Sari dibawa ka tempat nganjrek Lasmini; terus we dibere pakean anyar nu warna koneng tea; ti semet harita Sari resep make kostum nu warnana koneng., Sari oge dipapatahan yen latihan mah nya kudu di leuweung nu kamari; tapi ari latihan konsentrasi bisa oge di panganjrekan. Unggal poe Sari asup ka eta leuweung; euweuh nu apaleun; da ayana di luar Cirebon; bari arang kasaba jelema. Barang geus aya sapuluh kalina latihan, kaciri pisan kamajuan Sari; lantaran memang Sari keyeng hayang diajar Silat; ngingetkeun hayang nyusul Kang Jalma; jeung ngajaga diri ulah dihina basa ku nu sejen. Tah ku sabab tekad eta Sari jadi maju pisan. Mawar Hideung atoheun pisan nempo kamajuan Sari; na hatena muji ka na calakanana Sari jeung tekadna; ahirna Mawar Hideung sadar yen sari bisa mapakan sakabeh murid2na nu tiheula; lantaran nyata kacerdasan Sari saluhureun eta murid2. Sanggeus aya sabulanna; terus we Sari dibawa ka Paguron Walet Hideung; sina papanggih jeung nu geus lila jadi murid eta Paguron. Atuh kadatangan Sari ditarima pisan ku murid2 nu ti heula; lantaran asa nambahan dulur. Kabeh murid Walet Hideung dibere elmu bedog Walet Hideung; tapi ari Sari mah ngaganti senjatana ku Salendang; lantaran cenah bedog mah asa kejem teuing; nya ti harita Elmu bedog Sari mah nya ku Salendang tapi dijejelan ku tanaga jero nu diajarkeun ku Mawar Hideung; malah senjatana leuwih ampuh ti batan bedog. Sanggeus aya taunna; Walet Hideung geus nambahan deui ku murid2 anyar; ayeuna mah eta Paguron teh murid2na aya ka na tilupuluhna. Demi dalaharna, kudu usaha sorangan , moro jste. Tapi ari beas mah sok aya nu ngirim saminggu sakali; ti lembur, nu dibayar kontan ku Mawar Hideung. Mawar Hideung di na ngajar murid2na estu soson2; teu pisan pilih kasih; ngan wae ari ka Sari mah; lantaran memang kacerdasanana oge beda; dibere elmu2 khusus; salah sahijina elmu kagesitan jeung malengpengkeun senjata rasiah. Tah murid2 sejen mah can aya nu dibere elmu eta lantaran cenah; can nepi ka dinya kamajuanana.HANCA
