cERSIL sUNDA KA 284 Jalma nu ti tatadi saregep we ngabandungan, ayeuna mah milu kaget nepi ka nyoara , nandakeun kaherananana. Ku reaksi Jalma kitu, Ki Padmasari seuri dikemu tea … pok deui neruskeun caritana:”Cohagna ayeuna sampeyan Jalma … ; ujang teh geus boga tilu rupa tanaga nu sacara “teu dihaja” jeung “teu disangka sangka” “ jajauheun ka na kitu na teh “ ; “kajadian nu Kacida langkana ; “ampir cara MUZIZAT” . tiap Ki Padmarasa nyebutkeun satiap kalimah nu aneh2 kitu, kaciri aya tekenan2 khusus bari jeung eureun2an . Jalma nampana ngan bati olohok we. Tapi sanggeus rada lila, bari mamandapan, Jalma nyarita :”punten pisan Ki Padmarasa, kuring bade kokolot begog tumaros …” Ki Padmarasa :”Sok … sok kadinyah … tanyakeun we kapanasaran ati, ulah dikemu … barina ge ti tatadi ama we nu ngocomang ; hidep ayeuna mah daek nyebut ama we nya ka bapa teh?” Jalma :”Aduuuh … caang bulan opat welas atuh Ama … tapi naha ama teu kaabotan ku sim abdi disebut ama ?” Padmarasa :”IH ulah ngabasakeun sim abdi ka ama mah; kuring we atuh Jalma.” Ayeuna mah teu ngaujangkeun deui Ki Padmarasa teh, tanda geus ngarasa deukeut jeung Jalma. “Hehehe, sumuhun ama, mangga kuring ngaestokeun pisan … tah ama, patarosan kuring teh nya eta : 1. Leres eta tanaga nu aya di diri kuring teh ajaib; tapi panginten Ama tiasa ngajelaskeun saeutik wae mah, kira2 naon nu nyababkeun kitu. Atuh ka 2. Kumaha akibat2na engke kinten2na ka diri kuring 3. Naha eta tanaga teh bisa terus ngajadi milik kuring atawa kumaha . Tah ieu panginten kapanasaran kuring teh, ama.” Memeh ngawalonan , Ki Padmarasa seuri leutik heula:” Sok loba jelema nu salah sangka ka Ama teh, pajarkeun Ama teh gudangna ELMU; padahal mah hahah … sarua we jeung hidep Jalma; Ama teh loba ka teu nyaho.” Ki Padmarasa eureun pok nyarita deui :”Sok loba jelema2 nyebutkeun Ama teh ahli agama jeung ahli tafakur … padahal mah biasa we Ama teh dahar, pake, nginum, jeung ngabogaan kulawarga, saperti umumna jelema sejen; teu teu singna ahli tafakur; ngan pedah meureun Ama nyingkur di ieu gunung.” “Tah masalah panyakit hidep ayeuna … ku ama bakal dicoba diruntut hiji2 … rupana wae … salah sahiji tanaga … atawa duanana … aya ngandung reaksi nu luar biasa … tapi teu sakabeh Pendekar boga tanaga nu sipatna kitu … sigana mah ieu tos Pangersa Gusti Allah; yen eta tanaga nu nyilakakeun hidep, malah robah jadi ngabantu atawa ngahiji jeung tanaga jero hidep; tapi leuwih ti kitu deuih; eta tanaga nu kombinasi teh bisa nyedot oge tanaga batur; bari jeung teu dihaja.” Nepi ka dinya Ki Padmarasa eureun nyaritana; melong we ka Jalma; di mana Jalma rada tungkul; lantaran ngarasa rada era oge. Tapi Jalma ngarasa rada ngarti ayeuna mah; jadi mun aya tanaga jero kaasupan tanaga ti luar; umumna mah tarung; nepi ka si nu nyekel eta tanaga bisa cilaka; sabalikna mun daya tahan jasmani na alus; bakal nambah kakuatan jeung kakebelan na diri. Eta nu kaharti ku Jalma. Tapi manehna rada teu ngarti masalah nyedot tanaga batur mah, eta mah asa kaleuleuwihi teuing. Hanca
