Jalma-jalma anu kabawa palid ku faham salah kaprah dina masalah jihad dina hal ieu buku anu judulna "Aku Melawan Teroris di tulis ku Imam Samudera". Maranehna nyokot dalil dina al Qur'an diantarana : 1) "Singsaha anu nyerang maneh mangka serang deui manehna, sabanding jeung serangan ka maraneh" (QS Al Baqarah : 194) 2) "Jeung mun maneh mere balesan mangka bales ku balesan anu sarua ku siksaan anu ditimpakeun ka maraneh" (QS. An-Nahl : 126)
Kuduna dalil anu di luhur jadi hujjah pikeun maranehna. Sabab ngabeledugkeun bom di tempat-tempat karamean dimana kayaan nagara urang henteu keur kaayaan perang. Henteu saeutik warga sipil anu jadi korban kabarutalan maranehna. Mangka maehan jalma-jalma(boh jalma kafir atawa henteu) anu henteu aya pakuat pakait jeung urusan jihad ngandung harti ngagugurkeun salah sahiji ti pokok-pokok Islam. Dawuhan Nabi Saw. anu hartina : "Sing saha maehan mu'ahad (jalma kafir anu katalian perjanjian) henteu dina waktu/tempatna mangka Allah ngaharamkeun surga pikeunna" (HR dikaluarkeun ku Abu Dawud dina Sunanna No. 2760, An-Nasai dina Sunanna no. 4761 ti sahabat Abu Bakrah ra.). Dawuhan Allah Swt. "Jeung perangan di jalan Allah jalma-jalma anu merangan maneh, (tatapi) diulahkeun maneh ngaleuwihan batas, kusabab saestuna Allah henteu mikaresep jalma-jalma anu ngaleuwihan batas" (Al Baqarah 190). Nurutkeun Al-Imam Ibnu Katsir rh dina kitabna Tafsir Al Qur'anil Azhim 1/253 : "Ya'ni perangan maranehna (jalma-jalma kafir) di jalan Allah jeung ulah ngaleuwihan batas dina hal ieu. Kaasup ngalakukeun hal-hal anu dilarang saperti kecap Al Hasan Al Bashri rh : motong mayat jalma kafir, nyokot harta rampasan perang tanpa sapanganyaho pamimpin jihad, maehna awewe jeung budak (anak-anak) sarta jalma kolot (jompo) anu henteu mere bantuan pamikiran ka maranehna (pasukan kafir) jeung henteu oge ilu perang babarengan, maehan pendeta jeung biarawan, ngaduruk tatangkalan, jeung maehna sato tanpa aya kamaslahatan. Hal sarupa dikecapkeun ku Ibnu 'Abbas, 'Umar ibnu Abdil Aziz, Muqatil bin Hayyan jeung sejenna" Salain eta Rasulallah Saw. ngacualikeun sababaraha kalangan jalma kafir anu henteu meunang diperangan dina kondisi perang nyaeta ka maranehna anu henteu kalibet panyerangan sakumaha hadits di luhur. Tuluy kumaha kirana jeung jalma kafir henteu aya dina kaayaan perang jeung henteu nyerang ka jalma-jalma Islam di nagara urang? -- *Henteu perlu nyaho saha kuring, sabab kuring lain anjeun jeung anjeun lain kuring.* *Pesen kuring "Elmu Tuntut Dunya Siar".* *Ceuk aki kuring : "Worship as if you will die tomorrow, and work as if you will live forever"*
