walah..walah...beuki rame. jigana mah si Jalma teh bakal eleh ku mawar hideung. terus guguru deui neangan elmu nu leuwih pinunjul. saha tah pigurueunnana nya???
________________________________ Dari: Abbas Amin <[email protected]> Kepada: kisunda <[email protected]>; urangsunda <[email protected]> Dikirim: Jumat, 25 Mei 2012 7:14 Judul: [kisunda] Cersil Sunda 190 Ki Bejo nyakakak :” memangna maneh Jalma, nu sok mikir bulat beulit; maneh mah sigana nu euweuh ge diciptakeun supaya aya; ari nu aya dianggap euweuh. Hahahaha. Uing oge nu geus reureujeungan jeung maneh, teu ngarti ari jero2na sampeyan mah.” Jalma oge milu seuri:” Hahahaha, jadi ilaing milu lieur pan ? Karasa nya ayeuna mah ?” Ki Bejo:” jadi kumaha atuh ayeuna urang teh ?” Jalma :” Kieu yeuh, tapi poma maneh kudu nurut ka na omongan uing; lamun henteu maning oge tong milu !” Ki Bejo: “ Ah geus kadinya deui wae losna teh. Sok atuh lah jangji uing bakal nurut kuma maneh we lah.” Jalma :” kieu yeuh; engke uing bakal tarung jeung Mawar Hideung; poma maneh ulah pipilueun; cicing we lalajo di sisi. Ke mun uing nepi ka elehna , cilakana, ulah geumpeur gancang we bawa ti eta tempat tarung ka Wanayasa.” Ki Bejo :”Eta ku ngagampangkeun pisan maneh mah ari ngomong teh. Nepi ka eleh ge diitung. Naha memang rek toh2an tarung jeung Mawar Hideung teh ? Kapan cek ilaing cenah lain musuh Mawar Hideung mah. Naha bet ngitung nepi ka siga nu satengah kejer ?” Jalma :”Maneh piraku teu apal soal kapendekaran ? Meureun boh uing, boh Si Mawar Hideung hayang nunjukkeun saha nu leuwih jago; tah masing enya ge euweuh rasa ngamusuh ari geus tarung patutunggalan kitu mah, nya duanana bakal satekah polah ngelehkeun lawan. Tah di na tarung nu kieu, geus teu mikir deui; tah eta nu matak sok loba Pendekar nu hanjakaleun ahirna.” “Mun uing meunang tarung.” Jalma neruskeun omonganana; euweuh masalah, sabalikna mun uing eleh, pastina ge uing teh meureun teu beleger deui; da tanaga kakuras; tah eta bagean sampeyan Bejo nulungan uing, bawa uing ka Wanayasa; mun sampeyan milu gelut; tah saha nu bakal nulungan uing ? Da Mawar Hideung pasti moal ganggu ka sampeyan; uing nyaho sipat Pendekar model Mawar Hideung. Moal gampang nyilakakeun ka batur bari teu puguh alesanana.” Sajeroning ngadengekeun omongan Jalma, Ki Bejo ngan unggut2an we; da memang omongan Jalma asup akal pisan; padahal tadina mah Ki Bejo hayang milu ngahurup ka Mawar Hideung; tapi ngadenge omongan Jalma manehna sadar; yen lamun kitu carana pasti duanana moal salamet; mun hayang ngabantuan Jalma nya kudu kitu carana; nya eta nu diomongkeun ku Jalma. Ayeuna mah Ki Bejo ngarti pisan. Ku sabab Ki Bejo kacirina geus ngarti Jalma ayeuna mah tenang , terus we asup ka kamar ngalatih deui pernapasan; latihan napas. HANCA
