Haduh, Bah, ingeut kana tasbeh disambelan euy mun nyarios budak bangor. Akh nambihan sakedik Bah pangalaman kuring. Ingeut kana papatah ajeungan di lembur K.H. Ali Mustofa (almarhum) "Ari maneh kunaon beungal-beungal teuing. Da euwuh turunan maneh jadi budak beungal. Maneh hayang jadi budak bageur?" ceuk ajeungan ngamimitian mapatahan kuring. Ceuk kuring "Hoyong mama, kantenan wae". Terus ceuk ajeungan "Syukur ari maneh hayang jadi budak bageur mah, sing loba istigfar, eling ka pangeran" Ditembal ku kuring "Leres mama, sanaos Pangeran Dipanegoro tos teu aya dikieuna oge, urang kedang emut ka anjeunna". Eta Ajeungan rada molohok ngadenge omongan kuring bari pokna "Ehmmm.....Jang, maksud mama teh lain Pangeran di Panegoro, tapi Pangeran anu Mangku Alam sakuliweungna". Ceuk kuring "Punten Mama, Pangeran Mangku Alam, naha henteu berateun anjeunna mamangku alam ieu?" Eta Ajeungan muji panjang muji pondok "Astagfirullahaladziiiiiiiiiiiiiiiiiiiim...ieu budak, jang ari Pangeran teh nyaeta Allah lain pangeran Mangku Alam" Ceuk kuring "Oooooh Allah". Terus ajeungan ngomong deui "Terang maneh ka Allah?". Ceuk kuring "Henteu mama", terus ajeungan "Mun maneh henteu nyaho ka Allah, yeuh kaca enteng tempo dina kacana" bari ngasongkeun kaca eunteung, terus kuring ngaca "Dina kaca aya rupi abdi mama?" ceuk kuring. Terus ajeungan ngomong deui "Tah, mun maneh hayang nyaho ka Allah, ayeuna pek pikiran ku maneh saha ari maneh sorangan. Jig pikiran eta heula we bari nempo rupa maneh dina kaca" tuluy ajeungan asup ka kamarna. Ari kuring unggal poe mamawa kaca enteung, da ceuk ajeungan mun hayang nyaho ka Allah, ngaca diri sorangan teh saha, atuh kuring baheula katelah kubarudak "BUDAK ENTEUNG" da dina pesak teu lesot mamawa eunteung mun kamana wae. Aya istilah barudak ka kuring "Eta si "I**p mamawa eunteung hayang pangging jeung Allah ceunah" (Rangkasbitung, 10 Juni 1982).
Dari: Waluya <[email protected]> Kepada: [email protected] Dikirim: Selasa, 19 Juni 2012 13:15 Judul: [kisunda] [4S] Pangeran Leungit Si Lamsijan jeung adina, si Ujang geus kawentar budak bangor di lemburna. Tatanggana lamun kaleungitan, ti mimiti leungit hayam tepika leungit bubuahan di kebon, sok nuduh si Lamsijan jeung si Ujang nu malingna. Indung si Lamsijan geus kacida erana, nya si Lamsijan jeung adina dibawa ka Mama Ajengan supaya dipapatahan. Nu mimiti dititah asup arek dipatahan ku Mama Ajengan teh si Lamsijan. Ceuk Mama Ajengan teh: "Lamsijan indung maneh geus kolot, teu karunya maneh teh nempo indung?" Si Lamsijan ukur ngajentul, teu mere reaksi. Nempo si Lamsijan teu mere reaksi, Mama Ajengan ngarobah taktik, anjeunna nanya deui ka si Lamsijan: "Lamsijan, maneh nyaho dimana ari Pangeran teh?" Si Lamsijan beuki "cuek bebek". Mama Ajengan mimiti kesel, ngan masih sabar, anjeunna nanya deui: "Lamsijan, nyaho henteu Pangeran dimana!?" Si Lamsijan lain ngajawab kalahka rungah-ringeuh, siga nu bingung. Mama Ajengan jadi emosi, naros deui bari nyentak: "Lamsijan maneh nyaho henteu Pangeran dimana!!!!?" Si Lamsijan ngarenjag, ngajawab: "Abdi teu terang!!!!", bari serebet lumpat kaluar, pasanggrok jeung si Ujang, adina nu nungguan giliran digeroan ku Mama Ajengan. "Kunaon Aa? Eta beungeut mani pias kitu, Mama Ajengan naros naon?" Ceuk si Ujang nanya hariwangeun. Ceuk Si Lamsijan: "Gawat Jang, Pangeran leungit!!!!, Mama Ajengan nyangkana dipaling ku urang!" WLY
