung kuring, manehna ngajak usaha foto copy di kampus. Kuring kungsi ngenalkeun jeung dekan hiji fakultas di UI. Malahan mah nepi ka tanda tangan kontrak sagala. Pikeun modal usaha, manehna ngusulkeun sangkan kuring boga kartu kredit sababaraha bank. Tina kartu kredit ieu bisa dipake pikeun modal usaha. Keur mayar cicilan kartu kredit eta, ditanggung ku manehna. Kuring percaya wae. Maenya sobat jaman mahasiswa jeung kenal kulawargana rek nipu. Tapi nya kitu tea, jalma mah sok keuna ku owah gingsir. Tagihan kartu kredit beuki kadieu beuki loba. Malahan mah nepi bates maksimal. Waktu disasar dimana cicingna eta batur kuring teh teu jelas. Di telepon teu bisa. Waktu ditanyakeun ka lanceukna, ari pok teh dijawab. Lain ka batur wae, ka lanceuk-lanceukna oge wani nipu. Jadi lanceukna oge teu pati mirosea ka sobat kuring eta teh. Masalahna, eta kartu kredit teh aya di batur kuring. Sedengkeun tagihan kartu kredit dialamatkeun ka kuring, da kartu kreditna make ngaran kuring. Jadi kuring repot oge nguruskeun ngablokir kartu kredit eta ka bank jeung menta karingangan ngeureunkeun bungana. Lamun ngan hiji kartu kredit mah teu pati masalah. Tapi eta sobat kuring teh, mawa kabur kartu kredit kuring aya kana sapuluhna. Bodo pisan kuring teh nya? Enya bodo, sabab teu nyangka sacongo buuk acan, eta sobat kuring bakal nipu. (hanca) The information contained in this communication is confidential and may be legally privileged. It is intended solely for the use of those to whom it is addressed. If you are not the intended recipient, then you are hereby notified that any disclosure, copying, distribution or taking action in reliance of the contents of this information is strictly prohibited and may be unlawful. BAM International bv and its subsidiaries are neither liable for the proper and complete transmission of the information contained in this communication nor for any delay in its receipt. This e-mail message does not create any contractual obligations for BAM International bv and its subsidiaries.
