Si gundul nyentak tarik pisan:”Eh ganjen ! Diem luh.”bari terus we eta duit nu keur dicecekel rek dipulangan teh direbut. Nepi ka Atun jejerewetan. Nempo kajadian kitu mah Jalma teu bisa cicingeun, terus nyentak:”Heh Bang ! kasih kan tuh duit ke Atun.’ Nu tiluan:”Hahahaha ! Kalo kagak, mo ape luh !?” Jalma masih sabar:”bang kembalikan sebelum nanti menyesal.” Nu tiluan kalah ka seuseurian, terus we si Gundul nyentak:”Eh Tong, luh punya nyawa berape hah berani2 ngelawan Gua ? Nih Golok nyang gua soren bukan hiasan tahu; ntu bakal ngisep darah elo ! Tahu !? Mentang2 kita sabarin, elo mo ngelunjak ya !? Ayo minggat dari sini !” Jalma langsung wae nangtung, terus nyampeurkeun ka nu tiluan:”Mau kembaliin gak ?” Nu tiluan rada kaget oge, wah ieu budak ngora teh meureun aya eusian oge; tapi maranehna geus kapalang terus wae pak pik puk nyabok ka Jalma; tapi hiji ge euweuh nu keuna; terus ngan sakilat tiluanana geus ngajarongkeng. Nu Tiluan mani kaget campur reuwas laju mesat bedog. Jalma ayeuna mah nu seuri:” Hahaha ! Jangan main2 dengan senjata, nanti kamu orang akan lebih celaka lagi.” Rada ragu2 sakeudeung, tapi ahirna nu tiluan terus ngubat ngabit bedogna; tapi ngan sakilat eta bedog tiluanana geus direbut ku Jalma; terus sakali deui ting jarongkeung; Jalma ngalungkeun eta tilu bedog ka nu bogana mani persis ampir keuna ka na badan maranehna; atuh kesang tiis mani ngucur; si Gundul mah komo wer2 kiih pisan. Ayeuna maranehna kakara sadar, yen maranehna “ketemu batunya” ; panggih Jeung Pendekar nu ngora keneh. Maranehna terus we ampun2an jeung rek mulangkeun deui duit Atun. Terus geus kapalang Jalma mariksa kantong2 maranehna; loba oge duitna; terus we Jalma molotot:”Eh kamu orang tidak mau bayar; padahal kamu orang ada duit di saku ! Hayo sekarang bayar ! Semuanya.” Si Atun milu ngomong, bari bungah tapi oge reuwas, sanggeus nyaho yen Jalma teh “Jagoan :” Iyah tuh Bang, nih orang tiga nih banyak hutangnya; bayarnye sekali; ngutangnya berkali kali.” Jalma:”Hayo bayar semua !” Ahirna nu tiluan kapaksa mayar; bari na hatena ngageremet hayang males. Terus we gancang kalabur ti dinya. Barang Pok Mineh datang, manehna kaget, terus ngomong:”Wah ini pertanda gak baek, eta gorombolan Klabang Item pasti bakal balas dendem; kepaksa nni warung kite tutup deh Tun.” Jalma kaget pisan ngadenge omongan Pok Mineh kitu, terus we sadu2 menta dihampura. Si Atun mangmeunangkeun Jalma; lantaran cenah si nu tiluan maksa pisan, nya dilawan ku abang Jalma. Si Pok Mineh oge ngarti; tapi masing kalah kumaha oge; eta daerah Kramat nepi ka Sentiong teh aya di na kakawasaan maranehna; urang mah teu aya daya. Hanca
