Punten, ngiring ngabewarakeun kabungah bae ieu mah Pa Kuncen. Ti bulan September nepi ka bulan Desember 2011, Wikimedia Indonesia gawe bareng jeung UPI ngayakeun Sundapedia, pasanggiri nulis dina Wikipedia Basa Sunda anu ditaratas ku Kang Kumincir. Kabeneran abdi anu tertimpa ekor harimauna, ngaluluguan eta kagiatan. Kang Kumi ngajuri(g)an. Alhamdulillah, nepi ka danget ieu, dina waktu sabulan Wikipedia geus nambahan kurang leuwih 700 artikel. Bari eta artikel teh rada "lumayan" alus pikeun dijadikeun referensi ensiklopedis mah. Atuh Kang Kumi nu biasana ngalamot curuk di Saung Wiki teh ayeuna mah rada cakah-cikih nyiapkeun cikopi da kaanjangan kontributor anyar di Wikipedia. Paniten abdi saheulaanan, kontributor anyar teh kasulitan mimitina wungkul. Tetela, ari diayakeun pelatihan teknis ngeunaan nulis di Wiki mah, norolang pisan. Siga malam papangantenan, hese mimitina wungkul. Heuheu. Ieu kagiatan teh dibagi tilu jirangan. Jirangan kahiji (Sept-Okt) geus ngahasilkeun sababaraha artikel pinunjul pilihan Dewan Juri (Jurina ti UPI jeung Wiki), saperti Seren Taun (http://su.wikipedia.org/wiki/Seren_taun), Hortikultura, (http://su.wikipedia.org/wiki/Hortikultura), Rahwana (http://su.wikipedia.org/wiki/Rahwana), Sawer (http://su.wikipedia.org/wiki/Saw%C3%A9r), jeung Kabaya (http://su.wikipedia.org/wiki/Kabaya).
Nyanggakeun. Salam AG
