Saenyana Jalma geus sehat, teu ngarasa naon2 deui tapi manehna api2 masih teu ngeunah badan, lantaran hayang lila milu di dinya. Sanggeus tilu poe, Tuan Besar datang; nu disebut Tuan Besar teh nya eta Tuan Hendrik, Kawasa eta Kebon Teh; manehna ngadenge yen aya pamuda nu geus nulungan ka anakna; terus we Jalma dipanggil. Jalma bari rada era, terus ngadatangan, tabe Tuan cek Jalma. “Diuk !” Cek tuan besar pondok. Tapi kaciri budina marahmay. ( Tuan Besar = Big Boss ) Manehna diuk na korsi nu dituduhkeun ku Tuan Besar; modelna model jojodog tapi jangkung. Ari Tuan Besar nu ngaranna Hendrik diuk na Korsi nu empuk jeung alus pisan. “Eeee kowe punya nama siapa hah !?” Jalma rungah ringeuh teu ngarti. Tuan Hendrik pok ngomong deui ku Basa Sunda nu rada dipaksakeun; da ngarti oge saeutik ieu tuan besar ka na Basa Sunda teh:” Eeeee sia punya ngaran siapa hah ?!” “hehehe........... Jalma Tuan Besar.........; ngaran uing Jalma.” “Eeee......... kowe punya nama ........ eeee Jalma.......... gud !” “Eeee kowe Jalma, sudah tolong kami punya anak si Bella...........kami eee Danke sama kowe; perbuatan kowe ada bagus.” Jalma ngan ngahuleng we teu ngarti naon2. “ eee Bella kesini; lagi vakansi; sekolah di Batavia......... si Bella eee harus masuk sekolah lagi, en .......... mao cepat2 pulang, eee kuda dia punya kereta ada ngamuk. Eee hampir si Bella cilaka. En kowe datang .” Jalma unggut2an we, bari loba nu teu ngartina; Tuan Hendrik nyarita deui:”Waktu ini, kowe eeee musti banyak belajar; kowe bakal Tuan kasih ee Guru Privaat, mao ?” Jalma manggut bari teu ngarti. Tuan Hendrik pok ngomong deui:”Gud ! Gud ! kamu orang musti rajin belajar eee kowe bakal jadi pintar !” Isukna enyaan Guru privat teh datang, Jalma mimiti diajar Basa Melayu; karek ge 3 poe geus lancar pisan; terus pelajaranana ditambahan ku ngitung jeung maca; rada mandek oge; da loba lieurna; tapi sanggeus saminggu mah Jalma lancar pisan; guruna muji pisan, yen cenah Jalma calakan; tuan Hendrik manggut2; atoheun lantaran Jalma nyata teu nguciwakeun. Ayeuna Jalma mimiti saeutik2 diajar NULIS Latijn. Di hal ieu oge Jalma kaciri calakanana; gurunaa oge mani gogodeg, ti na teu nyangka Jalma sakitu cepetna majuna. Jeung diajar naon wae gancang pisan bisana, bari sakali disebutkeun langsung inget. Di na hubunganana jeung Ma emeh, kitu Jalma nyebutna ka Nyi Emeh babu di dinya; Jalma osok oge ngobrol sautak saeutik; tapi di na hiji waktu; Jalma nanyakeun soal Leuwiseeng; eta Ma Emeh mani ngaburilek, panonna, siga nu ambek pok ngomong:”Maneh teu kudu nyabit2 ngaran eta tempat; aing embung ngadengena ge !” Rada heran oge Jalma, naha ieu Nyi Emeh teh, boga kasuat kaseuit soal Leuwiseeng ? beuki tarik sangkanana Jalma, yen eta Ma Emeh teh enyaan indungna; manehna beuki ngahormat jeung nyaah ka Nyi Emeh; kitu deui sabalikna; duka kumaha Ma Emeh kaciri siga nyaaheun pisan ka Jalma. Selang2 ti na diajar Jalma sok ngabantuan Ma Emeh, boh kukumbah piring, boh sasapu; tapi nu Jalma rajin pisan nya eta ngurus taman. Kaciri Tuan Hendrik oge atoheun nempo Jalma sakitu rajinna. HAnca
