Fikmin - #Bajigur Posmo#
Rurat reret di kamar kos rupek, ukur aya panaheuran cai listrik. Paragi ninyuh cikopi isuk-isuk. Pipikiran kalah ngalayang ka lembur. Asa hayang nyuruput bajigur. Tit-tut, tit-tut, mencetan kepad, ngirim SMS nanyakeun resep bajigur. Ah lahaola we. Nurutan resep dina SMS mah, kalieur-lieur. Kincid ka super-market. Kop kana cipati Kara kotak, gula bodas, jeung kopi Nescafe. Naon deui nya? Inget kana Jahe, kulit Kayu Manis, jeung Cengkeh. Anjog ka kamar, pak-pik-pek, ngaramu pibajigueun. Teu nepi ka lima menit, sacangkir "Bajigur Posmo" geus ngabagug gigireun leptop.
