li khamsatun uthfi biha//haral waba'il khathimah//al-Mushthafa wal
Murtadha//wabnahuma wal Fathimah
NUJU kuring alit kantos nguping nadoman nu diluhur. Ieu nadom teh disebatna
`nadom alkisa'. Jalaluddin Suyuthi nyerat aya riwayat ti Ummu Salamah, garwana
Kangjeng Nabi Muhammad saw, yen Kangjeng Nabi kasumpingan putrina sareng dua
putuna (Sayidah Fathimah, Imam Hasan, dan Imam Husein).
Saanggeus unjuk salam, Kangjeng Nabi miwarang ngagentraan Bagenda Ali sangkan
ngariung diharepueun rorompok Ummu Salamah. Geus sumping nu diantos, Kangjeng
Nabi nurubkeun lawon atawa sorban (kisa) ka mastaka Bagenda Ali nu dipeungkeur
ditengahna aya Hasan, Husen, Fathimah, sareng Kangjeng Nabi nu nyepeungan lawon
nu tungtungna bagean tukang diceupeung ku Bagenda Ali.
Ninggali polah Kangjeng Nabi kitu, Ummu Salamah ngilu asup. Ngan ku Kangjeng
Nabi dicarek, "Maneh ayana kaalusan". Geus kitu mah, Ummu Salamah surti henteu
ngiluan na eta lawon. Tuluy wae Kangjeng Nabi maoskeun ayat 33 serat al-ahzab.
Riwayat kasangtukangna lungsurna ayat eta disebat hadis `al-kisa'.
Urang Islam nu mikacinta Kangjeng Nabi sareng kulawargana nu suci (Ahlulbait)
ngadamel syair nu eusina muji ka marantena. Jigana mah eta `nadom alkisa' eta,
dijieun keur ngagungkeun sarung ngamulyakeun tur hoyong kenging berkat ti
Ahlulbait. Wajar bae da Ahlulbait diagungkeun oge, pan hadis-hadis nu soheh
jeung seur nu ngariwayatkeun (mutawatir) kaasup pusaka Kangjeng Nabi nu moal
peugat dugi kiamat.
Sakumna urang Islam diparentah ku Kangjeng Nabi sangkan miara dua pusaka:
Al-Quran sareng Itrah Ahlulbait (kulawarga Kangjeng Nabi). Urang Islam kedah
nulad ka Kangjeng Nabi sareng nyokot ajaran ti Quran. Conto amal sareng kumaha
pilampaheunna geus dilakukeun ku Ahlulbait. Urang mah kantun nulad jeung nyonto
wae ka marantena. Mun ngulik langsung kana Quran oge bakal moal terang
pihartoseunna sabab ngan ukur Allah sareng Kangjeng Nabi hungkul nu terang kana
eta eusi Quran.
Kulantaran Kangjeng Nabi tos pupus, urang kedah nyadak ti riwayat atanapi
hadis. Ngan orokaya, seur hadis nu teu soheh jeung dijieun-jieun. Saha atuh anu
nampi riwayat ti Kangjeng Nabi teh kalebet soheh? TahÂ… na ieu pasualan jadi
pacengkadan di antara dua mazhab. Urang Islam Sunni nyebatkeun Sohabat Nabi nu
kedah dicandak dina sual hadis Kangjeng Nabi. Ceuk urang Islam Syiah, jutsru ti
kulawarga Nabi anu langkung kajamin soheh sabab ahlulbait mah geus dibersihkeun
ti kokotor jeung perdosaan ku Allah (dina serat Al-Ahzab ayat 33).
Mana nu bener? Talungtik bae ku nyalira supados eces. Mun teu bisa, nya aos bae
hasil panalungtikan batur. Aya hiji buku yasana Ali Umar Al-Habsyi jejerna "Dua
Pusaka Nabi Saw" dikaluarkeun ku Penerbit Ilya (Jakarta). Buku ieu kaasup
bestseller. Janten mun dipilari di toko buku ageung oge pasti aya. Mangga geura
aos
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
[email protected]
[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
