Den, Ncep.....sakedap urang ngobrol heula, aya piobroleun. Haduh....aya hiji jalma anu profesina Ustad geus ngomong lalawora, asal uyah gebyah wae....hmm.....teuing kuliah atawa nyantren dimana, karak ngadenge aya jalma salaku Ustad geus wani ngomong kana urusan-urusan ghaib. Lieur, sugan weureu eta si Ustad Jalma ngadahar gadung, weureu......weureu.... Ngomong jiga nu heueuh, nyaho kana urusan hal goib, padahal urusan goib eta kakawasaan Pangeran, henteu aya hiji jalma oge anu nyaho urusan goib. Ieu si Jalma geus ujub, padahal Allah geus negeskeun dina al Qur'an : وَعِنْدَهُ مَفَاتِحُ الْغَيْبِ لاَيَعْلَمُهَآ إِلاَّ هُوَ وَيَعْلَمُ مَافِي الْبَرِّوَالْبَحْرِ وَمَا تَسْقُطُ مِن وَرَقَةٍ إِلاَّ يَعْلَمُهَا وَلاَحَبَّةٍ فِي ظُلُمَاتِ اْلأَرْضِ وَلاَرَطْبٍ وَلاَيَابِسٍ إِلاَّ فِي كِتَابٍ مًّبِينٍ
"Jeung disagigireun Allah sagala konci-konci anu ghaib, henteu aya anu mikanyaho kacuali Anejunna sorangan, jeung Anjeunna mikanyaho naon anu aya di daratan jeung di lautan, jeung henteu salambar daun oge anu ragag ngalainkeun Anjeunna mikanyaho (oge), jeung henteu ragag sahiji siki dina poek mongkleng dunya jeung henteu salah sahiji anu baseuh atawa anu garing, ngalainkeun katulis dina jero kitab anu nyata (Lauh Mahfuzh) (Q.S. Al An'am : 59). Kuring kesel ka si eta Jalma, kumanehna geus ngumbar omongan ka unggal jalma, nempo duit gaib, nempo harta gaib, panggih jeung Nyi Roro Kidul di alam gaib, panggih jeung roh anu geus maraot, pernah nempo naraka jeung surga, jeung loba deui jeung sajabana. Si Jalma teh manusa biasa, sarua jeung kuring, dahar kejo, dahar sambel, dahar jengkol, dahar peuteuy, komo deui dahar panggang hayam mah, leuwih beuki. Eta si Jalma ceuk urang Batawi mah "SOK TEHU" ngaleuleuwihan Nabi jeung Rasul. Sedengkeun Allah mere nyaho urusan hal-hal goib kacuali ka Rasul anu diridhoi-Na, sakumaha dawuhan-Na : عَالِمَ الْغَيْبِ فَلاَ يُظْهِرُ عَلَى غَيْبِهِ أَحَدًا . إِلاَّمَنِ ارْتَضَى مِن رَّسُولٍ فَإِنَّهُ يَسْلُكُ مِن بَيْنِ يَدَيْهِ وَمِنْ خَلْفِهِ رَصَدًا "(Anjeuuna nyaeta Rabb) Anu Mikanyaho anu gaib, mangka Anjeunna henteu nembongkeun ka saurang oge ngenaan anu ghaib eta, kacuali ka rasul anu diridoi-Na, mangka saestuna Anjeunna ngayakeun panjaga-panjga (malaikat) di hareup jeung di tukang" (QS. Al Jin : 26,27). Pikeun urusan ghaib, Allah ngadawuh ka Nabi-Na : *قُل لآَّأَمْلِكُ لِنَفْسِي نَفْعًا وَلاَ ضَرًّا إِلاَّ مَاشَآءَ اللهُ وَلَوْ كُنتُ أَعْلَمُ الْغَيْبَ لاسْتَكْثَرْتُ مِنَ الْخَيْرِ وَمَامَسَّنِيَ السُّوءُ إِنْ أَنَا إِلاَّ نَذِيرٌ وَبَشِيرٌ لِقَوْمٍ يُؤْمِنُونَ* "Kecapkeun, "Kuring henteu kawasa medol kamanfaatan pikeun diri kuring jeung henteu (oge) nolak kamudaratan kacuali anu dipikahayang ALlah. Jeung sakirana kuring mikanyaho anu ghaib, tangtu kuring nyieun kahadean saloba-lobana jeung kuring henteu bakal ditimpa kamudaratan. Kuring henteu lain ngan sakadar mere panggeuing, jeung mawa barita pikeun jalma-jalma anu ariman" (Q.S. Al Ar'af : 188). Atuh jalma sing eling, istigfar, ceuk Allah kumaha dina dawuhan-Na : قُل لاَّيَعْلَمُ مَن فِي السَّمَاوَاتِ وَاْلأَرْضِ الْغَيْبَ إِلاَّ اللهُ وَمَايَشْعُرُونَ أَيَّانَ يُبْعَثُونَ "Kecapkeun, : "Henteu aya saurang oge di langit boh di dunya anu mikanyaho perkara anu ghaib, kacuali Allah, jeung maranehna henteu mikanyaho mun maranehna bakal dihudangkeun" (QS. An Naml : 65). Junjunan urang Nabi Besar Muhammad Saw. oge henteu dibere nyaho urusan ghaib, cig urang aos dawuhan Allah : قُل لآأَقُولُ لَكُمْ عِندِى خَزَآئِنُ اللهِ وَلآأَعْلَمُ الْغَيْبَ وَلآأَقُولُ لَكُمْ إِنِّي مَلَكٌ إِنْ أَتَّبِعُ إِلاَّ مَايُوحَى إِلَيَّ Kecapkeun, kuring henteu nyaritakeun ka maneh, yen perbendaharaan Allah aya ti kuring, jeung henteu (oge) kuring mikanyaho anu ghabi jeung henteu (oge) kuring ngecapkeun ka maneh, yen kuring ieu Malaikat. Kuring henteu nuturkeun, kacuali naon anu geus diwahyukeun ka kuring" (QS. Al An'am : 50). Tah kitu Den, Ncep........aya-aya we jalma kiwari, cing kumaha pamadegan Aden sareng Ncep ka jalma anu model kitu, hukumna naon? Kufar? Salam, -- *Pesen kuring "Elmu Tuntut Dunya Siar".* **
