Nasreddin, di na hiji waktu ngalalana; jol we ka hiji pilemburan, di mana eta pilemburan teh saenyana teu pati alus di na masalah cai; tiap taun pasti kaserang ku halodo panjang; tapi ku sabab geus biasa nya maranehna tedtep we tahan di dinya.
Maranehna jadi EVOLUSI nya eta tahan ku HALODO panjang; ari beubeungeutan mah sarua we jeung jelema sejen, teu nyaho palebah mana bedana jeung manusa nu teu evolusi teh ? Hehehehe. Naha jadi ka na EVOLUSI ? Ngalantur. Tah Nasreddin asup ka lembur eta dimana halodona leuwih ti sasari; cenah geus sataun leuwih hujan teu turun wae; ayeuna kabeh katalaangsara. "Euh cek Nasreddin, sok sadiakeun cai saember, ari hayang hujan turun mah ?" Urang pilemburan, tingparolohok kaget, di na hatena naksir, na enya kituh ieu jelema rudin jeung musafir bisa ngagero Hujan ? Tapi ku sabab panasaran, nya eta jelema2 usaha, meunang 2 jam aya we cai saember. Nasreddin, barang nempo eta cai saember, terus we cucul2, jubahna dilaan, teu tata pasini deui brus we eta jubah nu bau jeung lecek teh diasupkeun ka na ember nu dieusi cai ................................................................................... Atuh harita keneh lain lalaki wungkul, dalah awewe2 ge kukulutus, jeung ting salengor; malah akhirna rob wae Nasreddin diriung, rek digebugan....................... tapi can ge gejrot ditaringgangan..................... ari GEBRET teh hujan................... jeung bari lila deuih; atuh bari bungah jeung gumbira, gancang eta urang lembur nandean cihujan, cul wae Nasreddin mah diaantep. Sanggeus meunang loba nandean cihujan, jeung hujan mimiti root, terus we urang lembur ngalingkungan deui Nasreddin; tapi ayeuna mah lain rek ngagebugan, ngan nganuhunkeun, jeung ngucapkeun kaheranan, ku naon bet Nasreddin sakitu saktina bisa ngadatangkeun hujan ? "Yeuh.............. ki dulur nu keur ngalalana, uing sarerea menta dihampura, lantaran tadi rek ngagebugan ka ki silah; lantaran eta cai teh meunang ngumpulkeun ti tiap kulawarga sakeclak sakeclak ! Da langka pisan nu boga cai di dieu mah; jadi ti na cai sakeclak, dikumpulkeun mah jadi we saember. Eta hese beleke pisan ngumpulkeunana teh; naha atuh ku ki silah langsung diabusan jubah ki silah nu nya kotor nya ledok ?! Pantes mun urang lembur arambekeun teh...................... untung kaburu turun hujan............. ngan eta anehna, naha hujan bisa turun nya ?" Cek Nasredding :"Tong heran................ lain uing sakti; tapi geus ti baheula mula; eta jubah uing nu memang teu sabulan sakali diseseuseuh; asal diseuseuh, PASTI UNGGAL2 GE SOK TURUH HUJAN !!!
