Sari ayeuna mah teu ragu2 deui; Sari nyarita yen manehna di na hiji waktu, narima hiji pamuda nu dibawa ku bapana Ki Sarlita; lantaran cenah eta pamuda teh kungsi nulungan Ki Sarlita, waktu dibegal dina perjalanan; tah ku sabab kitu eta jajaka teh dibawa sina cicing di imahna. Duka kumaha Sari katarik atina ku eta pamuda; padahal Ki Sarlita jeung lanceukna Nya eta Ki Sarwa teu satuju pisan, ka na hubungan Sari ka eta Jajaka teh; lantaran eta pamuda teh teu puguh dumukna cenah. Eta Jajaka teh terus we na hiji waktu pamitan, pleng les teu beja teu carita. Sanggeusna si jajaka indit, kalakuan Sari aya parobahan, Sakapeung Sari sok huleng jentul ; kadang kala sok hahariringan; meureunan bapana ( Ki Sarlita ) bingungeun nempo kalakuan anakna; terus we Sari rek dijodokeun ka anak sudagar sobat ki Sarlita; Sari teu narima; malah keuheul; nu antukna kakaburan; ari tekadna Sari teh hayang nyusul ka eta jajaka. ( Jalma tea ). Tapi sajeroning ngobrol kitu; sama sakali Sari teu nyaritakeun soal ngaran eta pamuda mah; Mawar Hideung oge kacirina teu panasaran; teu sugan hayang nyaho saha2na; lantaran ari di na pikiran Mawar Hideung mah; ampir kabeh rata2 Lalaki sok ngagunasika ka awewe. Sanggeus ngadenge lalakon Sari; sajongjongan mah Mawar Hideung ngahuleng, ahirna pok we nyarita:”Sari, memang rata2 mah lalaki teh sok ngahinakeun ka awewe; paribasa awewe leuwih bodo ti lalaki. Awewe mah euweuh guam; teu daya upaya cenah. Jeung rupa2 omongan lalaki nu matak pikacuaeun ! Geus ayeuna mah tong mikirkeun lalaki ! Ayeuna mah kapalang kaluar ti imah; kumaha mun Sari gabung ka Paguron Walet Hideung; engke mun geus mapan kakara Sari mulang ka kolot Sari.” Mawar Hideung boga pikiran kitu, lantaran JIWA manehna geus pinuh ku jiwa kapendekaran; manehna teu ngingetkeun hubungan anak jeung bapa; manehna teu mikirkeun kumaha susahna nu jadi kolot; lantaran memang dirina oge kapan ti leuleutik teu apal kanyaah kolot. Di na hal ieu memang Ki Nurustunjung Sangga Prakosa Kacida salahna. Sari teu loba carita, terus we unggeuk satuju. Naon sababna Sari satuju ? Lantaran kahiji ngarasa hutang budi ka Mawar Hideung; atuh kaduana resep ka na kasomeahan Mawar Hideung, nu enya2 midulur pisan. Katiluna, mun balik tea mah; pasualan jadi tambah riweuh jeung era deuih; ah kapalang baseuh mandi we sakalian; cek na pikirna. Kaopatna manehna nempo kagagahan Mawar Hideung; mun manehna diajar ka Mawar Hideung; tangtu manehna ge bakal jadi Pendekar nu dipikasieun ku batur; moal sambarangan diganggu deui. Di leuweung eta Sari ikrar ngangkat GURU ka Mawar Hideung; harita keneh diturunkeun dasar2 Elmu Silat Walet Hideung.HANCA
