Episode 89 : Ni Luh Santi ngondang guru2na
Sanggeus Mawar Hideung indit; gancang we Ni Luh Santi diuk semedi ngalempengkeun napas ; ti na embun2anana kaluar embun; tanda yen sanyata na Ni Luh Santi oge keuna tatu tanaga jerona; tapi sanggeus sawatara waktu Ni Luh Santi bisa jagjag deui. “Wah ampir we ! enyaan Mawar Hideung teu bisa dianggap enteng.” Cek Ni Luh Santi. “Kumaha kira2 kakuatan Pamingpin dibanding manehna ?” cek I Gde Butuh hayang nyaho . “Saenyana Kaula ge lain tandingan Mawar Hideung ! Elmu tanaga jerona masih saluhureun Kula saeutik; ngan wae manehna kaget lantaran manehna keuna ku Elmu Sakti Kaula ! Elmu Leak Kaula ! nu nyababkeun tanagana aya nu bocor. Mun henteu Kaula oge sigana bakal rubuh ! Nu matak manehna gancang indit ! Keur kitu Made Galiga ge geus normal deui; terus milu ngumpul; teu kungsi lila Nyoman Sakarta oge mucunghul. “Wah ! batur mah cape2 ieu kakara nongol, naha kasarean ?” Made Galiga ngahaja ngaweweleh Nyoman Sakarta. “Wah ! Ku sabab kalakuan hiji jelema puluhan anak buah jadi korban ! Untung Made Galiga gagah pisan ! Bisa ngusir Mawar Hideung !” Omongan Nyoman Sakarta enyaan nyelekit pisan; geus jelas Made Galiga keok disebut bisa ngusir Mawar Hideung; atuh teu tata pasini deui Made Galiga nyerang Nyoman Sakarta. Nyoman Sakarta bari nyingcet jeung nakis langsung ngabales :”Hahahaha ; najan sampean geus bisa ngusir Mawar Hideung; Kula Nyoman Sakarta teu sieun ! Hahahaha !” Enyaan dua Jago andelan Singa Barong jadi tarung; gancang wae I Gde Butuh jeung Ni Luh Santi misah; nya duanana eureun tarungna. Ni Luh Santi pok nyarita :” Guru Kula aya dua; nu hiji di kaler nu hiji di Kidul Pulo Bali ! Jung ayeuna sampeyan Nyoman Sakarta jeung Made Galiga undang eta dua Guru Kaula si na kadieu; lantaran Kula teu yakin bisa ngelehkeun eta Mawar Hideung.” Nya sanggeus silih perong Nyoman Sakarta jeung Made Galiga arindit ninggalkeun Gunung Bromo rek nuju ka Bali ngundang dua guru Ni Luh Santi. Guru2 Ni Luh Santi ngaranna Sanggabuana jeung Wiloka; duanana gancangna carita milu we ka Jawa; sanggeus nyiksa heula eta dua utusan Ni Luh Santi. Disiksa maksudna didieu diuji heula nepi ka duanana oge sababaraha kali tinggalusrak ! Tapi boh Nyoman Sakarta, boh Made Galiga teu pisan protes, lantaran memang geus sering pisan maranehna ngalaman kajadian kitu, satiap ngadep ka ieu Datuk Persilatan di Bali. Hanca
