Quote - Diajar Repeh Sakur murid sakola Tendai baheula sok diajar meditasi samemeh Zen asup ka Jepang. Aya opatan ti maranehna nu geus layeut sosobatan kedal janji babarengan hayang observasi diajar ngararasakeun repeh teu nyarita salila tujuh poe.
Poe kahiji maranehna kabeh repeh teu nyarita najan sakemek. Meditasina husu pinuh sumanget, ngan waktu reup peuting jeung lampu minyak kakalicesan nu saurang teu bisa terus repeh laju ngageroan badega: "Benerkeun lampuna." Murid nu kadua kaget nalika ngadenge baturna nu kahiji cumarita. "Urang sakuduna teu meunang ngomong najan sakecap," pokna. "Maneh duaan barodo. Kuanon silaing ngaromong," tanya murid katilu. "Ngan kuring saurang nu can cumarita," omong murid kaopat. Tarjamahan "Learning to Be Silent" tina "101 Zen Stories". Panarjamah: Ki Hasan
