“Aduh ampuun, Mawar Hideung ! Enyaan kuring tiluan moal wani2 deui.” “Hmmmh ! ayeuna Kula rek mawa eta budak awewe; awas Kula sawaktu waktu bakal kadieu deui ! Bakal nilik kalakuan arilaing ! NGARTI !?” “Diestokeun pisan ! ceuk nu tiluan sababaraha kali. Bari tetep ngadagor dagorkeun sirahna sorangan. Sanggeus rada lila; eta kamer jempling pisan, teu kadenge sama sakali Mawar Hideung mawa eta budak awewe; nu tiluan tarangna geus garetihan, ku sabab ngageduk2eun sataker tanaga; mani ngarasa lieur pisan; tapi teu wani gagabah api2 ; lantaran pasti kanyahoan ku Mawar Hideung; mun api2 mah; ku sabab kitu maranehna geus baloboran getih; boh na tarang, boh na leungeun nu keuna ku senjata Mawar Hideung. Barang maranehna cengkat, maranehna geus teu nenjo deui di dinya aya Mawar Hideung; si budak awewe ge geus teu katempo deui. Hartina Mawar Hideung geus lila indit ti dinya bari teu ngomong naon2; maranehna ngarasa rada reugreug; ngan wae masih keneh kabur pangacian, lantaran nyata memang Kasakten Mawar Hideung memang pinunjul pisan; wah ampir aing tiluan paeh. Mani bibirigidigan eta nu tiluan, mikirkeun kahebatan Ilmu Silat Mawar Hideung. Tetela lain DONGENG; untung aing teu ngalawan ; mun henteu mah ngan tinggal ngaran. Iiiiy cek pikiran nu tiluan; nu Kacida sieuneunana ayeuna mah ku Mawaar Hideung. Kumaha ari Mawar Hideung ? Sanggeus nulungan eta budak awewe, terus meuli baju kabeneran warna koneng; eta baju di bikeun sina dipake. Eta budak awewe nganuhunkeun pisan ka Mawar Hideung; terus we ku Mawar Hideung dibawa ka leuweung di luar Cirebon; di dinya eta budak awewe sina ngalalakonkeun pangalamanana. Eta budak awewe teh ngakuna ngaran Sari anak Ki Sarlita, ti Kampung Giri Resik. Ngan sakitu eta budak awewe nyarita; waktu ditanya kunaon aya di eta lembur nu jauh ti kampungna ? Sari teu gancang ngajawab, ngan uman imen we semu nu era. Ku sabab Mawar Hideung mah CERDAS; manehna geus ngira2 yen ieu Sari teh tangtu matak kabur ti kolotna lantaran ngarasa dipaksa; jeung lamun disebut dipaksa pikeun ka awewe mah ngan ukur lamun dipaksa kawin; pok wae Mawar Hideung nyarita:”Yeuh Sari, tong era2 ka Kaula mah, nyarita we saujratna; da moal dibolekerkeun ka sasaha; kabeh jelema boga alesan jeung kaera masing2; jadi hal ieu geus UMUM; teu kudu era. Sok nyarita Sari; naha Sari teh dipaksa kawin, ku Bapa Nyai ?” Sari mani reup geuneuk ray pias ditanya kitu teh, bari unggeuk, manehna nyarita lalaunan pisan :”su muu huuun ….” Sanggeus nyarita kitu, Sari rada balaham belehem eraeun. Mawar Hideung seuri mani ngeunah pisan:”Hahahahaha … kitu2 wae mah atuh, naon nu kudu jadi kaeraanana, sari !?” Unggal nyarita Mawar Hideung Kacida akrabna; saperti anu geus lila pisan gaul jeung Sari teh; anu nyababkeun Sari ngarasa dipikanyaah jeung diperhatikeun; Sari duka kumaha ayeuna mah ngarasa tengtrem hatena deukeut jeung Mawar Hideung teh; beda waktu padeukeut jeung Kang Jalma, enya ge asa manggih dunya anyar bari siga nempo kaendahan dunya; tapi hate kurang tengtrem, loba pagaliwotana. Mawar Hideng nempo paroman Sari robah ti na era, jadi kaciri tenang ayeuna mah; Mawar Hideung surti, yen eta tanda Sari geus percaya pisan ka manehna; terus we Mawar Hideung nyarita deui bari imut ngagelenyu:”Yeuh Sari; tong ham ham tong hariwang; Sari deukeut kuring mah bakal aman ; sok tah ayeuna bejakeun sacerewelena.” Sari:”Kuring teh dipaksa kawin ku bapa kuring…” Mawar Hideung:”Enya, eta mah geus nyaho. Terus ka nu geus kolot lalakina !?” Sari:”Ah henteu, biasa we paling ge 20an taun; kira2 mah sapantar we jeung kuring.” Mawar Hideung:”Ah aneh … kapan lalakina sapantar… naha goreng patut pisan rupana !?” Sari :”Ah henteu deuih …. Da eta jajaka teh nya kaasup pantes we.” Mawar Hideung :”Naha atuh ? asa araraneh mani nolak sagala. Da meureun bapana Sari pasti jelema aya; tangtu neangan pasangan Sari ge ka nu sakufu lain !?” Sari:”Bener eta ge…” Sari rada ngaheugeu . Mawar Hideung:”Ari geus , ku naon atuh ? nepi ka dibelaan kakaburan !? asa araraneh pisan … jeung make wani ngabantah ka na kahayang bapa ? aduh naon atuh sababna Sari !? ; kapan bapa Sari teh geus ngajodokeun ka nu sakufu; naha make kabur?“ Beuki teu ngarti Mawar Hideung; lantaran manehna mah can nyaho jero2na hubungan antara jajaka jeung wanoja; manehna estu kurang ngarti; enya ge dibebaskeun ku Nyi Padmini; tapi estu manehna mah dilatih teh nya kanuragan, jeung hubunganana ka na kapendekaran; kurang ngarti soal hubungan awewe lalaki mah. Nya anu rada ngarobah beda pandangan saeutik teh meureun sanggeus ngahargaan ka lalaki nu ngaran Ki Rangga; salian ti eta mah Mawar Hideung estu teu ngarti pisan. Hanca
