Memang Mawar Hideung hebat, tanaga jerona mantep pisan, ditambah elmu hampang ragana hese ditandingan ku musuh nu mana wae oge. Kumaha Jalma jeung Ki Brojo Nitis ? Memang Elmuna Brojo Nitis hebat; satanding we jeung Sugondo, alias Setan Alas Kobar; nu matak ayeuna Jalma rada luut leet kesang ngalawanna. Tapi Ki Brojo Nitis ge kapusingan pisan, sabab Jalma Kacida kesitna; geus rupa2 jurus dikaluarkeun keur ngadesek Jalma; tapi Jalma weleh teu kateter, malah sakali2 ngalakukeun serangan balik ku jurus2 nu mantep jeung cepet pisan, nepi ka kapaksa Brojo Nitis mundur! Manehna beuki heran nempo kabisa Jalma; padahal umurna jauh pisan; wah aing bakal kawirangan lamun kieu mah. Teu karasa Ki Brojo Nitis geus aya ka na 50 jurusna nyecer Jalma, bari can aya hasil. Kumaha ari Jalma ? Wah manehna geus luut leet kesang, masing enya peuting oge; karasa ayeuna mah Kacida capena; manehna geus siap2 rek ngaluarkeun senjata andelanana; tapi can aya waktu nu mustari, lantaran Ki Brojo Nitis teu eureun2 nyerangna; meleng saeutik , pasti kakeunaan ! Sanggeus sababaraha jurus deui, Ki Brojo Nitis luncat katukang; terus manehna nyorowok tarik , handaruan ! kerekek ! cenah kadenge tulang2 jeung urat2na ngerekek manehna kaciri keur ngawatek Elmu Pamungkasna. “Ilmu Jaya Ludira” Jalma ngageter kaget, sabab pasti ayeuna Ki Brojo Nitis ngaluarkeun Elmu andelanana; naha manehna bisa ngalawan ? Karasa ti kajauhaan ge hawa na geus ngagubet ka Jalma; Jalma saperti dilingkung ku hiji tanaga tanpa wujud nu jiga rek nalikung jeung nyerang manehna; bawana eta elmu teh nyata matak ngaleuleuskeun musuh jeung nguras tanaga lawan; gancang wae Jalma melesatkeun senjatana ! keuna pisan ka na luhureun irung handapeun tarang antara dua panon Ki Brojo Nitis ! Brojo Nitis ngagoak mani tarik pisan; tapi Jalma oge ngajengkang terus kapaehan. HANCA
