Na hiji poe Bella balik ka imahna di Puncak, cenah mah aya pere rada panjang; manehna atoheun nempo Jalma geus bisa Basa Melayu; jeung cenah cek bapana Jalma teh “CERDAS” pisan. Pasosore Bella nyampeurkeun ka Jalma:”Eeee Jalma , kamu orang sudah mandi ?” Jalma:”Sudah Non.Apa ada keperluan !?” Episoe ke 26 Ka Batavia Bella:”Nay............. kamu orang musti belajar Bahasa Belanda , Hollands sprechen.” Nya dua poe diajar we terus Basa Belanda; masing can ngarti pisan, tapi sautak saeutik mah ngarti Jalma teh. Sanggeus dua poe aya di Puncak, Bella balik deui ka Batavia; tapi balikna cenah hayang dianteur ku Jalma; bari sakalian dibere kamus engke geus di Batavia mah cenah, ayeuna can kabawa.” Tuan Hendrik ngidinan “Inlander Jalma” nganteurkeun Bella, lantaran cenah Jalma bakal bisa jadi Inlander yang Intelek. Jadi Tuan Hendrik bisa percaya ka Jalma. Unggal2 balik pakansi, Bella teh dikawal ku ampir sapuluh upas; nu lengkep senjatana; lantaran cenah Tuan Hendrik sieun aya pengacow di jalan megat perjalanan Bella; ayeuna ge kitu; eta Upas teh enyaan karuat pisan, lumpat nuturkeun kareta nu dibawa ku opat kuda; hartina eta upas teh rata2 lain sambarangan elmuna; da moal mungkin kuat nyusul kuda ari lain latihanana kuat mah. Upas2 teh teu milu naek ka Tonggoh; aya POSna rada jauh sanggeus turun ti Puncak; nu matak waktu aya kacilakaan, si Upas teu nulungan, da rada jauh. Tapi memang salila ieu can ngajaran Bella papanggih jeung nu wani megat ka manehna; lantaran pangawalna ge salian ti senjatana lengkep; oge maranehna rata2 dilatih kuat lumpat tarik jeung tahan lila.Jalma bari milu na kareta; sok ngagentenan kusir nu kaciri capeeun. Atuh kusir jeung Bella atoheun Jalma bisa ngusiran. Dina perjalanan ieu, lolobana Jalma paduduaan jeung Bella, nu ngobrol make Basa Holland sprechen. Mun Jalma loba nu teu ngartina; dibantu ku Bella ku Basa Melayu nu rada acak2an. Nya ahirna komunikasina lancar oge. Ngan Jalma sering “nyakakak” telat wae; lantaran carita Bella nu lucu kakara kaharti sanggeus samenit dua menit Bella nerangkeun. Bella sok nyeungseurikeun oge kalakuan Jalma; tapi muji oge na hatena, yen Jalma teh enyaan “cerdas” jeung teu matak ngerakeun, teu kampungan, enya ge urang kampung. Hanca
