PBKS - Lalampahan Penang-Singapur Ku Eli Jamilah Dinten Sabtu dua minggon kapengker, kaleresan dilongokan ku budak sareng bapana ka Penang. hayoh we hayang sindang ka Singapur cenah. ah, milari nu mirah we.. janten, ti Penang, nganggo beus ka Kuala Lumpur.
perjalanan Penang-Kuala Lumpur lamina satengah poe. Beus na benten siga di urang da badag pisan tur jangkung. nya talibra we da sapapanjang jalan ka Kuala Lumpur mah ngan kebon sawit satungtung deuleu. aya soteh anu aneh basa meuntas ti Penang (pulo) ka daratan semenanjung.. abdi mah can ngasaan meuntas ka Madura ari pulang anting di dieu mah sering... Panjang rupina sasak luhur laut teh, tapi teu apal sabaraha kilo meterna.. di Kuala Lumpur, biasa we backpacker. kabedag kenah wisma-wisma acan mah. nu rada sesah teh ku lantaran si Jalu apik rujit, hese emamna. itu salah ieu salah, maklum ari di Malaysia mah sanguna bear tur teu aya rasaan, bari bumbu2 masakan na pan barau kari. cekeng teh, ah dasar we si Jalu medal Cianjur, jadi rewel kana kualitas sangu. da eta mah kukulutus we ' ini ga enak itu ga suka, makanan kok ga jelas amat '... ehm, Jalu.. Mamah mah sapopoe nimu makanan ga jelas teh da ngan ngandelkeun kantin kampus.. Malem minggu nongkrong di Bukit Bintang, duaan jeung budak. Bapana mah kalah ngajoprak lebet angin, ditinggalkeun we di hotel. Ningali rupa-rupa jalema pagaliwota, tambah wengi tambah rea, tur seueur atraksi-atraksin asa-asa mun di Bandung mah di BIP baheula nya abdi keur ngora... Enjingnya, ngencarkeun budak di Menara Petronas. LEbet ka Petrosains. atuh eta sabara jam boa teu cape-cape si Aa kukurilingan sagala dicobian. Petrosains teh taman teknologi, terutama anu aya kaitana sareng petroleum, tur budak bebas ngayakeun percobaan2 sagala. Abdi nuturkeun bari nalangsa. Nha, ari bangsa urang nya, pan Pertamina ge teu eleh beunghar.. cing atuh jieun nu kieu2 wae mah meureun mampuh; malaur anak abdi jadi mengagumi Malaysia pan.. sadidinten, kukurilingan sabudeureun KL we.Tiket kareta ka Singapur kanggo engke wengina tos pesen. anu nganggo tempat tidur tiketna 46 ringgit (kinten 138rb rupia), si Aa da masih sapuluh tahun mung di-charge 13 ringgit, tapi bobona ngiring jeung Mamah atanapi Bapa, cenah. berangkat tabuh 11 wengi, dugi ka singapur kinten2 tabuh 7 enjing. teu karaos da tibra we sawewengi. lega tempatna ge. kareta liren heula di Imigresen Johor Bharu. teu kamamana da petugasna ngadongkapan tiap korsi atanapi bilik tempat tidur, nge-cop paspor. dugika woodstuck atw woodland nya hilap deui nembe turun sadayana, digiring ka Imigrasi deui. ti dinya, lgsg we ka luar, tos wilayah Singpura. Ayeuna mah tebih stasion kareta KTM (kereta tanah melayu) teh ti kota, tahun kamari mah da masih di Tanjung Pagar (?), di kota, ka Little Indian naik taxi mung 4 dollar. ti stasiun nu ayeuna mah aya 20 dollar na ka kota teh. ti Stasiun ,naik rapid we (beus kota) ka stasiun MRT/LRT dararuka teuing teu apal kamamana. ari abdi mah kamari da asa carape, naik teksi we ah, langsung ka Little Indian. Bapana budak keukeuh hayang ka Bugis Junction cenah secara uber-alles urang Bugis manehna mah. 'Engke' cekeng teh 'kita mandi dulu'. di Singapura mah werit cai. di jamban-jamban umum, cekap ku keretas tisu we. Abdi apal di Mustafa Center, Little Indian, aya masjid. Tiasa urang teh ibak heula tenang dugika wanci sholat lohor. Ari jalan2 mah di dinya we kukulibekan.. nu penting ibak heula. Meni cepel atuda kesang di Singapur mah panas hareudang.. beres ibak, nembe ka Bugis Junction. Marukan aya meureun urang Bugis, ah teu manggih. kalah nu nyarion Sunda nu seueur. Balad-balad urang keur pariknik nya meureun, balanja angkaribung sagala dibeuli. di dinya maksi alias makan siang, teras weh ka Suntec rek numpak beus hop on hop off anu hateup beusna dibuka. eta beus kukurilingan wungkul di sabudeureun Singapura. Dugi ka Suntec, aya Duck Tour. hayu lah naek, lumayan awis pangaosna tiluan teh 84 dollar. mung satengah jam, nguriligan Singapore Flyer, Merlion jsbn. ti darat, ngangkleung ka cai.. payus siga entog nya... uih Duck Tour, naek rapid 36 ka Changi. ongkosna sakitu tebih teh ukur 2 dollar. di dieu rada bingung,turun dimana. si Aa sareng bapana ka Jakarta naek Lion, abdi balik ka Penang naek Airasia. turun di Terminal 1, teu aya, cenah kudu ka Terminal Budget, pan penerbangan murah. tapi teu aya oge. Ningan Lion sareng Air Asia mah di Terminal 2. Atuh tinggal geleser we naik Sky Train ka Terminal 2. teu kedah kaluar riweuh milari bus-hub. Changi teh bandara idaman, raoseun pisan. Cenah salami nungguan pesawat, ka Jakarta tabuh 10 wengi, Bapana tonggoy dina kursi pijat siga nu di mall-mall tea. si Aa asik dina komputer. Abdi paturay di Changi, ka Gate C, penerbangan AirAsia Singapura-Penang tabuh 11. Tah, kitu Singapur teh Kang Kumi. Ngaliwat we wungkul, pokona tos pernah. Hoream ka dinya deui ah. mending engke mah naik kareta api teh ka Bangkok we ti Butterworth, Penang. Abdi masih di Penang dugika akhir sasih ieu. Titip we nya Salemba...
