Bahasan Asma_al Husna teh Kacida lobana jeung unggal poe lain tamat; malah nambahan kateunyaho; terus ditalungtik jeung disawalakeun deui. Sanggeus aya ka na tilu bulanna sawala di na bag2an Asma_al Husna; karasa ku Jalma , lain tambah ngarti; malah leuwih loba teu ngartina. Wah enya hese geuning neangan nu Maha Sagala teh ? Paingan atuh jadi sok katalanjuran ka na wahdatul Wujud; terus manunggaling Kawulo Gusti ? Wah enya we teu gampang urang nyalahkan maranehna; atawa nuduh maranehna mengpar ? Da enya geuning sakieu hesena ? Waktu Ki Padmarasa nyebutkeun yen Asma Na Allah teh hartina nu ngayakeun nu tadina teu aya; Kacida beuratna; nepi ka sanggeus 3 peuting sawala, dieureunan heula. Terus peuting isukna nindak ka na Asma Ar Raahmaan Ar Rahiim; rada lancar tah otak Jalma nuturkeun nu ieu mah; dikaitkeun deui eta dua asma teh ka na Al khaliq jeung Al Barr. Nu tungtungna ngayakeun oge; Nyiptakeun. Ngan harti sacerewelena nu rada beda teh. Asma Al Malik, nu hartina Ngawasa , nu boga Kawasa; nu Ngarajaan … eta ge dungdeng sawalana; da memang saenyana mah mun geus ngayakeun hartina nya ngawasa; ngamilik eta nu diciptakeun. Tapi loba oge di dunya najan manehna nu meuli hiji barang, can puguh miboga mutlak; bisa oge dirudapaksa ku jelema sejen; jadi dina hal Ieu Allah teh sifatna Al Jabbar; Al Aziz; Al Mutakabbir; Al Qowiyyu; Al Matin. Nu Hartina Gagah Perkasa ; mo aya tandingna; penakluk jsjb. Jadi di na Nyiptakeun teh oge bisa jeung Kuat ngabelana hamo bisa direbut ku nu sejen. Giliran ka na Al Quddus; Maha Suci … bisa loba hartina; tapi Jalma nyekel hiji palenggeran yen AnjeunNa estu suci ti na sagala HAL; teu bisa dicabak ku sing saha wae Makhluq; AnjeunNa tara keuna kakotoran ku naon wae oge. Atuh Al Ala; dihartikeun ku Jalma Jauh pisan; luhur pisan teu kajangkow … da memang pang luhurna. Lain wungkul posisi kapangkatan; tapi NYATA jauh jeung luhur ! Tah Anjeunna mah sakedet Netra bisa ngajangkow jagatraya ieu. AnjeunNa caket ka urang; ari urang mah jauh ka AnjeunNa.HANCA
