Nyata Jalma salian ti calakan ka na diajar, oge ngajar batur oge bisa; jeung Ki Demang Mertoyo Kacida sumangetna diajar ku Jalma teh. Kacaturkeun Utari, adina Ki Demang; ti barang nenjo Jalma, manehna teu nyaho kumaha jadi robah kalakuanana; tadina mah sok galak pisan ka lalaki teh, teu kaop aya nu ngadeukeutan pasti meunang semprotan; tapi barang panggih jeung Jalma manehna siga nu lungguh tapi someah pisan; kalan2 manehna sorangan nu mawa cai keur Jalma waktu Jalma keur ngajar; keun we karunya cenah Si Iyem capeeun. Eta kalakuaan Utari kitu teh , teu disangka aya nu ngawaskeun, bari jeung kaciri rada kekerot; eta nu ngawaskeun kalakuan Sari teh anak buah Ki Demang nu jadi Kapala prajurit; ngaranna Sudewo; umurna kira2 25 taunan; manehna geus lila naksir Utari tapi tara dilayanan; ari ayeuna kaciri pisan Utari tingkah lakuna siga hayang ditaksir ku budak ngora anyar pinanggih; nya manehna mikir kumaha carana ieu budak ngora anyar teh bisa disina indit gagancangan, tapi teu matak ngagujrudkeun da kapan eta budak ngora teh dihenteu henteu ge guru Ki Demang. Nya dina hiji mangsa mah Ki Sudewo ngondang Jalma ka imahna, cenah aya hajat leuleutikan; atuh si Bejo mani jigrah atoheun pisan; sabab geus aya dua mingguna manehna nganggur; jadi kesel pisan; enya ari sagalana mah cukup disadiakeun, ngan orokaya euweuh pisan gawe; nu matak ku ayana ondangan ieu manehna atoheun pisan. Nya bral we Jalma jeung ki Bejo indit ka imah Sudewo. Di imah Sudewo geus ngumpul aya limaan babaturan Sudewo, nu oge prajurit Demang; terus wae Jalma dititah dahar; sanggeus sawatara lilana Ki Sudewo menta nu limaan ngayakeun demo Silat. Tapi kakara ge sajurus dua jurus; Ki Bejo teu tahan nyorowok:”Heh, ieu teh demo silat ? atawa rek igel2an ?” Atuh eta babaturan Sudewo Kacida amarahna, terus we nangtang ka si Bejo:”Sok atuh maneh maju; lawan ieu kulo mun perlu tah jeung ki guru.” Gancang we Jalma nyegah si Bejo maju, bari sadu2 menta maaf. Tapi eta prajurit keuheuleun pisan; geus kitu ki Sudewo jeung nu sejenna oge narangtung terus Sudewo ngomong Kacida garihalna:”Eh Ki Guru; ulah kena2 maneh diangkat guru ku Ki Demang, terus jadi ngunghak minculak, ka urang sarerea, maneh teh tetep we semah, nu teu nyaho naon2! Jadi ati2 di na sagala kalakuan tindak tanduk maneh !” Jalma :”Naha kituh ku naon ? Naha kuring geus ngalakukeun kasalahan ?” Sudewo:”keur hiji semah, ngobrol jeung wanoja di dieu bari paduduaan; eta ngaranna geus ngunghak campelak !” Jalma:”Naha da tara ngobrol jeung sasaha kuring mah, ari lain jeung Ki Demang mah.” Sudewo:”Tong ngangles siah ! kamari kaciri maneh ngobrol jeung Utari ! Nanaonan siah !” Jalma :”da kuring ditanya ? piraku ngabetem wae.” Sajeroning ngobrol kitu Si Bejo mah geus kekerot hayang nindak eta prajurit2 nu teu boga wiwaha, jeung asal jeplak ngan manehna teu wani, lantaran dicaram ku Jalma tea; manehna kacida heranna ku naon Jalma aya ku sabar2 teuing ? Tapi ari dipikir dibulak balik deui, manehna seuri na hatena, memang alus Jalma, engke bakal aya tontonan anu Kacida lucuna. Hahahaha. Enyaan Jalma mah hebat, heureuyna ge teu siga2; wah rasakeun siah prajurit, arilaing neangan panyakit ! Hahahaha. Kitu si Bejo di na hatena. HANCA
