Tapi Mawar Hideung waspada, yen eta teh tanaga jero nu disalurkeun ka na sora seuri; mun maanehna kapangaruhan, tangtu can naon2 manehna geus eleh… Mawar Hideung teu rengrot ku eta sora; manehna ngan ukur nyalurkeun pernapasan we keur ngalawan supaya teu kapangaruhan. Sanggeus eureun eta sora; teu nyaho ti mana jolna geus ngabedega hareupeun Mawar Hideung, hiji jelema nu gagah jeung pinuh Wibawa; kumis baplang make baju jeung calana hideung bari bajuna teu dikancingkeun; atuh kaciri dadana buluan model Bhimasena; manehna merong we ka Mawar Hideung, naksir kakuatan lahir batin nu bakal jadi lawan manehna. Mawar Hideung, nempo ketakna Si Setan Alas Kobar, rada kaget oge; lantaran teu nyana manehna bakal panggih jeung jelema nu gerakanana sakitu kesitna; teu kanyahoan datangna. Hartina eta jelema enya_an JADUG pisan. Setan Alas Kobar, memang lain Pendekar kacangan. Parandene kitu, Mawar Hideung teu aya pikiran sieun atawa gimir; memang bener2 Mawar Hideung asli Pendekar, nu boga getih turunan Pendekar; manehna teu aya riuk2 sieum sama sakali; malah kaciri waspada bari jiga nu nangtang. “Hahahaha ! teu sangka nu kasohor Mawar Hideung teh masih ngora keneh pisan!” Ku sabab kitu Kula rek mere jalan ka sampeyan, lantaran nempo umur sampeyan masih ngora keneh, asa teu pantes Kula ngahina nu leuwih ngora; tah ayeuna Kaula moal tarung jeung sampeyan; tapi sampeyan ngan ukur kudu nyembah we sakali ! Urang batal tarung !” “Hahahaha!” ayeuna nu seuri teh Mawar Hideung;”Urang geus paheut jangji rek tarung; urang oge geus pahareup hareup ayeuna, naha make rek dibatalkeun !? mun enya batal, sampeyan ayeuna nu kuda menta hampura ka Kaula, kalawan hidmat; jeung tong wani2 deui nangtang ! Ngarti !” Atuh tangtu we Si setan Alas Kobar, Kacida amarahna, nyata Mawar hideung teu eleh gertak. Manehna bisa nyekel kahormatan hiji Pendekar sajati ! Sabalikna Si Setan Alas kobar ayeuna geus kadesek omongan, manehna apal yen Mawar Hideung memang teu bisa disapirakeun, najan masih ngora keneh ge, pasti enya jadugna, jagona.HANCA