bah Aa ulah lila teuing atuh flashback-na. teu sabar yeuh hayang nyaho lalampahan jalma kumaha tah terusanna..:)
________________________________ Dari: Abbas Amin <abas_ami...@yahoo.com> Kepada: kisunda <kisunda@yahoogroups.com>; urangsunda <urangsu...@yahoogroups.com> Dikirim: Selasa, 17 Juli 2012 8:57 Judul: [kisunda] Cersil Sunda 229 Eta Lima Jagoan teh can waka nyerang, lantaran masih lebar ku kageulisanana; tapi Lasmini mah boro2 kaciri sieun, malah sigana teu ngareret2 acan ka nu limaan. Malah terus seuri:”Hahahaha ! Eh nu limaan, ayeuna tong sambat kaniaya, kabeh bakal diperenan ayeuna !” Nu tadina soara Lasmini halimpu, ayeuna mah kaciri tatag, teges jeung wibawaan. Tong boro eta nu limaan, dalah Lasmini oge ngarasa kaget sorangan. Nyata beda sorana ; anu tadina halimpu, ayeuna mah heuras jeung teger. Eta lantaran perbawa tanaga jero nu dibarung kakeuheul kaluar nyalur ka na sorana. Nu limaan gancang ngaheumbatkeun bedogna masing2; tapi can ge jurusna kaluar prak ! prang ! kolomprang ! Ngan sakilat2 Lasmini miheulaan, eta kabeh bedog teu mangga pulia marecleng sapada harita. Geus kitu mah berelet we kalabur nu limaan teh lantaran ayeuna mah nyaho yen nu disanghareupan lain Pesilat biasa; dituturkeun we ku Lasmini nepi ka imah Astrajingga. Barang nempo yen Lasmini nuturkeun, Ki Astrajingga terus susuit; harita keneh rajol belasan jelema bari marawa pakarang, aya tumbak, bedog jste. Barang rek ngaraponan, Lasmini geus luncat miheulaan; lima jelema nu pangheulana rek ngoroyok langsung ting jarungkel, bari teu hudang deui ! Ayeuna Lasmini enyaan ngaluarkeun elmuna. Nu sejenna karaget pisan; tapi can ge leungit ti na karagetna Lasmini geus nyamber deui kawas Manuk Walet nu nyamber lauk ! Ting jarungkel deui wae aya dalapanna bari terus kapaehan ! Ki Astrajingga jeung opat baladna kaciri reuwas jeung sieun ayeuna mah, terus rek nyoba ngalawan satekah polah; tapi elmu hampang raga Lasmini jauh saluhureun maranehna; atuh nu limaan oge harita keneh ting galusrak dijadikeun sasaran ku Lasmini. Nu limaan bari ngarasa awak asa pasiksak jeung leleus pisan, terus we careurik ampun2an, ulah dicabut nyawa cenah. “Heh arilaing ari ka nu lemah mah nindes; tapi lamun dilawan ku nu saimbang, maraneh ampun2an. Hayoh siah gerak deui ayeuna; bakal diperenan ayeuna keneh !” Eta nu limaan mani ngahodhod nirisan ku sieun2na. Ayeuna mah nenjo Lasmini teh saperti nempo malakal Maut; enyaan sieuneun pisan eta nu limaan teh; nepi ka dut2 hitut, jeung wer2 kiih teh enyaan. “Heh dengekeun; ieu imah arilaing ku Kula rek diduruk ! Naha rek ngantep hah !?” “Aduuuh ampuuun Dewi ampuuun, pek we rek diduruk ge, asal Kuring limaan ulah dipaehan we. Ngan eta kuring boga dunya brana dijero, lebar mun kaduruk mah.” “Eh ti saha maraneh nyaho ngaran Kula Hah !?” Nu limaan rareuwas deui kakara apal yen eta Dewi teh memang ngaran eta wanoja; da maranehna mah nyebut Dewi soteh ngawujuk supaya maranehna dibere ampun. “Adduuuh Pendekar … ampuun …. Eee saha gelar anjeun Pendekar !?” “Sebut we Mawar Hideung !” cek Lasmini sangeunahna. Lantaran Lasmini inget asal dijurung ku ibuna metik kembang Ros beureum; sok aya katenjo nyengceling hiji kembang Mawar nu rupana hideung; kembangna tiap jadi ngan ukur hiji, taya duana; nu matak Lasmini cop we ka ngaran eta; ku sabab ditanya nya sakainget we manehna ngajawab. Tapi eta ngaran Kapendekaran teh memang saterusna dipake Ku Lasmini pikeun dikenal di na kalangan kapendekaran. “Ampun Pendekar Mawar Ireng; kuring seja taluk ka sampeyan; sagala harta kuring sakabeh kop we keur sampeyan; kula Pasrah. “Sok atuh kaluarkeun kabeh harta sampeyan ! awas mun disumputkeun !”Lasmini geus ngagertak deui. Enyaan Lasmini mah aya getih turunan Pendekar, nu matak otomatis pisan parentah2na teh teu ragu2. Nya harita keneh sagala perhiasan dikaluarkeun hareupeun Lasmini; ku Lasmini dibagikeun ka 6 pamajikan Ki Astrajingga, terus disina ngajauhan tempat eta. Aya oge duit, Lasmini nyokot kira2 50 Gulden; terus nyentak:”Heh maraneh nu limaan ! panasaran ieu harta sampeyan dicokot ku Kaula !?” “Oooh Kula sadaya sumerah kumaha Mawar Hideung we !” Nyorowok nu limaan, da geus Kacida sieunna. Lasmini teu nyokot loba2 terus we mulangkeun sesa duit jeung perhiasan ka Astrajingga; terus pesen :”Eh Astrajingga ! Kula sawaktu waktu bakal liwat kadieu ! awas lamun Kula ngadenge sampeyan teu beres, ulah sambat kaniaya Kula bakal merenan sampeyan sakabeh !” “Diestokeun pisan ! cenah sababaraha kali. Ti dinya mah Lasmini Dewi demo ngan sakilat luncat, les we teu katenjo deui. HANCA
