ke ke ke bah, geuning lalampahan nyi epon teu kacaritakeun deui. Jalan carita paamprokna nyi Sari jeung Mawar Hideung oge rada beda. Mun teu poho, mawar hideung teh mawa dua awewe nyaeta nyi sari jeung nyi epon pas keur maranehna diculik tea....Punten ieu mah, uing mun panasaran wae ka nasibna nyi Epon anu kasengsem ka si Jalma oge hehehehe..... Si aliy
--- On Fri, 8/24/12, Abbas Amin <[email protected]> wrote: From: Abbas Amin <[email protected]> Subject: [kisunda] Cersil Sunda 261 To: "kisunda" <[email protected]>, "urangsunda" <[email protected]> Date: Friday, August 24, 2012, 6:04 AM Di na hiji mangsa Mawar Hideung manggil eta sakabeh murid kumpul; murid2 loba nu hareugeueun, lantaran tara2 ti sasari Mawar Hideung nyieun hiji gempungan; meureun aya hiji hal penting nu rek ditepikeun. Masing enya ge Mawar Hideung diaranggap lanceuk ku sakabeh murid; lantaran kasomeahan jeung kanyaah Mawar Hideung kaciri pisan ka sakabeh murid2; nepi ka murid2 sakabehna cek paribasana daek korban nyawa melaan Mawar Hideung; tapi ari geus srog patemon di hal resmi mah kaciri pisan Wibawana Mawar Hideung sabage guru; jadi murid2 oge kaciri sigep ngabandungan naon2 nu diomongkeun ku Mawar Hideung. “Para murid Walet Hideung,” Mawar Hideung ngamimitian pidatona; “Sakeudeung deui Kuring rek ninggalkeun ieu paguron ……..” kakara ge sakitu Mawar Hideung nyarita; rareang murid2 nyorowok komentar :” Aaaah … bade angkat ka mana atuh guru !? naha bet ngantunkeun ieu paguron ?! sabaraha lami ngantunkeunana !?” Mawar Hideung ngangkat leungeun , jep murid2 jarempe. “Kapan biasana Kula tara cicing wae di ieu Paguron lain ? biasa Kula indit ka mana2; malah kadang2 mulan malen.” “Tapi Guru can pernah ngumpulkeun kuring sakabeh di na hiji gempungan; jadi kuring sadaya salian ti heran oge hariwang …” Mawar Hideung:”Kaula biasana tara pesen naon2 ka sampeyan sakabeh; tah na perjalanan ayeuna; Kaula memang tetep yakin ka na kamampuan Kula sorangan; tapi lawan nu bakal disanghareupan ku Kaula di na waktu ieu; lain sisiwo; tapi Jago Tanah Jawi waktu ieu. Nya eta si setan Alas Kobar ! Kaula meunang panangtang ti manehna ! jadi daek teu daek Kaula kudu tarung jeung manehna. Inditna Kaula waktu ieu, can tangtu bisa balik; mungkin oge Kula engke puput umur; tapi Kula yakin Kula bisa nandingan eta Si Setan Alas Kobar ! Ngan wae Kaula kudu nyiapkeun diri; salah sahijina konsentrasi pinuh pikeun ieu tarung !” Can naon2 loba murid nu nyakclakan cimata; tapi disentak ku Mawar Hideung :”Tong cengeng ! tah ieu nu matak ngagentarkeun hate Kula !” Kumaha Kula yakin, lamun murid2 Kula cengeng saperti kitu !” “Tah ayeuna samemeh Kula indit kula bakal nitipkeun ieu Paguron ka sampeyan sakabeh. Jaga sing bener; kabeh sing junun neruskeun latihan; keur gaganti Kula; ayeuna Kaula masrahkeun kapamimpinan ka SARI ! Sok ngacung bisi aya nu teu satuju !” Taya hiji ge nu teu satuju; lantaran kabehanana oge ngaku, yen ayeuna mah nu panghebatna diantara murid2 Mawar Hideung, taya lian ti Sari; jeung Sari memang rajin pisan di na latihan jeung sok rajeun mapatahan murid2 sejenna. Sari oge ngajar Basa Sunda Priangan nu someah jeung handap asor. Loba murid2 Walet Hideung nu nawarkeun diri, hayang ngabelaan ka guruna nya eta Mawar Hideung; tapi kabeh ge ditolak lantaran ieu mah cenah lain peperangan; tapi adu jago; ngadu wewesen; Paguron Walet Hideung teu kababawa; estuning Mawar Hideung ngalawanan Si Setan Alas Kobar we sorangan pada sorangan. Nya sanggeus gilig mah, Mawar Hideung ninggalkeun Paguron, terus we nuju ka wetankeun. HANCA
