EPISODE ka 56 : Para pendekar Pinilih adu wewesen Peutingna sanggeus shalat Isya; Jalma ngado’a khusyuk pisan lantaran manehna bakal nyanghareupan hiji hal nu rada beurat; Jalma nyuhunkeun kasalametan jeung kamulusan; di na enggoning ngajalananana. Ayeuna pakean Jalma make baju sarwa singset; pakean hideung hideung; terus rompi maungna dipake; manehna ge nyiapkeun senjata rasiah nu arang dipake; bral we indit dituturkeun ku Ki Bejo. Sajajalan teu weleh maca shalawat. Ari nu disebut Pasir Huni teh; nya eta hiji taneuh nu luhur ayana di tengah Bantul; eta taneuh luhur teh, lungkawing rada hese dijalananana; komo atuh ari peuting mah; tapi kabeneran harita keur caang bulan, bentang baranang langit lenglang; jadi masing peuting ge atra nempo kaayaan; komo atuh keur Pendekar model Jalma jeung Ki Bejo mah; da geus biasa latihan nempo di nu poek. Nepi ka Pasir Wuni Jalma nempo jalan keur kaluhur; nya netek nya loba batu sareukeut; mun teu ati ati mah bisa2 suku lecet atawa tatu. Tapi Jalma jeung Ki Bejo biasa latihan nu leuwih hese ti batan ieu Pasir Wuni. Nya duanana ku ngagunakeun elmuna gancang pisan nepi ka luhur.HANCA
