Geus teg deui wae Ki Tanu ka na masalah nyulik budak awewe :”Terus nyorowok deui :”Eh Ki Darga ! Ti iraha sampeyan pipilueun urusan batur nu euweuh hubunganana?!” Ki Darga nyorowok deui :” Tah ieu budak ngora, ngaranna Jalma gelarna Pendekar Maung Sancang ! Manehna urang Wanayasa !” Ngadenge Wanayasa disebut, mani ngageter Ki Tanu; awakna jadi ngadegdeg nirisan; enya we perkara budak awewe diculik deui wae; naha diri aing asa ku sial2 teuing ? Ti na reuwas jeung sieun, kaluar we ambek; ahirna nyorowok deui :”Eh Darga ulah sangeunahna wae nuduh ! Mana buktina !?” Ahirna Jalma milu nyorowok oge :”Eh Para anggota Kumpulan Rajawali Bodas; mangka waspada sampeyan sakabeh ! Ieu kumpulan bakal dibubarkeun, jeung bakal sangsara hirupna ; ngan wae lamun sampeyan daek mulangkeun Nyi Ipah jeung Nyi Epon; tangtu bakal dihampura; kumpulan anjeun masih keneh salamet.” Ngadenge omongan Jalma kitu, para anggota Rajawali Bodas, loba nu sareuri mani tarik lantaran asa lucu nempo jelema budak keneh, ngancam rek ngabubarkeun ieu perkumpulan? Nya atuh pamohalan ! Cek pamikir maranehna. Atuh teu kaampeuh deui ger we saleuseurian. Jalma Kacida ambekna, terus turun ti na kudana, sejana rek maju; tapi burudul teh panah ti luhur; atuh kapaksa Jalma mundur deui; lengkahna katahan ku murudul na panah.HANCA
